Van der Poelek bere nagusitasuna erakutsi du Sienan
Mathieu Van der Poel (Alpecin Fenix) herbeheretarrak irabazi du Strade Bianche lasterketako 15. edizioa, Julian Alaphilippe frantziarra eta Egan Bernal kolonbiarrarekin nor baino nor gehiago jardun ostean.
Van der Poelek (26 urte) Toskanako proba ospetsua bereganatu du tropeleko aurkari onenen aurrean azken erakustaldi bat eman ondoren. Sienako sarrerako aldapetan sartu denean emandako eraso-kolpeak helmugara bakarrik iristea ahalbidetu dio, Alaphilippe baino sei segundo lehenago eta Bernal baino hogei segundo aurretik. Pello Bilbao (Bahrain Victorious) bizkaitarra hamargarren sailkatu da.
2020ko Flandriako Tourraren eta 2019ko Amsteleko irabazleak, bere ametsetako garaipenetako bat eskuratu du 184 kilometroko ibilbidean zehar (horietako 64 lurrezko pistetan).
Proba, txirrindulari ez hain entzutetsuen arteko ihesaldi batekin hasi da, eta faborito nagusien arteko lehia biziarekin amaitu da. Tartean, eta behin betiko mugimenduen aurretik, Gonzalo Serrano madrildarrak eren jarri du haren atzetik Van Avermaet, Gorka Izagirre eta Kasper Asgreen atera direnean.
Alaphilippek erasoa jo du eta faboriton hautaketa egin du
Lur-pistako 8. sektoretik gertu (helmugatik 52 kilometrora), Alaphilippek aurrera jo du, agerian utzi ditu zenbaitzuen ahuleziak. Lehen abisu serioa izan da. Frantziarrarekin batera kalitate handiko beste zazpi txirrindulari elkartu dira: Van Aert, Van der Poel, Pogacar, Bernal, Pidcock, Simmons estatubatuarra (19 urte) eta Gogl poloniarra.
Atzetik, Pello Bilbao, Fuglsang, Mollema eta ihesaldiaren gurpila garaiz hartu ez duten bigarren mailako beste hautagai batzuk erruz aritu dira lanean ihesaldia bertan behar gera zedin.
Aitzitik, zulatu bat izan duen Simmons gabe geratu diren aurreko zazpiek elkar hartuta jarraitu dute helburu bakarrarekin: garaipena euren artean jokatzea, beste arrotzik gabe. Lur-pistetako 9. tartean (helmugatik 23 kilometrora), Alaphilippek berriro egin du. Bere oldarraldiak Van Aert eta Pidcock jokoz kanpo utzi ditu une batez, baina kilometro batzuk aurrerago bat egitea lortu dute berriro, asko sufrituta izan bada ere..
Van der Poel, geldiezin
Denak elkarrekin sartu dira 11. lurrezko tartean sartu ziren, baina berehala Mathieu Van der Poelek aurrera jo du, eta Alaphilippe baino ezin izan dio erantzun. Gerora, Bernal batu zaie.
Azken igoeran, ehuneko 16ko aldapa erabakigarriarekin, Van der Poelek azken eraso gogor bat jo du, atzera begiratu gabe, eta 50 metroko zuloa ireki du, nahikoa irabazteko, Alaphilippe ahituta baitzegoen, eta Bernal saiatu ere ez baita egin haren atzetik joaten, eta hala iritsi dira helmugara.
Zure interesekoa izan daiteke
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Isaac Del Torok irabazi du Auvernia-Rodano-Alpeetako Tourra
Isaac Del Toro mexikarrak, Luke Tuckwell australiarrak eta Juan Ayuso espainiarrak osatu dute azken podiuma. Hala, Del Torok Tadej Pogacar esloveniaren tokia hartu du.
Del Toro nagusitu da Grand Colombierren, eta Tuckwellek lider jarraitzen du
Del Toro ihes eginda helmugaratu da, eta 25 segundo atera dizkio Juan Ayuso espainiarrari eta 39 Tobias Halland Johannessen norvegiarrari.
Van Gils nagusitu da 6. etapako esprintean, eta Truckwell da lider berria
Tobias Halland Johannessenek erasoa jo du azken esprintean, baina Maxim Van Gilsek indartsuago eragin die pedalei helmuga lehen postuan zeharkatzeko.
Wout Van Aertek irabazi du bosgarren etapa, esprint jendetsu batean, Parc des Oiseauxen
Sei txirrindulari izan dira eguneko ihesaldiaren protagonistak, tartean, Julen Arriolabengoa Caja Rural taldeko arabarra, baina helmugatik 12 kilometrora tropelak harrapatu ditu.
Esprint jendetsu batean bereganatu du Van Aertek bosgarren etapa
Wout Van Aert (Team Visma) gailendu da Auvernia-Rodano-Alpeetako Tourraren bosgarren etapan. Esprint masibo batek erabaki du gaurko emaitza, belgikarra gainontzekoak baino gehiago izan da eta denboraldiko bigarren garaipena lortu du Montrond-les-Bainsen.
Eibarko Txirrindulari Elkarteak 100 urte bete ditu txirrindularitza bultzatzen
Elkarteak bere mendeurrena dela eta egingo dituen ekintzak aurkeztu ditu gaur arratsaldean egindako ekitaldian. Harrobi zein elitekoa, oro har, txirrindularitza bultzatzen eman ditu 100 urte horiek, baita hainbat kategoriatako lasterketak antolatzen ere.
Ihesaldiko txirrindularien arteko esprinta, eta Simmonsen garaipena, Auvernia-Rodano-Alpeetako Tourreko laugarren etapan
Lidl-Trek taldeko txirrindulari estatubatuarra ihesaldiko azkarrena izan da gaur, asteazkenez; segundo gutxi batzuengatik. Ihesaldia Montrond-les-Bainsen helmugaratu da.
Simmons garaile atera da eguneko ihesalditik, eta Baudinek maillot horiarekin jarraitzen du
Ameriketako Estatu Batuetako txapeldunak, besteak beste, Finn Fisher-Black (Red Bull Bora) eta Matteo Vercher (Total Energies) atzean utzi ditu 10 txirrindulariko esprintean.
Team Vismari taldekako erlojupekoan garaipena eman dion Jorgensonen esprinta
Matteo Jorgenson estatubatuarraren azken esprintak garaipena eman diot Team Vismari, Auvernia-Rodano-Alpeak Tourreko taldekako erlojupekoan, hirugarren etapan. INEOS taldea izan da bigarren, eta EF Education hirugarren. Hortaz, Alex Baudin frantziarrak jarraitzen du líder izaten.