Quintanak Montagne de Lureko gainean irabazi eta sailkapen nagusia eraman du
Nairo Quintana (Arkea Samsic) kolonbiarrak irabazi du 2022ko Proventzako Tourra azken etapan erakustaldia maldan gora emanda.
Montagne de Lureko gainean amaitu da etapa eta Quintana bakar bakarrik helmugaratu da Filippo Gannari lidergoa kenduz.
Helmugarako 5 kilometroren faltan Quintanak eraso jo eta Julian Alaphilippek (Quick-Step Alpha Vinyl Team), nahiz eta saiatu, ezin izan du bere gurpila jarraitu eta helmugan 47 segundo galdu ditu.
4 ordu, 23 minutu eta 6 segundotan burutu du gaurko ibilbidea Arkeako ziklistak eta 37 segundo atera dizkio bigarren heldu den Mattias Skjelmoseri (Trek - Segafredo) eta hirugarren izan den Matteo Jorgensoni (Movistar).
Proventzako Tourreko azken etapan betiko txirrindularitza ikusteko aukera egon da, urruneko eskalatzaile baten erasoa eta maldan gora azken etapa irabaziz sailkapen nagusia eraman du Nairo Quintanak.
Podiumean bigarren Alaphilippe geratu da, 27 segundora, eta, hirugarren, 21 urteko Skjemolse gaztea, 34ra.
Filippo Ganna, lasterketatik kanpo
Filippo Ganna italiarra (Ineos), Provenzako Tourraren atarikoa irabazi zuena eta gaur arte liderra izan dena, deskalifikatu egin dute lasterketako epaileek, azken etapan legez kanpoko bizikleta aldaketa bat egiteagatik "posizio finko" bat erabiliz, arauek hertsiki debekatzen dutena.
Gannak maillot horia galdu du Nairo Quintana kolonbiarraren mesedetan, baina sailkapen nagusiko zazpigarren postua lortu zuen jardunaldi honen amaieran.
ETAPAKO SAILKAPENA
1. QUINTANA Nairo (Team Arkéa Samsic) 4:23:06
2. SKJELMOSE JENSEN Mattias (Trek - Segafredo) 0:37
3. JORGENSON Matteo (Movistar Team) 0:37
4. SOSA Iván Ramiro (Movistar Team) 0:39
5. VAN WILDER Ilan (Quick-Step Alpha Vinyl Team) 0:41
6. GHEBREIGZABHIER Amanuel T(rek - Segafredo) 0:46
7. ALAPHILIPPE Julian (Quick-Step Alpha Vinyl Team) 0:47
8. LATOUR Pierre (TotalEnergies) 0:50
9. ELISSONDE Kenny (Trek - Segafredo) 1:00
10. BOUCHARD Geoffrey (AG2R Citroën Team) 1:03
SAILKAPEN NAGUSIA
1. QUINTANA Nairo (Team Arkéa Samsic) 12:09:11
2. ALAPHILIPPE Julian (Quick-Step Alpha Vinyl Team) 0:27
3. SKJELMOSE JENSEN Mattias (Trek - Segafredo) 0:34
4. LATOUR Pierre (TotalEnergies) 0:36
5. VAN WILDER Ilan Quick-Step (Alpha Vinyl Team) 0:46
6. GANNA Filippo (INEOS Grenadiers) 0:59
7. BATTISTELLA Samuele (Astana Qazaqstan Team) 1:21
8. PARET-PEINTRE Aurélien (AG2R Citroën Team) 1:45
9. BOUET Maxime (Team Arkéa Samsic) 1:56
10. VERVAEKE Louis( Quick-Step Alpha Vinyl Team) 2:55
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.