Carapaz nagusitu da Peñas Blancasen eta Evenepoelek lider jarraitzen du
Richard Carapaz (INEOS Grenadiers) txirrindulari ekuadortarrak irabazi du ostegun honetan Espainiako Vueltako hamabigarren etapa, Salobreña eta lehen mailako Peñas Blancas mendatearen artean jokatu dena (192,7 kilometro). Bere aldetik, Remco Evenepoel (Quick-Step Quick-Step Alpha Vinyl) belgikarrak sailkapeneko buruan jarraitzen du, nahiz eta eroriko bat pairatu duen.
Carapazek eguneko ihesaldi jendetsua aprobetxatu du ia hamar minutuko aldea lortzeko; dena den, maila handiko txirrindularien aurka jokatu behar izan du etapa garaipena, besteak beste, bigarren helmugaratu den Wilco Kelderman (Bora Hansgrohe) herbeheretarra. Bata zein besteak nabarmen egin dute gora sailkapenean gaurkoaren ostean. Horixe zen bien hasierako helburua lasterketa hasi aurretik.
Faboritoen artean, Evenepoelek ez du beste batzuetan azaldutako erraztasun bera erakutsi azken igoeran aldeak handitzeko asmoz; agian, helmugatik urrun izandako erorikoen eraginez. Hartara, sailkapen nagusiko lehen bostak ia elkarrekin helmugaratu dira.
Ostiral honetan, hamahirugarren etapa jokatuko da Ronda eta Montilla artean, 168,4 kilometrokoa eta esprintean amaitzeko egokia dena.
12. ETAPAREN SAILKAPENA:
1 - CARAPAZ Richard (INEOS) 4:38:26
2 - KELDERMAN Wilco (BORA) +0:09
3 - SOLER Marc (UAE) +0:24
4 - POLANC Jan (UAE)s +0:26
5 - BRENNER Marco (DSM) +0:34
6 - GESBERT Élie (Arkéa) +0:56
7 - VINE Jay (Alpecin) +1:12
8 - HAGEN Carl Fredrik (Israel) +1:23
9 - SHAW James (EF) +3:04
10 - FABBRO Matteo (BORA) +3:17
SAILKAPEN NAGUSIA:
1 - EVENEPOEL Remco (Quick-Step) 44:25:09
2 - ROGLIC Primož (Jumbo-Visma) +2:41
3 - MAS Enric (Movistar) +3:03
4 - RODRÍGUEZ Carlos (INEOS) +4:06
5 - AYUSO Juan (UAE) +4:53
6 - KELDERMAN Wilco (BORA) +6:28
7 - LÓPEZ Miguel Ángel (Astana) +6:56
8 - ALMEIDA João (UAE) +7:18
9 - POLANC Jan (UAE) +8:00
10 - GEOGHEGAN HART Tao (INEOS) +8:05
Zure interesekoa izan daiteke
Kazkabar ekaitz batek Vueltako hirugarren etapa bertan behera uztera behartu du
Antolatzaileek bertan behera utzi behar izan dute hirugarren etapa, Mont Louiseko igoeran izandako kazkabar ekaitz baten ondorioz.
Matthew Brennanek irabazi du Manosquen, esprintean, eta Tadej Pogacarrek lider jarraitzen du Espainiako Vueltan
Visma Lease a Bike taldeko txirrindulari britainiarra izan da azkarrena lasterketako bigarren etapako azken metroetan. Pogacar hirugarren postuan helmugaratu da, eta, hala, maillot gorriari eutsi dio, sailkapen nagusiko lehen tokian segitzen baitu.
Pogacarrek irabazi du Monakon, eta La Vueltako liderra da lehen egunean
Esloveniarrak bederatzi ehunenengatik irabazi dio Ethan Hayterri gorriz janzteko.
Mikel Landa Soudal Quick-Step taldeko liderra izango da bere hamargarren Vueltan
Horrela, arabarrak hamargarren aldiz korrituko du Espainiako Vuelta, kasu honetan Soudal Quick-Step taldeko lider gisa. Hala ere, Filippo Zana italiarra eta Valentin Paret-Peintre frantziarra dira sailkapen nagusirako taldearen beste aukerak.
Pello Bilbaok bere azken Espainiako Vueltan lehiatzeko aukera izango du Bahrain taldearekin
Frantziako Tourra galdu ostean, txirrindulari gernikarrak motibazio bereziarekin egingo dio aurre bere azken Vueltari, eta hiru asteetan zehar talde gaztea gidatzen lagunduko du. "Azkenean, Tourra korritu ez izanak Vuelta egiteko ateak ireki dizkit, eta oso motibatuta nago", adierazi du Bilbaok.
Markel Beloki gasteiztarra Vueltako irteeran izango da Carapaz buru duen EF taldearen eskutik
Txirrindulari arabarrak bere bigarren Vueltan izango duen zeregin nagusia taldeburu ekuadortarrari laguntzea izango da. "Denboraldian zehar hainbat lasterketatan izan ditut aukerak, baina orain taldeari ahalik eta gehien laguntzen saiatuko naiz. Hori da hurrengo hiru asteetarako helburu nagusia", azaldu du Belokik.
Kern Pharma Espainiako Vueltara itzuliko da, 2024an izandako arrakasta errepikatzeko asmoz
Berrade, Uriarte, Cobo, Brustenga, Ruiz, Elosegi, Ramiro Sosa eta Wenzel dira talde nafarrak Monakon larunbat honetan abiatuko den lasterketan parte hartzeko aukeratu dituen zortzi txirrindulariak.
2026ko Espainiako Vueltako etapa guztien profilak eta ibilbideak
81. Espainiako Vuelta abuztuaren 22tik irailaren 13ra bitartean jokatuko dute, eta Monakon hasiko da eta Granadan amaitu. Lasterketa kirolakeitb.eus-en eta ETBn jarraitu ahalko duzu, egunero-egunero.
Tadej Pogacar 2026ko Espainiako Vueltan izango da, abuztuaren 22tik aurrera
Frantziako Tourra bosgarrenez irabazi berritan, UAEko txirrindulari esloveniarrak hurrengo Espainiako Vuelta jokatuko du. 2019an parte hartu zuen, oraingoz aurrenekoz eta azkenekoz, Espainiako Vueltan; ekitaldi hartan, hirugarren postua lortu zuen, eta hiru etapa irabazi zituen.
Paula Blasik irabazi du Espainiako Vuelta, eta Ostolazak laugarren bukatu du
Azken etapa Anglirun amaitu da eta Petra Stiasnyk eraman du garaipena, Blasi baino 23 segundo azkarrago helmugaratuta.