Kolonbiarrak, etapa garaipenekin, lidertzekin, baina podiumetik kanpo
Amaitu da 2019ko Vuelta, eta txirrindulari kolonbiarrak protagonista izan dira, podiumean sartu ez diren arren. Hala ere, lau kolonbiar sartu dira sailkapen nagusiko lehen 20 postuetan.
Astanak taldekako erlojupekoan lortutako garaipenarekin hasi zen Espainiako Itzulia. Ondorioz, Miguel Angel Lopez izan zen 74. edizioko lehen liderra. Hala ere, 'Superman' Lopezek ezin izan zion lidertzari eutsi bigarren etapan, baina Nairo Quintanak lortu zuen etapa garaipena. Nicolas Roche jarri zen sailkapen nagusiko lehen postuan.
Liderraren elastiko gorriak kolonbiar zaporea hartu zuen bosgarren etapan. Madrazo espainiarrak lortu zuen garaipena, eta Miguel Angel Lopezek jantzi zuen liderraren maillota. Hurrengo etapan, seigarrenean, Dylan Teunsek lapurtu zion lidertza, baina 'Superman' Lopezek lehen postua berreskuratu zuen zazpigarren etapan, garaipena Alejandro Valverdek lortu zuelarik.
Bederatzigarren etapan galdu zuen maillot gorria Miguel Angel Lopezek, baina liderraren elastikoa kolonbiarren esku geratu zen, Nairo Quintanak jantzi baitzuen, Tadej Pogacarrek etapa garaipena lortu ostean.
Hamargarren etapan, ordea, banakako erlojupekoa heldu zen, eta egun zaila eta gogorra izan zen txirrindulari kolonbiarrentzat. Primoz Roglicek erakustaldia eman zuen garaipena lortuta, eta Vuelta irabazteko aukerarik gabe utzi zuen Nairo Quintana, hiru minutu galdu baitzituen. 'Superman' Lopezek ere bi minutu galdu zituen lider jarri zen Roglicekiko.
Hamazazpigarren etapari, liderrarekiko zazpi minutu baino gehiagora ekin zion Nairo Quintanak, sailkapen nagusiko hirugarren postutik urrun, baina etapako ihesaldian sartu zen, eta bost minutu berreskuratu zituen Vuelta irabazteko faboritoekiko. Horrela, Quintana sailkapen nagusiko bigarren postuan kokatu zen Roglicengandik 2'24"ra, eta hirugarren zen Valverderekiko 24 segundoko abantaila zuen. Gainera, Quintanak 1'18"ko abantaila zuen Pogacarrekiko (laugarren) eta 1'45"ekoa Miguel Angel Lopezekiko (bosgarren).
Irailaren 12an etorri zen txirrindularitza kolonbiarraren bigarren etapa garaipena. Sergio Higuitak 18. etapa irabaztea lortu zuen. Nairo Quintanak sailkapen nagusiko bigarren postua galdu zuen, eta hirugarren tokira jaitsi zen, Alejandro Valverderen mesedetan. Quintana lehen postutik 3'31"ra kokatu zen, Valverdek 41 segundo ateratzen zizkiolarik. Miguel Angel Lopez laugarren postuan zegoen, Nairorekiko 46 segundora. Quintanak 1'18"ko abantaila zeukan bosgarren postuan zen Pogacarrekiko.
Azken-aurreko etapa iritsi zen, hogeigarrena. Kolonbiak bi aukera zituen txirrindulariren bat podiumean sartzeko, Nairo Quintanarekin eta 'Superman' Lopezekin. Hala ere, Tadej Pogacar izan zen arriskatu zuena, eta faboritoetako inor ez zen gai izan esloveniarraren erritmoari eusteko. Gauzak horrela, Pogacarrek 20. etapa irabazi zuen, sailkapen nagusiko hirugarren postua bermatu zuen, eta podiumetik at utzi zituen Nairo Quintana eta Miguel Angel Lopez.
Vueltaren amaieran, lau kolonbiar sartu ziren sailkapen nagusiko lehen hogei postuetan: Nairo Quintanak laugarren postuan amaitu zuen, Miguel Angel Lopez bosgarren izan zen, 14. postua erdietsi zuen Sergio Higuitak, eta Esteban Chaves 19. izan zen. Gainera, Nairo Quintanak taldekako garaipena lortu zuen Movistarrekin.
Zure interesekoa izan daiteke
Paula Blasik irabazi du Espainiako Vuelta, eta Ostolazak laugarren bukatu du
Azken etapa Anglirun amaitu da eta Petra Stiasnyk eraman du garaipena, Blasi baino 23 segundo azkarrago helmugaratuta.
Anna van der Breggenek bere legenda handitu du Les Praeresen garaipena lortuta
Sailkapen nagusian Van der Breggenek 18 segundora du Paula Blasi kataluniarra, eta 41era, berriz, Marion Bunel frantziarra.
Mischa Bredewoldek irabazi du bosgarren etapa esprintean
Herbeeretako txirrindulariak Lotte Kopecky taldekidea eta Letizia Paternoster (Liv AlUla Jayco) italiarra gainditu ditu helmugan. Gaurkoa zen mota honetako bukaera bat ikusteko azken aukera bihartik aurrera mendateak izango baitira garrantzitsu
Lotte Kopeckyk irabazi du laugarren etapa esprintean, eta lider maillota jantzi du
SD Worx taldeko belgikarrak bere indarra baliatu du gaurko esprintean, bi aldiz bigarren sailkatu ondoren. Gainera, Kopecky da Vueltako lider berria, 10 segundoko errentari esker, eta 6 segundoko aldea du Kocheken ondoan, eta 12koa ateratzen dio Kerbaolekeri.
Kerbaol bretoiak ezustekoa eman eta irabazi du Coruñan, eta Kochek lider jarraitzen du
Etapa esprintean erabaki behar zela zirudienean, Cedrine Kerbaolek (EF Education) helmugatik 2.000 metrora erasoa jotzea erabaki du. Bresteko txirrindulariak segundo gutxi batzuetako tartea zabaldu du, eta bakarrik, pozez zoratzen, helmugaratu da.
Bossuyt belgikarrak Franziska Koch lider berria gainditu du esprintean
Bossuytek ezin zuen sinetsi ere egin lasterketa handi batean lehen garaipena lortu izana, bere palmareseko laugarrena, baina esprintean ohore hori merezi izan du, txirrindulari onenak gainditu baititu.
Noemi Rüegg suitzarra, Vueltako lehen liderra
Euriak eta helmugara iristeko 8 kilometrora tropela zatitu duen erorikoak markatu dute lehen etapa.
Laboral Kutxak talde igotzailea eramango du Vueltara, eta Usoa Ostolaza izango du lider
Igandean hasiko da, eta Pauline Ferrand-Prevot frantziarra eta Kasia Niewiadoma poloniarra dira faborito nagusiak, Demi Vollering azken bi urteetako txapelduna ez baita bertan arituko.
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
2026ko Emakumezkoen Vuelta Galizian hasiko da maiatzaren 3an
Ibilbide osoaren berri martxoaren 9an emango dute, Ribeiran.