Nairo Quintana: 'Contador da faborito nagusia'

Alberto Contador txirrindulari espainiarra da Vuelta irabazteko faborito nagusia, Nairo Quintana (Movistar) lideraren arabera.

"Argi geratu da faboritoak sasoi onean direla. Indartsuenak Valdelinaresen agertu ziren. Faborito nagusia Contador da, bera da indartsuena, uste genuena baino hobeto dago. Eta Froomen erlojupekoa ikusi beharra dago".

Baikor agertu da Quintana astearteko erlojuaren kontrako etapari buruz galdetu diotenean. "Erlojupekoan pixka bat hobeto dut, eta aurkariengandik hurbil egongo naizela uste dut. Denbora galdu dezaket, baina ez asko", gaineratu du kolonbiarrak.