Aleksandr Vlasovek irabazi du 2022ko Valentziako Volta
Aleksandr Vlasovek (Bora) irabazi du 2022ko Valentziako Itzulia eta Fabio Jakobsen (Quick Step) txirrindulariak bere bigarren etapa erdietsi du 5. eta azken eguneko esprinta irabazita.
32 segundoko atzerapenarekin Remco Evenepoel (Quick Step) bigarren izan da sailkapen nagusian eta 36 segundora Ineos taldeko Carlos Rodriguez gaztea gelditu da; laugarren eta bosgarren Movistar taldeko Enric Mas eta Alejandro Valverde izan dira.
Paterna eta Valentzia artean 92 kilometro soilik burutu dituzte ziklistek eta gizon azkarren artean erabaki da garaipena.
Atzo ez bezala ez da ezustekorik izan eta Jakobsen izan da azkarrena; Elia Viviani eta Alexander Kristoff bigarren eta hirugarren helmugaratu dira, hurrenez hurren.
Etapa hamaika erasoekin hasi da eta azkenean lau gizonek osotu dute eguneko ihesaldia; Astanako Vincenzo Nibali eta Manuele Boaro, Jonathan Lastra (Caja Rural) eta Gotzon Martin (Euskaltel).
Tropelak kontrolpean izan ditu ihesaldiko kideak eta helmugarako 13 kilometroren faltan harrapatu ditu. Valentziako etapa esprintean amaitu da eta Jakobsonek bere bigarrena lortu du.
5. ETAPAko SAILKAPENA
1. JAKOBSEN Fabio (Quick-Step Alpha Vinyl Team) 1:55:49
2. VIVIANI Elia (INEOS Grenadiers) 0:00
3. KRISTOFF Alexander (Intermarche - Wanty - Gobert Materiaux) 0:00
4. DUPONT Timothy (Bingoal Pauwels Sauces WB) 0:00
5. ANIOLKOWSKI Stanislaw (Bingoal Pauwels Sauces WB) 0:00
6. TRENTIN Matteo U(AE Team Emirates) 0:00
7. PEÑALVER Manuel (Burgos-BH) 0:00
8. MOLANO Juan Sebastián (UAE Team Emirates) 0:00
9. BARCELO Fernando (Caja Rural - Seguros RGA) 0:00
10. MORKOV Michael (Quick-Step Alpha Vinyl Team) 0:00
SAILKAPEN NAGUSIA
1. VLASOV Aleksandr (BORA - hansgrohe) 18:56:45
2. EVENEPOEL Remco (Quick-Step Alpha Vinyl Team) 0:32
3. RODRIGUEZ Carlos (INEOS Grenadiers) 0:36
4. MAS Enric (Movistar Team) 0:50
5. VALVERDE Alejandro (Movistar Team) 1:02
6. FUGLSANG Jakob (Israel - Premier Tech) 1:05
7. SANCHEZ Luis León (Bahrain - Victorious) 1:14
8. CICCONE Giulio (Trek - Segafredo) 2:00
9. DE LA CRUZ David (Astana Qazaqstan Team) 2:28
10. GEOGHEGAN HART Tao (INEOS Grenadiers) 2:54
Zure interesekoa izan daiteke
Dorian Godon frantziarrak irabazi du atariko etapa, eta lehen liderra da
Ineos Grenadier taldeko txirrindulari frantziarrak hiru kilometro pasatxoko ibilbidean 6 segundo sartu dizkie Ivo Oliveira portugaldarrari (UAE) eta Jakob Soderqvist suediarrari (Lidl-Trek), bigarren eta hirugarren, hurrenez hurren.
2026ko Italiako Giroko etapa guztien profilak eta ibilbideak
109. Italiako Giroa maiatzaren 8tik hilaren 31ra bitartean jokatuko dute, eta Nessebarren hasiko da, Bulgarian, eta Erroman amaitu. Lasterketa kirolakeitb.eus-en eta ETBn izango da ikusgai.
Hauek dira Itzulia Women 2026 lasterketaren irteeran izango diren 19 taldeak
Hamahiru talde UCI Women’s WorldTeam kategoriakoak izango dira, eta sei, UCI Women’s ProTeam kategoriakoak.
Mikel Landa ez da 2026ko Italiako Giroan arituko
Soudal Quick-Step taldeak iragarri duenez, euskal txirrindulariak haustura txikia du pelbisean, Itzulian izandako erorikoaren ondorioz. Giroa maiatzaren 8an hasiko da, eta UAEko Joao Almeida ere ez da lasterketan izango.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Italiako Giroa, maiatzaren 8tik 31ra, EITBn
2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Itzulia Women lasterketaren ibilbidea aurkeztu dute
Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.
2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean
Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).