Bahrain Victorious, Tourrera Mikel Landarekin eta Pello Bilbaorekin
Bahrain Victoriousek ekainaren 25ean jakinarazi du 2023ko Frantziako Tourrerako bere zortzikoa. Asiako taldeak baieztatu duenez, Mikel Landa eta Pello Bilbao euskal ziklistek parte hartuko dute uztailaren 1ean Bilbon hasiko den lasterketan.
Gainera, Landa eta Bilbao euskal txirrindulariekin batera egongo dira: Nikias Arndt, Phil Bauhaus, Jack Haig, Matej Mohoric, Wout Poels eta Fred Wright. Bahrain Victoriousen helburua da Mikel Landarekin sailkapen nagusia lehiatzea, etapa garaipenen bat lortzea baztertu gabe.
Landak onenen artean egotea izango du jomuga beste behin. Murgiako (Araba) txirrindularia saiatuko da podiumean sartzen, baina duela gutxi Radio Euskadin adierazi zuen lehen bosten artean amaitzea duela helburu.
Bestalde, Pello Bilbaoren eginbeharra Landari laguntzea izango da, mendiko etapetan batez ere. Hala ere, Gernika-Lumokoa (Bizkaia) etaparen bat irabazten ere saiatuko da.
Bahrain Victoriousen zortzikoa 2023ko Tourrerako:
Mikel Landa
Pello Bilbao
Nikias Arndt
Phil Bauhaus
Jack Haig
Matej Mohoric
Wout Poels
Fred Wright
Zure interesekoa izan daiteke
2026ko Frantziako Tourreko podiuma
Ikusi 2026ko Frantziako Tourreko podiumera igo diren txirrindulariak bere elastikoak jasotzera.
Aranburu eta Azparrenen adierazpenak, Frantziako Tourra amaitu berritan
Alex Aranburu eta Xabier Mikel Azparrenekin izan gara, Frantziako Tourreko azken etapa bukatu ondoren. Lasterketa ondo joan dela adierazi dute, eta haien esperientzia kontatu digute.
Frantziako Tourreko 21. etapako unerik onenak
2026ko Frantziako Tourreko azken etapak une ikusgarriak utzi ditu. Montmartren egin dituzten hiru igoeretan faboritoen arteko lehia estua egon da, Pogacarren eta Van der Poelen artean bereziki. Etapako irabazlea azken metroetako esprint estuan erabaki da.
Van Der Poelek irabazi du azken etapa eta Pogacarrek Tourra
Alpecin taldeko txirrindulariak erasoa jo du Montmartreko azken igoeran, Tadej Pogacarrekin batera, eta helmugatik metro gutxira indarrik gabe geratuko zela zirudien arren, berak eskuratu du garaipena. Philipsen taldekidea eta Pedersen helmugaratu dira ondoren.
Nolakoa izan da euskal txirrindularien jarduna Tourrean?
Ion Izagirre, Alex Aranburu eta Xabier Mikel Azparren txirrindulariek parte hartu dute Frantziako Tourraren 2026ko edizioan. Hiru astez munduko lasterketa garrantzitsuenean lehiatu ostean, euskal ordezkariek euren taldearen estrategiaren barruan egokitu zaien lana betez osatu dute itzuli handia.
Frantziako Tourrak 44 kilometro laburtu du azken etapa, suteengatik
Azken etaparen ibilbidea 133 kilometrotik 89ra murriztu dute, Frantziako hainbat eremutan izandako sute larrien ondorioz gaurko etapa zaindu behar zuten jendarme asko kaltetutako eremuetara bideratu behar izan dituztelako.
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.
Carapaz Alpe d'Huezen nagusitu da Kuss menderatuta, eta mendiko elastikoa ziurtatu du
Txirrindulari ekuadortarrak Frantziako Tourreko etapa nagusia irabazi du, estatubatuarrarekin lehia estua izan ostean. Kuss lurrera erori da azken txanpan, eta EF taldeko txirrindulariak bakarkako bideari ekin dio Alpeetako tontor mitikoan garaipen bikaina lortu eta mota gorridun elastikoa ziurtatzeko.
Euskal ordezkariak, World Tourreko taldeetako “staff” teknikoetan
Ezinbesteko lana egiten dute, txirrindulariek lasterketetan erakustaldi ederrak egin ahal izateko. “On Tour” saioan, Alpe d’Huezko etapa amaitutakoan, Xabier Usabiagak omenaldia egin nahi izan die.
Pogacarrek historia egin du Alpe d’Huezen: helmugatik 12 kilometrora jo du erasoa, atzean utzi ditu iheslariak, eta etapa irabazi du, Pantaniren marka hautsita
Frantziako Tourreko liderra ikusgarri ibili da mendate mitikoan: helmugarako 11,8 kilometro falta zirenean egin du aurrera, lasterketaren buruan zihoazen iheslariak harrapatu ditu, eta Carapaz, Lenny Martinez eta Kuss azken kilometroan gaindituta nagusitu da, Alpe d'Huez 35 minutu eta 26 segundoan igota, bide batez, Marco Pantaniren errekorra hausteko.