Elisa Longok irabazi du UAE Tourra
Elisa Longo (Trek-Segafredo) da 2023ko UAE Tourreko irabazlea. Igande honetan, otsailaren 12an, jokatu da laugarren eta azken etapa, Abu Dhabiko Erakusketa-Zentrotik Breakwaterrera artekoa (119 km), eta Charlotte Koolek (DSM) bereganatu du etapa garaipena.
Eguneko ihesaldian ibili dira hiru txirrindulari: Petra Stiasny (Fenix-Deceuninck), Aileen Schweikart (Laboral Kutxa) eta Iris Monticolo (Girls Fassa Bortolo). Trek-Segafredo taldeak kontrolpean izan du lasterketa, eta ihesaldia behera bota du helmugarako 18 kilometro falta zirenean. Ondoren, Liane Lippert eta Emma Norsgaard Movistarreko txirrindulariek jo dute erasoa, baina tropelak ez die alde egiten utzi.
Etapa garaipena esprintean erabaki da, eta azken metroetan Charlotte Kool izan da nagusi, Chiara Consonni (UAE Team) bigarren eta Lorena Wiebes (SD Worx) hirugarren.
Longok amaitu du lasterketa sailkapen nagusiko lehen postuan, taldekide eta herrikide Gaia Realini bigarrenari zazpi segundo aterata. Podiuma osatu du Silvia Persicok (UAE Team) hirugarren amaituta irabazlearekiko 1'18"ra.
Lehen hiru etapetako irabazleak eta liderrak
Lehen etapa Charlotte Koolek bereganatu zuen, eta liderraren elastikoa jantzi zuen herbeheretarrak. Bigarren etapan, aldiz, Lorena Wiebes nagusitu zen, eta sailkapen nagusiko lehen postuan kokatu zen; Kool herrikidea, berriz, bigarren postura jaitsi zen. Bestalde, hirugarren etapan Elisa Longok lortu zituen etapa garaipena eta lidertza. Ondorioz, italiarra liderraren elastikoarekin heldu zen azken etapara, Gaia Realini taldekidearekiko zazpi segundoko abantailarekin.
UAE Tourreko 4. etapako sailkapena:
1 - KOOL Charlotte (DSM) 2:57:55
2 - CONSONNI Chiara (UAE) d. b.
3 - WIEBES Lorena (SD Worx) d. b.
4 - NORSGAARD Emma (Movistar) d. b.
5 - DE ZOETE Mylène (CERATIZIT) d. b.
6 - CONFALONIERI Maria Giulia (Uno) d. b.
7 - BAKER Georgia (Jayco) d. b.
8 - ROY Sarah (Canyon) d. b.
9 - VERHULST Gladys (FDJ) d. b.
10 - SANGUINETI Ilaria (Trek) d. b.
UAE Tourreko sailkapen nagusia:
1 - LONGO BORGHINI Elisa (Trek) 12:08:48
2 - REALINI Gaia (Trek) + 0:07
3 - PERSICO Silvia (UAE) + 1:18
4 - SHACKLEY Anna (SD Worx) + 1:35
5 - CHABBEY Elise (Canyon) + 1:58
6 - HARVEY Mikayla (UAE) + 2:02
7 - PALADIN Soraya (Canyon) + 2:06
8 - PEPERKAMP Esmée (DSM) + 2:22
9 - LIPPERT Liane (Movistar) + 2:35
10 - MEIJERING Mareille (Zaaf) + 2:37
Zure interesekoa izan daiteke
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.