Bardetek bereganatu du Alpeetako Tourra, Pinotek azken etapa eta Pello Bilbaok laugarren amaitu du nagusian
Romain Bardet (DSM) frantziarrak irabazi du Alpeetako Tourraren 45. edizioa, Lienzen (Austria) hasi eta amaitu den bosgarren etapa zeharo euritsua jokatu ostean. 114 kilometroko ibilbidea izan duen azken jardunaldi horretan, Thibaut Pinot (Groupama) nagusitu da, David de la Cruz (Astana) kataluniarraren aurretik, biek batera ihesaldian hainbat kilometro egin eta gero.
Pinot (Lure, 31 urte) De La Cruz baino gehiago izan da une erabakigarrian: helmugatik 150 metrora abiatu da, eta haren eraso kolpeari ezin izan dio inolako erantzunik eman ordurako erabat hustuta zegoen Astanako txirrindulariak.
2014ko Tourreko hirugarren sailkatua pozik helmugaratu da, bezperako samindura ahaztuta (orduko hartan Superman Lopezen aurrean amore ematea egokitu zitzaion). Hirugarren postua Lennard Kamna alemaniarrarentzat izan da, eta laugarrena, berriz, Igor Arrieta nafarrarentzat (Kern Pharma), irabazlearengandik 2:43ra. Guztiak eguneko ihesaldiko protagonistak izandakoak, hain zuzen ere.
Sailkapen nagusiari dagokionez, Bardetek (Brioude, 31 urte) gaur arte lider zihoan Pello Bilbao bizkaitarra gainditu du. Bilbaok ezin izan dio erantzun frantziarrak azken igoeran urrutitik egindako erasoari. Gainera, Bardetek Aresman bere taldekidearen laguntza izan du, eta hark lan aparta egin du bere liderraren alde helmugaraino bertaraino.
Horrenbestez, Frantziako Tourrean bigarren eta hirugarren izan eta lasterketa horretan 3 etapa bereganatutakoa den Bardetek, 14 segundoko aldea atera dio sailkapen nagusian bigarren tokian amaitu duen Michael Storerri (Groupama) eta 16 Thymen Arensmani. Pello Bilbao, aldiz, podiumetik kanpo geratu da azkenerako; izan ere, laugarren postuan bukatu du gernikarrak, irabazlearengandik 37 segundora. Bere taldekidea den Mikel Landak, bere aldetik, egun txarra izan du, eta behera egin du sailkapenean, hamaikagarren tokira arte, 2:17 minutura.
AZKEN ETAPAKO SAILKAPENA:
1 - PINOT Thibaut (Groupama - FDJ 3:09:24
2 - DE LA CRUZ David (Astana) +0:07
3 - KÄMNA Lennard (BORA) +1:46
4 - ARRIETA Igor (Kern Pharma) +2:43
5 - TRÆEN Torstein (Uno-X) +3:26
6 - AMADOR Andrey INEOS Grenadiers +8:09
7 - STORER Michael (Groupama) +8:36
8 - BARDET Romain (Team DSM) m.t.
9 - ARENSMAN Thymen (Team DSM) +8:38
10 - VALTER Attila (Groupama) +9:15
11 - GALL Felix (AG2R) m.t.
12 - BILBAO Pello (Bahrain) m.t.
19 - LANDA Mikel (Bahrain) +10:35
BEHIN BETIKO SAILKAPEN NAGUSIA:
1 - BARDET Romain Team DSM 18:59:29
2 - STORER Michael (Groupama) +0:14
3 - ARENSMAN Thymen (Team DSM) +0:16
4 - BILBAO Pello (Bahrain) +0:37
5 - VALTER Attila (Groupama) +0:49
6 - GALL Felix (AG2R) +0:53
7 - PORTE Richie (INEOS) +1:00
8 - BUITRAGO Santiago (Bahrain) +1:57
9 - CARTHY Hugh (EF Education) +2:08
10 - SIVAKOV Pavel (INEOS) +2:13
11 - LANDA Mikel (Bahrain) +2:17
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
2026ko Itzuliko etapa bat Basaurin hasi eta amaituko da
Basauriko Udalak eta OCETAk hitzarmena sinatu dute, udalerria hurrengo edizioko etapa bateko egoitza izan dadin.
Paula Patiño Laboral Kutxa-Euskadi taldeko txirrindulariak irabazi du El Salvadorreko Tourra
Asteazken honetan korritu da lasterketako azken etapa, Santa Anan. 96 kilometroko ibilbidean, euskal taldeak kontrolpean izan du lasterketa, eta, azkenean, sailkapen nagusiko saria eskuratu du txirrindulari kolonbiarraren bidez.
Caja Rural-Seguros RGA taldeak ilusioz aurkeztu du denboraldi berria
Nafarroako taldea 25 talde onenen artean geratu zen iaz eta horrek jauzi handia egiteko aukera eman dio denboraldia planifikatzerako orduan. Pro team mailako lasterketa guztietan parte hartzeko aukera izanen du.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Euskaltel Euskadik denboraldiko proiektua aurkeztu du
Talde laranja gogotsu ageri da deboraldi berriari begira. Harrobiaren aldeko apustua egin dute, eta lehen 30en artean sartzea dute helburu. Hogei txirrindulariko taldeak, ostiralean jokatuko du lehen proba, Morvedre Sari Nagusia, Castellón.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Britainia Handian hasiko dira 2027ko gizonezkoen eta emakumezkoen Frantziako Tourrak
2027ko Frantziako Tourra Britainia Handian hasiko da, gizonezkoetan zein emakumezkoetan. Tropelak Eskozia, Ingalaterra eta Gales zeharkatuko ditu gizonezkoen kasuan, eta Ingalaterra emakumezkoen proban.
Laboral Kutxa, denboraldi berriari heltzeko gogoz
Laboral Kutxa txirrindularitza taldea Altean egon da egunotan. Laster hasiko dute aurtengo denboraldia, eta iaz burututakoaren ondoren, gogotsu daude aurtengorako.