Urrea Ostizentzat eta zilarra Aranguren eta Urkaregirentzat, Espainiako errepideko txapelketan
Larunbat honetan Granadan jokatu den junior mailako Espainiako errepideko txirrindularitza txapelketan, Paula Ostiz nafarrak urrezko domina eskuratu du, zilarra irabazi duen Irati Aranguren gipuzkoarra oso gutxigatik garaituta. Gizonezkoetan, Eñaut Urkaregi gipuzkoarrak ere zilarrezko domina lortu du.
Granadan hasi eta amaitu den 85,5 kilometroko ibilbidea eginda, Ostiz, Aranguren eta Leyre Almena valentziarra batera iritsi dira helmugara, eta bertan erabaki da irabazlea.
Foto finisha behar izan da Paula Ostiz nagusitu dela baieztatzeko. Irati izan da bigarren, eta Leyre Almenak eskuratu du podiumeko hirugarren maila.
Gizonezkoen lasterketan, Benjamin Novalek erakustaldia eman du, ihes egin eta 60 kilometrotik gora bakarrik eginda, aurkariak nagusitasun handiarekin menderatzeko.
Eñaut Urkaregi gipuzkoarra sailkatu da bigarren, eta Mario Cordero andaluziarra izan da hirugarren.
23 urtez azpiko gizonezkoen lasterketa arratsaldean jokatu da. Bertan, Yago Aguirre gipuzkoarrak urrezko domina lortu du, helmugarako 15 kilometro falta zirenean tropeletik alde egin ostean.
Igande honetan, elite mailako emakumezkoen eta gizonezkoen lasterketak eta 23 urtez azpiko emakumezkoen proba jokatuko dira.
Zure interesekoa izan daiteke
Xabier Isasak irabazi du Portugalgo Itzuliaren seigarren etapa
Urretxuko txirrindulariak egun osoa ihesaldian eman du, eta Rui Oliveira portugaldarrari esprintean nagusitu zaio, bigarren talde bat gainean zuela. Gipuzkoarraren aurreneko garaipena da profesionaletan.
Jon Agirrek beste bi urterako berritu du kontratua Euskaltel-Euskadirekin
Zumaiako txirrindularia talde laranjaren erreferentzia gisa finkatu da eta 2026ko urte bikaina osatzen ari da.
2026ko Norvegiako Arctic Race lasterketako etapa guztien profilak eta ibilbideak
Norvegiako Arctic Race abuztuaren 13tik 16ra bitartean jokatuko da, eta Evenesen hasi eta Narviken amaituko da. Lau etapak zuzenean eskainiko ditu EITBk.
2026ko Espainiako Vueltako etapa guztien profilak eta ibilbideak
81. Espainiako Vuelta abuztuaren 22tik irailaren 13ra bitartean jokatuko dute, eta Monakon hasiko da eta Granadan amaitu. Lasterketa kirolakeitb.eus-en eta ETBn jarraitu ahalko duzu, egunero-egunero.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Maite Urteagak irabazi du Gaztela-Mantxako Itzulia
Natalia Vasquezek irabazi du azken etapa, gipuzkoarra izan da bigarren, eta Lur Zufiria, berriz, hirugarren.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.