Velascok irabazi du Valentziako Erkidegoko Itzuliko hirugarren etapa ihesaldiari amaiera bikaina emanda
Simone Velascok (Astana-Qazaqstan) irabazi du Valentziako Erkidegoko Itzuliko hirugarren etapa, ostiral honetan (otsailaren 3an) Beteran hasi eta Sagunton bukatu (145,1 km) dena. Italiarrak mendean hartu ditu esprintean Bob Jungels (Bora-hansgrohe) eta Jonas Gregaard Wisly (Uno X-Pro) ihesaldiko kideak. Alex Aranburu (Movistar) laugarren izan da hiru segundora, tropel nagusiaren buruan helmugaratuta.
Eguneko ihesaldia bost txirrindularik osatu dute, baina Oronet (2. mailakoa) eta Garbi (1. mailakoa) mendateetako igoerek hirura murriztu dute taldetxoa. Lasterketaren buruan geratu dira Velasco, Jungels eta Gregaard. Bazirudien tropelak harrapatu egingo zituela, baina ez da hala izan, eta Velascok bereganatu du garaipena.
Hirugarren etapa amaituta Giulio Ciccone (Trek-Segrafedo) da sailkapen nagusiko liderra, eta hiru segundo ateratzen dizkio Pello Bilbao (Bahrain-Victorious) bigarrenari. Alexandr Vlasov (Bora-hansgrohe) dago hirugarren postuan liderrarekiko sei segundora, eta Alex Aranburu da laugarren Cicconerekiko hamar segundora.
3. etapako sailkapena:
1 - VELASCO Simone (Astana) 3:13:47
2 - JUNGELS Bob (BORA) d. b.
3 - GREGAARD Jonas (Uno-X Pro) d. b.
4 - ARANBURU Alex (Movistar) +0:03
5 - ROJAS Jose Joaquin (Movistar) d. b.
6 - WRIGHT Fred (Bahrain) d. b.
7 - BOUWMAN Koen (Jumbo) d. b.
8 - COSTA Rui (Intermarche) d. b.
9 - BILBAO Pello (Bahrain) d. b.
10 - MCNULTY Brandon (UAE) d. b.
Sailkapen nagusia:
1 - CICCONE Giulio (Trek-Segafredo) 9:17:00
2 - BILBAO Pello (Bahrain) + 0:03
3 - VLASOV Aleksandr (BORA) + 0:06
4 - ARANBURU Alex (Movistar) + 0:10
5 - CHARMIG Anthon (Uno-X) d. b.
6 - GLOAG Thomas (Jumbo) d. b.
7 - COSTA Rui (Intermarche) d. b.
8 - GEOGHEGAN HART Tao (INEOS) d. b.
9- RODRIGUEZ Carlos (INEOS) + 0:16
10- MCNULTY Brandon (UAE) + 0:18
Zure interesekoa izan daiteke
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.