Contadorrek Espainiako Vuelta irauli du
Alberto Contador (Saxo Bank) Madrileko txirrindulariak Espainiako Vuelta irauli du gaur, Santander eta Fuente De lotu dituen 17. etapa irabazita. 187,3 kilometroko ibilbidean maillot gorria bereganatu du Pintoko txirrindulariak. Purito Rodriguez atzean utzi eta lasterketa erabakita utzi du Contadorrek.
Contadorrek Collado de la Hozen, jardunaldiko azkenaurreko mendatean, eraso egin eta Purito atzean utzi du. Horrela, madrildarra helmugaraino bakarrik heldu da. Bien bitartean, liderra denbora galtzen joan da kilometro bakoitzean.
Madrildarrak lau ordu 29 minutu eta 20 segundo behar izan ditu etapa bukatzeko, 6 segundoko aldea sartu dio Alejandro Valverderi helmugan eta ia hiru minutu Purito Rodriguezi.
Gaurko eguna "guztien oroimenean" geratuko da, Contadorren hitzetan. "Jendeak gogoraraziko du, gaur urrunetik eraso egitea oso arriskutsua zen, baina txirrindularitzan arriskatzen ez ez duenak ez du irabazten", azpimarratu du.
"Apustu egin dut, baliteke nire gorputzaldirik onenean ez egotea, baina irabazteko gogo handia nuen. Babesa eman didan jendeari eta zaleei eskaini nahi diet garaipena", esan du.
Ostegun honetan 18. etapa jokatuko da Aguilar de Campoo eta Valladolid artean (204,5 kilometro).
17. etapako sailkapena:
.1. Alberto Contador (ESP-Saxobank) 4:29:20
.2. Alejandro Valverde (ESP-Movistar) a 6
.3. Sergio Luis Henao Montoya(COL-SKY) d.b.
.4. Gorka Verdugo Markotegi (ESP-Euskaltel) d.b.
.5. Rinaldo Nocentini (ITA-AG2R) 19
.6. Jan Bakelants (BEL-Radioshack) 55
.7. Benat Intxausti E.(ESP-Movistar) 1:13
.8. Alexandre Geniez (FRA-Argos) 1:40
.9. Paolo Tiralongo (ITA-Astana) 2:13
.10. Joaquim Rodriguez Oliver (ESP-Katusha) 2:38
Sailkapen nagusia:
.1. Alberto Contador (ESP-Saxo Bank) 68:07:54
.2. Alejandro Valverde (ESP-Movistar) 1:52
.3. Joaquim Rodrguez (ESP-Katusha) 2:28
.4. Christopher Froome (GBR-Sky) 9:40
.5. Daniel Moreno (ESP-Katusha) 11:36
.6. Robert Gesink (HOL-Rabobank) 12:06
.7. Laurens Ten Dam (HOL-Rabobank) 12:55
.8. Andrew Talansky (AEB-Garmin) 13:06
.9. Igor Anton Hernandez (ESP-Euskaltel) 13:49
.10. Benat Intxausti E. (ESP-Movistar) 14:10.
Zure interesekoa izan daiteke
Matthew Brennanek ez du huts egin Sevillan, eta bosgarren aldiz gailendu da Espainiako Vueltan
Aurreikusita zegoenez, lasterketaren 81. ekitaldiko hamazortzigarren etapa esprintean erabaki da, eta Brennan, beste behin, onena izan da. Espainiako Vueltak, orain, osteguneko erlojupekoa du jomugan; izan ere, azken sailkapen nagusirako oso garrantzitsua izan liteke.
Matthew Brennanek Espainiako Vueltako azkarrena izaten jarraitzen du, eta lau garaipen daramatza esprintean
Visma Lease a Bike taldeko txirrindulari britainiarrak, asteartean, lasterketako 81. ekitaldiko hamaseigarren etapa irabazi du, Palos de la Fronteran. Sailkapen nagusian, ez dago aldaketarik, eta Enric Masek lehen postuari eutsi dio; 2:06ko aldea du Gallekiko, eta 2:10 Roglicekiko.
Van Aert bigarrenez nagusitu da, bero handiko etapan, eta Enric Masek lidergoari eutsi dio Kordoban
Wout van Aertek irabazi du Vueltako 15. etapa, Kordoban erabaki den esprint murriztuan nagusituta. Txirrindulari belgikarrak bigarren garaipena lortu du aurtengo edizioan, eta Enric Masek liderraren maillot gorria mantendu du, muturreko beroak eraginda ibilbidea murriztu behar izan duten jardunaldian.
Brenner nagusitu da La Panderan, eta Masek lehen postua sendotu du
Marco Brennerrek irabazi du Vueltako 14. etapa, ihesaldi luze baten ondoren, La Pandera mendatean jarritako helmugan esprintean nagusituta. Enric Masek, bere aldetik, aurrerapauso handia eman du sailkapen nagusian, Primoz Roglicekiko aldea handituta.
Wout van Aert nagusi Lojan, eta Enric Masek elastiko gorriari eutsi dio
Van Aertek laugarren garaipena lortu du Vueltan, Valentin Paret-Peintre Soudal taldeko frantziarra esprintean gaindituta. Enric Masek, berriz, sailkapen nagusiko lidergoari eutsi dio.
Jakob Omrzelek irabazi du Calar Alton, Urko Berrade bigarren dela, eta Enric Masek lidergoa sendotu du Espainiako Vueltan
Bahrain-Victorious taldeko txirrindulari gazteak irabazi du Espainiako Vueltako 81. etapa nagusia, eta Masek 27 segundo gehiago atera dizkie Primoz Roglic eta Felix Galli. Urko Berrade eta Pello Bilbao eguneko ihesaldian izan dira.
Matthew Brennan azkarrena izan da berriro esprintean, Lorcan, eta hiru garaipen lortu ditu Espainiako Vueltan
Vismako txirrinduari britainiarrak irabazi du lasterketako 81. ekitaldiko hamaikagarren etapa; Movistarreko Enric Masek lider jarraitzen du.
Bastien Tronchonek irabazi du, esprintean, Espainiako Vueltako hamargarren etapa, eta Enric Masek lider jarraitzen du
Xabier Mikel Azparrenek oso gertu izan du garaipena, baina tropelak azken metroetan aurreratu du; donostiarra seigarren postuan helmugaratu da. Sailkapen nagusian, ez da aldaketarik izan.
Enric Mas nagusitu da Aitana gainean, eta sendotu egin du bere lidergoa
Mallorcako txirrindulariak indar erakustaldia eman du Aitanan, 2026ko Vueltako bederatzigarren etapa irabazita. Movistar Team taldeko buruak nagusitasunez erantzun dio maillot gorria janzteko erronkari, Tadej Pogacar erretiratu ostean, Primoz Roglic eta Felix Gall gaindituz eta lehen atseden egunaren aurretik lidergoa sendotuz.
Pogacarrek bere lehen mezua publikatu du ospitaletik: “Stayin' alive"
Esloveniarrak bere jarraitzaileak lasaitu nahi izan ditu Espainiako Vueltan eroriko larria izan ostean. Pogacarrek lasterketa utzi behar izan zuen larunbatean, aurtengo ekitaldia irabazteko dena alde zuenean.