Coquard, garaile hirugarren etapako esprintean; Gannak lidergoari eutsi dio
Bryan Coquard (Cofidis) frantziarrak esprintean irabazi du Provenzako Tourreko hirugarren etapa, Arles eta Manosque artekoa (180,6 kilometro). Sailkapen nagusiari dagokionez, Filippo Ganna (Ineos Grenadiers) italiarrak lidergoari eutsi dio.
Coquardek sasoia berreskuratu du. Duela bederatzi egun ia bi urteko garaipen-lehorteari amaiera eman zion, Bessegeseko Izarreko bigarren etapa irabazita, eta, larunbat honetan beste kolpe bat eman du mahai gainean, Julian Alaphilippe (Quick Step-Alpha Vinyl) herrikidea Manosqueko helmugan gainditu ostean.
Hirugarren postuan Ganna sartu da, eta horrek atariko etapatik soinean daraman liderraren elastikoari eusteko balio izan dio italiarrari, Alanphilipperi bi segundoko aldea ateraz.
Eguna albiste txar batekin hasi da: Richard Carapaz ekuadortarrak (Ineos Grenadiers) ezin izan du irteera hartu, koronabirusagatik positibo eman ostean. Horrela, Proventzako Tourra irabazteko faboritoetako bat jokoz kanpo geratu da.
Bost txirrindulari izan dira lasterketa animatu dutenak: Tony Hurel (St Michel-Auber), Alexis Gougeard (B & B Hotels-KTM), Kevin Besson (Nice Métropole), Evaldas Siskevicius (Go Sport-Roubaix) eta Paul Ourselin (Total Energies). Denak izan dira eguneko ihesaldiko protagonistak, eta amaieratik bi kilometro eskasera amaitu da bost kideen saiakera, tropelak harrapatu dituenean.
Azkenerako, boskotea saririk gabe geratu da, eta Coquardentzat izan da eguneko loria.
Igandean, laugarren eta azken etapa jokatuko da, 166,1 kilometrokoa, Manosquen hasi eta Montagne de Luren amaituko dena. Hor aukera gehiago egongo dira Nairo Quintana (Arkea-Samsic) bezalako eskalatzaileentzat. Kolonbiarra hamargarren postuan dago kokatuta, , Gannarengandik 32 segundora; beraz, oraindik garaipena lortzeko aukerekin.
ETAPAKO SAILKAPENA:
1 - COQUARD Bryan (Cofidis) 4:19:42
2 - ALAPHILIPPE Julian (Quick-Step) d.b.
3 - GANNA Filippo (INEOS) d.b.
4 - LATOUR Pierre (TotalEnergies) d.b.
5 - DÉMARE Arnaud (Groupama) d.b.
6 - QUINTANA Nairo (Team Arkéa) d.b.
7 - WÜRTZ SCHMIDT Mads (Israel) d.b.
8 - JORGENSON Matteo (Movistar) d.b.
9 - PARET-PEINTRE Aurélien (AG2R) d.b.
10 - MANZIN Lorrenzo (TotalEnergies) d.b.
Zure interesekoa izan daiteke
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.