Pello Bilbaok lider jarraitzen du, Miguel Angel Lopezek 4. etapa irabazi ostean
Miguel Angel Lopez Astanako kolonbiarrak irabazi du Alpeetako Tourreko laugarren etapa. Guztira, 142.4 kilometroko ibilbidea egin dute txirrindulariek. Sailkapen nagusiari dagokionez, Pello Bilbaok (Bahrain Victorious) lider jarraitzen du.
Lopez guztien artean indartsuena izan da etapako azken zatian. Helmugarako lau kilometrora eraso indartsua jo du Thibaut Pinot frantziarra (Groupama-FDJ) harrapatzeko. Pinotek helmugatik 12 kilometrora alde gien du talde nagusitik eta 40 segundoko aldea zabaldu du.
Lopez aldea murrizten joan da eta Pinot harrapatu eta atzean utzi du. Helmugan, frantziarra 7 segundora sartu da.
Lortutako garaipenari esker, kolonbiarrak loria dastatu du berriro 2021eko Espainiako Itzuliko 18. etapa irabazi eta 231 egunera.
Pello Bilbaok esprinta jokatu du Romain Bardet frantziarrarekin hirugarren izan eta bi segundoko saria irabazi ahal izateko, baina Bardet gehiago izan da eta orain, sailkapen nagusian, bi segundoko aldea dago bizkaitarraren eta frantziarraren artean. Attila Valter hungariarra hirugarren da sailkapen nagusian, 12 segundora.
Mikel Landa, zortzigarren
Mikel Landa arabarrak zortzigarren egin du etapan, irabazlearengandik 15 segundora, Pelloren denbora berean, eta hamaikagarren da sailkapen nagusian, Pellok baino 20 segundo gehiago pilatuta.
Bosgarren etapan 114.5 kilometro egingo dituzte Lienz herrian hasi eta amaituta, ibilbide gorabeheratsuarekin.
4. ETAPAKO SAILKAPENA
1-. LÓPEZ Miguel Ángel Astana Qazaqstan Team 3:29:04
2-. PINOT Thibaut Groupama - FDJ +0:07
3-. BARDET Romain Team DSM +0:15
4-. BILBAO Pello Bahrain - Victorious +0:15
5-. GALL Felix AG2R Citroën Team +0:15
6-. QUINN Sean EF Education-EasyPost +0:15
7-. BUITRAGO Santiago Bahrain - Victorious +0:15
8-. LANDA Mikel Bahrain - Victorious +0:15
9-. ARENSMAN Thymen Team DSM +0:15
10-. VALTER Attila Groupama - FDJ +0:15
SAILKAPEN NAGUSIA
1-. BILBAO Pello Bahrain - Victorious 15:41:27
2-. BARDET Romain Team DSM +0:02
3-. VALTER Attila Groupama - FDJ +0:12
4-. GALL Felix AG2R Citroën Team +0:16
5-. SIVAKOV Pavel INEOS Grenadiers +0:16
6-. RUBIO Einer Augusto Movistar Team +0:16
7-. ARENSMAN Thymen Team DSM +0:16
8-. BUITRAGO Santiago Bahrain - Victorious +0:16
9-. PORTE Richie INEOS Grenadiers +0:16
10-. STORER Michael Groupama - FDJ +0:16
Zure interesekoa izan daiteke
Matthew Brennanek Espainiako Vueltako azkarrena izaten jarraitzen du, eta lau garaipen daramatza esprintean
Visma Lease a Bike taldeko txirrindulari britainiarrak, asteartean, lasterketako 81. ekitaldiko hamaseigarren etapa irabazi du, Palos de la Fronteran. Sailkapen nagusian, ez dago aldaketarik, eta Enric Masek lehen postuari eutsi dio; 2:06ko aldea du Gallekiko, eta 2:10 Roglicekiko.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Van Aert bigarrenez nagusitu da, bero handiko etapan, eta Enric Masek lidergoari eutsi dio Kordoban
Wout van Aertek irabazi du Vueltako 15. etapa, Kordoban erabaki den esprint murriztuan nagusituta. Txirrindulari belgikarrak bigarren garaipena lortu du aurtengo edizioan, eta Enric Masek liderraren maillot gorria mantendu du, muturreko beroak eraginda ibilbidea murriztu behar izan duten jardunaldian.
Brenner nagusitu da La Panderan, eta Masek lehen postua sendotu du
Marco Brennerrek irabazi du Vueltako 14. etapa, ihesaldi luze baten ondoren, La Pandera mendatean jarritako helmugan esprintean nagusituta. Enric Masek, bere aldetik, aurrerapauso handia eman du sailkapen nagusian, Primoz Roglicekiko aldea handituta.
Pogacarrek 2032ra arte berritu du UAEarekin, eta amaitutzat eman du denboraldia
Bost aldiz Tourra irabazi duen txirrindulari esloveniarrak Arabiar Emirerri Batuetako taldearekin duen lotura luzatu du, eta Vueltako eroriko gogorraren ondorioz izandako lesioak sendatzen zentratuko dela iragarri du.
Wout van Aert nagusi Lojan, eta Enric Masek elastiko gorriari eutsi dio
Van Aertek laugarren garaipena lortu du Vueltan, Valentin Paret-Peintre Soudal taldeko frantziarra esprintean gaindituta. Enric Masek, berriz, sailkapen nagusiko lidergoari eutsi dio.
Jakob Omrzelek irabazi du Calar Alton, Urko Berrade bigarren dela, eta Enric Masek lidergoa sendotu du Espainiako Vueltan
Bahrain-Victorious taldeko txirrindulari gazteak irabazi du Espainiako Vueltako 81. etapa nagusia, eta Masek 27 segundo gehiago atera dizkie Primoz Roglic eta Felix Galli. Urko Berrade eta Pello Bilbao eguneko ihesaldian izan dira.
Matthew Brennan azkarrena izan da berriro esprintean, Lorcan, eta hiru garaipen lortu ditu Espainiako Vueltan
Vismako txirrinduari britainiarrak irabazi du lasterketako 81. ekitaldiko hamaikagarren etapa; Movistarreko Enric Masek lider jarraitzen du.