Omar Frailek Ineos Grenadiers taldearekin berritu du, 2025era arte
Omar Fraile txirrindulariak Ineos Grenadiers taldearekin berritu du bi denboraldirako, alegia, 2025era arte, ostegunean Erresuma Batuko taldeak iragarri duenez. 33 urteko ziklista santurtziarrak bi denboraldi eman ditu, orain arte, Ineosen; Astanatik iritsi zen bertara. 2023ko denboraldian, Frantziako Tourra eta Espainiako Vuelta egin ditu, eta, horrez gain, otsailean, Andaluziako Itzuliaren etapa bat irabazi zuen.
Frailek, palmaresean, Frantziako Tourreko etapa bat du: 2018an bereganatu zuen, Astanan zebilela. Horrez gain, 2017ko Italiako Giroan ere lortu zuen etapa bat irabaztea, Dimension Data taldeko kidea zela, eta 2018ko Euskal Herriko Itzuliko etapa bat ere badu garaipenen zerrendan. Hori gutxi ez, eta 2015eko eta 2016ko Espainiako Vueltan, mendiko sailkapena irabazi zuen. Garaipen horietaz gain, erakutsita du bikain betetzen duela talde gizonaren rola; amaitu berri den denboraldian, esaterako, Frantziako Tourrean, laguntza handia eman zion Carlos Rodriguezi.
"Harro zaude munduko talderik onenetako maillota janzteagatik. Horrek presioa dakar, baina modu berezian sentitzen duzu. Pozik nago taldean bi denboraldi gehiago jarraitzeagatik", esan du Omar Frailek, Ineosen web orrian jasotako adierazpenetan.
"Azken bi denboraldietan", gehitu du, orain arte Erresuma Batuko taldean izandako ibilbidea hizpide, "hainbat une berezi izan dira, baina, nire iritziz, nabarmenenak dira, alde batetik, Andaluzian erdietsi nuen garaipena, eta, bestetik, Bilbon hasi zen Frantziako Tourrerako taldean egon izatea. Tourrean etxean lehiatzea sinestezina izan zen. Ondorengo denboraldietan horiek bezalako une gehiago bizitzeko irrikan nago".
Zure interesekoa izan daiteke
Azparren: “Azkar joan gara eta bukaeran tentsio asko izan da"
Xabier Mikel Azparren (Pinarello Q36.5) txirrindulari donostiarrak Frantziako Tourreko zazpigarren etaparen balorazioa egin du. Etapa lasaia baina azkarra izan dela nabarmendu du, beste behin beroak eraginda, eta aurreko etapan euskaldunengandik jasotako babesa goraipatu du.
Tim Merlierrek bere boterea erakutsi du Bordelen
Soudal Quick-Step taldeko txirrindulari belgikarra azkarrena izan da esprintean ardoaren hirian amaitzen zen zazpigarren etapan. Soren Waerenskjold norvegiarra izan da (Uno-X Mobility) bigarrena eta Biniam Girmai eritrearra (NSN Cycling Team), hirugarrena. Sailkapen nagusian ez da aldaketarik egon, eta Tadej Pogacar (UAE Team Emirates-XRG) esloveniarrak jarraitzen du lidergoan.
Marco Martin Euskaltelen lehen taldera igo da, eta Ordizian egingo du debuta
19 urteko txirrindulari bilbotarra aurten sartu da Euskadi Fundazioaren egituran, Bull-BORA taldeko garapen taldetik etorrita.
2026ko Frantziako Tourreko 20. etaparen profila, ibilbidea eta ordutegia: Le Bourg d’Oisans-Alpe d’Huez (170,9 km)
Lasterketako hogeigarren etapa, uztailaren 25ean, larunbatean, jokatuko dena, Frantziako Tourraren 113. edizio honetako etaparik desiratuenetako bat da. Alpe d’Huez mitikoan amaitzen da, eta Frantziako Tourra irabazteko azken aukera da.
2026ko Frantziako Tourreko 19. etaparen ibilbidea, profila eta ordutegia: Gap-Alpe d’Huez (127,9 km)
Frantziako lasterketaren hemeretzigarren etapak lau mendate puntuagarri ditu, baina aipamen berezia merezi duena Alpe d’Huez mitikoa da. Bertan amaitzen da etapa.
Ion Izagirre: “Ikaragarria izan da, ez dut sekula mendate bat irribarrea ahoan nuela igo, gaur bezala"
Cofidiseko txirrindulari ormaiztegiarrak onartu duenez, "alde batetik, pena sentitu dut, ihesaldirik ez delako osatu, eta gustatuko litzaidake ihesaldia hartu eta mendateetan, behintzat, aurrealdean pasa, baina oso azkar joan da hasieratik". "Saiatu naiz aurrekoekin egoten, baina ezin izan dut", erantsi du.
Mauro Gianetti: “Aspin eta Tourmaleten erritmo oso altua ezartzea zen asmoa, Pogacarrek erasoa jo zezan"
Mauro Gianetti, UAE Team Emirates taldeko Team Principalak, Frantziako Tourreko seigarren etapa aztertu du. Suitzarra oso pozik agertu da bere taldearen lanarekin: "Taldea sekulakoa izan da, Matxinek lan bikaina egin du planarekin". Pogacarrekin sailkapen nagusian alde handia lortu duten arren, ez du uste Tourra erabakita dagoenik: "Oraindik asko geratzen da", ohartarazi du.
Pogacar garaile, sekulako indar erakustaldia eginda
Tadej Pogacarrek irabazi du Frantziako Tourreko seigarren etapa. Esloveniarrak erasoa jo du helmugatik 42 kilometrora eta bakarrik joan da hortik eta helmugaratu den arte. Vingegaard iritsi da bigarren, eta Del Torok hartu du hirugarren lekua.
Pogacarrek, bere enegarren maisulanean, Tourra ia erabakita utzi du Tourmaleten eta Gavarnien
Esloveniako izarrak erasoa jo du Tourmaleteko igoeran, Isaac del Toro taldekidearekin batera, eta laster bakarrik joan da helmugaren bila. Vingegaardek, Evenepoelek eta Seixasek ezin izan dute Pogacarren gurpila jarraitu.
Traeen liderrak Tourmaleten izandako erorikoa
Torstein Traeen liderrak erorikoa izan du Frantziako Tourreko seigarren etapan. Bihurgunean taldekidea itxi eta norvegiarra tartean sartu zaio, atzean jarraitu behar zuenean.