Pello Bilbao nagusitu da Alpeetako Tourreko bigarren etapan eta liderraren elastikoa jantzi du
Pello Bilbaok (Bahrain Victorious) irabazi du Alpeetako Tourreko bigarren etapa, Primiero/S. Martino di Castrozza eta Lana artean prestatutako 154,1 kilometroko ibilbidea izan duena. Gainera, Gernika-Lumoko txirrindularia da lasterketako lider berria.
Bizkaiko txirrindulariak amaiera bikaina eman dio taldeak azken kilometroetan egindako lan onari. Pello Bilbao esprintean nagusitu da, eta Romain Bardet (DSM) eta Attila Valter (Groupama - FDJ) sartu dira haren atzetik tropelaren aurretik.
Etaparen hasieran, hamaika txirrindularik osatutako ihesaldia sortu da. Bertan egon dira, besteak beste, Miguel Angel Lopez, Sivakov eta Caicedo txirrindulari garrantzitsuak. Ihes eginda ibili den taldean, Pavel Sivakovek (Ineos Grenadiers) jo du erasoa, eta lasterketa buruan gainditu du Passo de Medolla mendatea. Sivakovekin batera, Storer, Pernsteiner eta Arensman geratu dira lasterketaren buruan. Sivakovek eta Storerrek atzean utzi dituzte Pernsteiner eta Arensman helmugarako 30 kilometro falta zirenean. Passo delle Palade mendatearen jaitsieran, Pello Bilbaoren eta Mikel Landaren Bahrain Victorious taldea jarri da lanean, eta helmugara iristeko 10 kilometro falta zirenean harrapatu dituzte ihes egindakoak. Pellok lan ona egin du jaitsieran.
Azken kilometroan, Bahrain Victorious taldearen estrategia ezin hobea izan da; lehenengo Santiago Buitragok bizitu du erritmoa, Mikel Landa jarri da lanean amaierako maldan, helmugatik 500 metrora, eta azken 200 metroetan jo du Pello Bilbaok, esprintean garaipena lortu eta taldearen lana biribilduta.
Sailkapen nagusiko lehen postuan dago Pello Bilbao, eta 6 segundo ateratzen dizkio bigarren postuan dagoen Bardeti. Valter da hirugarren, 12 segundora. Mikel Landa (Bahrain Victorious) 13. postuan dago, 20 segundora.
2. etapako sailkapena:
1 - BILBAO Pello (Bahrain Victorious) 3:56:05
2 - BARDET Romain (DSM) d. b.
3 - VALTER Attila (Groupama - FDJ) d. b.
4 - GALL Felix (AG2R Citroën) d. b.
5 - DUNBAR Eddie (INEOS Grenadiers) d. b.
6 - SIVAKOV Pavel (INEOS Grenadiers) d. b.
7 - CHAVES Esteban (EF Education-EasyPost) d. b.
8 - LANDA Mikel (Bahrain Victorious) d. b.
9 - PORTE Richie (INEOS Grenadiers) d. b.
10 - RUBIO Einer Augusto (Movistar) d. b.
Sailkapen nagusia:
1 - BILBAO Pello (Bahrain Victorious) 8:08:15
2 - BARDET Romain (DSM) + 6"
3 - VALTER Attila (Groupama - FDJ) + 12"
4 - GALL Felix (AG2R Citroën) + 16"
5 - SIVAKOV Pavel (INEOS Grenadiers) + 16"
6 - PORTE Richie (INEOS Grenadiers) + 16"
7 - CHAVES Esteban (EF Education-EasyPost) + 16"
8 - DUNBAR Eddie (INEOS Grenadiers) + 16"
9 - RUBIO Einer Augusto (Movistar) + 16"
10 - BUITRAGO Santiago (Bahrain - Victorious) + 16"
------------------------------------------------------------------
13 - LANDA Mikel (Bahrain Victorious) + 20"
Zure interesekoa izan daiteke
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.