Mark Cavendish ez da aurten erretiratuko, eta Astana taldean jarraituko du beste denboraldi batez
Mark Cavendish (Astana Kazakhstan Team) txirrindulari britainiarrak bertan behera utzi du aurtengo denboraldiaren amaieran erretiroa hartzeko zuen asmoa, Italiako Giroa korritzen ari zenean iragarri zuena, eta, hala, asteazken honetan jakinarazi du kontratua berritu duela Astana taldearekin 2024ko denboraldirako. Merckxekin batera Tourrean duen 34 garaipeneko errekorra gainditzea izango du helburu.
"Txirrindularitzaren historiako esprinter onenetako batek, Mark Cavendishek, bere ibilbide profesionalaren amaiera beste urtebetez atzeratzea erabaki du. Aldi berean, Mark Cavendishek eta Astana Kazakhstan taldeak akordioa lortu dute datorren denboraldirako", iragarri du Astanak ohar baten bidez.
Gerora, Cavendishek berak albistea berretsi du: "Beno, aurten txirrindularitza utziko nuela iragarri nuen, eta gogotsu nengoen egunero entrenatzera jaiki beharrik ez izateko eta hainbeste denbora etxetik kanpo ez egoteko, familiarekin denbora pasatzeko baizik. Txirrindularitza asko gustatzen zait, lasterketak asko gustatzen zaizkit, baina pozik nengoen erabaki horrekin", azaldu du txirrindulariak.
"Frantziako Tourretik kanpo geratzea (lasterketa utzi behar izan zuen eroriko batengatik) ez zen nire ibilbide profesionalari eman nahi nion amaiera. Baina hori da dagoena. Astana Kazakhstanekin batera, talde bezala izugarri hazi gara aurten, eta benetako familia batean bezala sentitu gara. Ni erori ondoren, Aleksandr Vinokurovek Frantziako Tourrean esan zidan lehenengo gauza honakoa izan zen: Zergatik ez duzu beste urtebete egiten?", gaineratu du britainiarrak.
Hasiera batean ezezkoa eman bazuen ere, esprinterrak iritzia aldatu zuen familiarekin hitz egin ostean, eta "beste urtebetez" jarraitzera animatu zuten. "Beraz, orain uste dut prest nagoela beste denboraldi batez txirrindulari profesional gisa aritzeko, eta pozik Astana Kazakhstan taldearekin egin dezakedalako. Asko gustatzen zait talde hau, eta, datorren urtetik haratago, proiektu honen alde beste zerbait gehiago egitea gustatuko litzaidake. Hala ere, hori etorkizunari begirako kontua da", zehaztu du Cavendishek.
Horrela, errepideko munduko txapeldun ohiak (2011) baztertu egin du aldi baterako Italiako Giroko bigarren atseden-egunean iragarri zuen erretiroa hartzeko asmoa, 38 urte bete berritan eta 160 garaipen baino gehiago dituela.
"Ez da inongo sekretua Marken helburu nagusia Frantziako Tourra zela, bertan etapa bat irabazteko. Izan ere, zazpigarren etapan bere marka historikoa haustetik oso gertu egon zen. Hala ere, hurrengo egunean eroriko handi batek plan guztiak hankaz gora jarri zituen. Uste dut benetako txapeldun batek ez lukeela horrela amaitu behar bere ibilbidea", adierazi du Aleksandr Vinokurov Astana Kazakhstan taldeko zuzendari nagusiak.
Zure interesekoa izan daiteke
Tim Merlierrek bere boterea erautsi du Bordelen
Soudal Quick-Step taldeko txirrindulari belgikarra azkarrena izan da esprintean ardoaren hirian amaitzen zen zazpigarren etapan.
Marco Martin Euskaltelen lehen taldera igo da, eta Ordizian egingo du debuta
19 urteko txirrindulari bilbotarra aurten sartu da Euskadi Fundazioaren egituran, Bull-BORA taldeko garapen taldetik etorrita.
2026ko Frantziako Tourreko 20. etaparen profila, ibilbidea eta ordutegia: Le Bourg d’Oisans-Alpe d’Huez (170,9 km)
Lasterketako hogeigarren etapa, uztailaren 25ean, larunbatean, jokatuko dena, Frantziako Tourraren 113. edizio honetako etaparik desiratuenetako bat da. Alpe d’Huez mitikoan amaitzen da, eta Frantziako Tourra irabazteko azken aukera da.
2026ko Frantziako Tourreko 19. etaparen ibilbidea, profila eta ordutegia: Gap-Alpe d’Huez (127,9 km)
Frantziako lasterketaren hemeretzigarren etapak lau mendate puntuagarri ditu, baina aipamen berezia merezi duena Alpe d’Huez mitikoa da. Bertan amaitzen da etapa.
Ion Izagirre: “Ikaragarria izan da, ez dut sekula mendate bat irribarrea ahoan nuela igo, gaur bezala"
Cofidiseko txirrindulari ormaiztegiarrak onartu duenez, "alde batetik, pena sentitu dut, ihesaldirik ez delako osatu, eta gustatuko litzaidake ihesaldia hartu eta mendateetan, behintzat, aurrealdean pasa, baina oso azkar joan da hasieratik". "Saiatu naiz aurrekoekin egoten, baina ezin izan dut", erantsi du.
Mauro Gianetti: “Aspin eta Tourmaleten erritmo oso altua ezartzea zen asmoa, Pogacarrek erasoa jo zezan"
Mauro Gianetti, UAE Team Emirates taldeko Team Principalak, Frantziako Tourreko seigarren etapa aztertu du. Suitzarra oso pozik agertu da bere taldearen lanarekin: "Taldea sekulakoa izan da, Matxinek lan bikaina egin du planarekin". Pogacarrekin sailkapen nagusian alde handia lortu duten arren, ez du uste Tourra erabakita dagoenik: "Oraindik asko geratzen da", ohartarazi du.
Pogacar garaile, sekulako indar erakustaldia eginda
Tadej Pogacarrek irabazi du Frantziako Tourreko seigarren etapa. Esloveniarrak erasoa jo du helmugatik 42 kilometrora eta bakarrik joan da hortik eta helmugaratu den arte. Vingegaard iritsi da bigarren, eta Del Torok hartu du hirugarren lekua.
Pogacarrek, bere enegarren maisulanean, Tourra ia erabakita utzi du Tourmaleten eta Gavarnien
Esloveniako izarrak erasoa jo du Tourmaleteko igoeran, Isaac del Toro taldekidearekin batera, eta laster bakarrik joan da helmugaren bila. Vingegaardek, Evenepoelek eta Seixasek ezin izan dute Pogacarren gurpila jarraitu.
Traeen liderrak Tourmaleten izandako erorikoa
Torstein Traeen liderrak erorikoa izan du Frantziako Tourreko seigarren etapan. Bihurgunean taldekidea itxi eta norvegiarra tartean sartu zaio, atzean jarraitu behar zuenean.
2026ko Frantziako Tourraren 16. etaparen ibilbidea, profila eta ordutegia: Evian-les-Bains-Thonon-les-Bains (26,1 km, banakako erlojupekoa)
Igoera, jaitsiera eta ordeka tarteak konbinatzen dituen banakako erlojupekoa da, eta, ziurrenik, Leman aintziraren eta inguruko mendien artean ikuskizun zirraragarria eskainiko du. Ibilbideak 500 metroko desnibel positiboa du. Txirrindulariek Cote de Larringes, bigarren mailako mendatea, gainditu beharko dute.