Alex Aranburuk Limousingo Tourra irabazi du
Alex Aranburuk (Movistar) irabazi du Limousingo Tourra ostiral honetan (abuztuak 19), Saint-Laurent-sur-Gorre eta Limoges (174,8 km) artean egin den laugarren eta azken etapa bigarren amaitu ostean.
Lasterketa bikaina egin du euskal txirrindulariak eta hasieratik amaieraraino egon da etapak zein lasterketak irabazteko lehian; birritan izan da hirugarren, behin bigarren eta bigarren etapan garaipena lortu zuen.
Laugarren etapako irabazlea Vicenzo Albanese (EOLO-Kometa) izan da, esprintean Aranburu txapelduna eta Diego Ulissi (UAE Emirates) mendean hartuta. Ulissi bigarren izan da sailkapen nagusian garailearekiko 10 segundora, eta Greg Van Avermaet (AG2R Citroen) hirugarren, 18 segundora.
4. etapako sailkapena:
1 - ALBANESE Vincenzo (EOLO) 3:56:00
2 - ARANBURU Alex (Movistar) d. b.
3 - ULISSI Diego (UAE) d. b.
4 - MENTEN Milan (Bingoal) d. b.
5 - VENTURINI Clement (AG2R) d. b.
6 - PRADES Eduard (Caja Rural) d. b.
7 - TRENTIN Matteo (UAE) d. b.
8 - MADOUAS Valentin (Groupama) d. b.
9- BARTHE Cyril (B&B) d. b.
10 - HARDY Romain (Arkea) d. b.
Sailkapen nagusia:
1 - ARANBURU Alex (Movistar) 16:46:28
2 - ULISSI Diego (UAE) +0:10
3 - VAN AVERMAET Greg (AG2R) 0:18
4 - MADOUAS Valentin (Groupama) +0:19
5 - ROTA Lorenzo (Intermarché) +0:22
6 - COSNEFROY Benoît (AG2R) d. b.
7 - ZANA Filippo (Bardiani) +0:24
8 - MARTIN Guillaume (Cofidis) d. b.
9 - MARIAULT Axel (U Nantes) d. b.
10 - OLIVEIRA Rui (UAE) +1:20
Zure interesekoa izan daiteke
Kazkabar ekaitz batek Vueltako hirugarren etapa bertan behera uztera behartu du
Antolatzaileek bertan behera utzi behar izan dute hirugarren etapa, Mont Louiseko igoeran izandako kazkabar ekaitz baten ondorioz.
Matthew Brennanek irabazi du Manosquen, esprintean, eta Tadej Pogacarrek lider jarraitzen du Espainiako Vueltan
Visma Lease a Bike taldeko txirrindulari britainiarra izan da azkarrena lasterketako bigarren etapako azken metroetan. Pogacar hirugarren postuan helmugaratu da, eta, hala, maillot gorriari eutsi dio, sailkapen nagusiko lehen tokian segitzen baitu.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pogacarrek irabazi du Monakon, eta La Vueltako liderra da lehen egunean
Esloveniarrak bederatzi ehunenengatik irabazi dio Ethan Hayterri gorriz janzteko.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alaphilippek, XXI. mendeko txirrindulari frantziar onenetako batek, erretiroa hartuko duela iragarri du
Txirrindulari frantziarrak bere azken Frantziako Tourra korritu zuen 2026an, non 126. postuan amaitu zuen.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Julen Arriolabengoa, Euskaltel-Euskadiren errefortzu berria
Txirrindulari arabarra talde laranjan arituko da azken hiru denboraldietan Caja Rural-RGA taldean ibili ondoren.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.