Beñat Intxaustik erretiroa hartzen duela iragarri du
Beñat Intxaustik erretiroa hartzen duela iragarri du astelehen honetan Bilbon. Bizkaitarrak, 13 urteko ibilbide profesionalari amaiera ematea erabaki du, eta lortutakoaz "harro eta pozik" dagoela adierazi du. Mononukleosisak jota egon zen, eta horren eraginez ezin izan du bere maila onena berreskuratu azken lau urteetan.
2016ra arte maila oso onean ibili zen Intxausti, baina mononukleosisak eten egin zuen haren progresioa. Muxikako (Bizkaia) txirrindulariak 33 urterekin esan dio agur ibilbide profesionalari. Nicolas Mateos (2007) taldean hasi zen profesional mailan lehiatzen, Saunier Duvalen (2008-2009) ibili zen ondoren, denboraldi bat eman zuen Euskaltel Euskadi (2010) taldean, bost urte egon zen Movistarren (2011-2015), Skyn egon zen (2016-2018) bi denboraldi, eta Euskadi Muriasen (2019) bukatu du.
"Ez da posible izan txirrindularitzan jarraitzea, ahalegina egin dut, baina ezinezkoa izan da. Denbora asko eman dut honetan pentsatzen, eta pauso hau ematea erabaki dut. Nire kirol ibilbideari amaiera emateko unea iritsi da. Harro eta pozik dago lortu dudanarekin", adierazi du Intxaustik.
Bizkaitarrak Movistarren eman zituen urteak gogorarazi nahi izan ditu, bere ibilbideko onenak moduan: "Movistarreko bost urteak zoragarriak izan ziren, Xabier Tondoren heriotza kenduta. Badakizue Tondoren gelakidea nintzela. Tourrean debuta egin nuen, baina ezin izan nuen amaitu, ukondoa apurtu nuelako. Hiru urtez rankingeko onena izan zen taldeko kidea izan nintzen, eta bertan lortu nituen garaipen garrantzitsuenak; Giroko bi etapa, Asturiasko Itzulia eta Pekineko Tourra. Inoiz ez dut ahaztuko Giroko maglia arrosa jantzi nuen eguna. Gainera, oker ez banago, maglia arrosa jantzi duen bizkaitar bakarra naiz. Hori ohore bat da niretzat, Bizkaian izan ditugun txirrindulari handiak kontuan hartuta". Bigarren amaitu zuen Euskal Herriko Itzuli batean, eta bi aldiz parte hartu zuen Munduko Txapelketan Espainiako selekzioarekin.
Sky taldeak fitxatu zuen momentua ere gogorarazi nahi izan du Beñatek. "30 urterekin Skyk fitxatu ninduen, munduko talde onenak, nire ametsetako taldeak. Zoritxarrez, Skyrekin egin nuen lehen lasterketaren ostean mononukleosisa izan zuen, eta asko kosta zitzaidan gaixotasuna gainditzea. Valentzian podiumera igo ondoren etorri zen dena".
Intxausti ez da ahaztu Amorebieta Txirrindulari Elkartean eta Seguros Bilbaon eman zuen denboraz, eta Xabier Artetxe eta Mikel Madariaga zuzendariei eskerrak eman nahi izan dizkie. Artetxerekin eta Madariagarekin emaitza oso onak lortu zituen, horren ondorioz Saunier Duvalera joan zen Joxean Fernandez Matxinen aginduetara jarriz, eta Miguel Madariagak zuzendutako Euskaltelekin estreinatu zuen bere palmares profesionala.
Artetxe, Mikel Madariaga eta Matxin prentsaurrekoan izan dira Beñat Intxausti babestuz, baita Peio Bilbao Bahrain McLareneko txirrindularia, baita Igor Anton, Roberto Laiseka, Ruben Perez eta Iker Camaño txirrindulari ohiak.
Zure interesekoa izan daiteke
Alex Aranburuk Belgikako Tourreko lidergoa hartu du hirugarren etapa irabazita
Txirrindulari gipuzkoarrak Lewis Askey gainditu du azken esprintean eta lider jarri da.
Romain Gregoirek eta Elisa Longok irabazi dute Locarnon hasi eta amaitu den bigarren etapa
Romain Gregoire (Groupama) txirrindulari frantziarrak Tadej Pogacarren azken erasoari eutsi dio, eta irabazi egin du eguneko ihesaldian izan ondoren. Emakumezkoetan, Elisa Longo Borghini (UAE Team ADQ) txirrindulari italiarrak eman du faboritoen artean lehen kolpea.
Hainbat txirrindulari ohik eta zenbait zalek Berrizko belodromoko lanak abiatzea eskatzen duen adierazpena babestu dute
Marino Lejarreta (belodromoak haren izena du), Iban Mayo eta Julian Gorospe, besteak beste, ekitaldian izan dira, ostegunean, Bizkaiko herri horretan. Helburua da instalazioak eraberritzeko lanak ahalik eta lasterren hastea.
Pogacarrek erakustaldia eman eta sailkapen nagusia ia erabakita utzi du Suitzako Itzuliaren lehen etapan
Klaneceko txirrindulariak erasoa jo du helmugatik 70 kilometrora, eta bakar-bakarrik helmugaratu da, Sondrion. Bestalde, emakumezkoen lasterketan, Femke De Vries herbeheretarra da Suitzako Itzuliko lehen liderra.
Wout van Aertek ez du Frantziako Tourrean parte hartuko, lesioa duelako ukondoan
Aurreko astean, Visma Lease a Bike taldeko txirrindulariak, Auvernia-Rodano-Alpeetako Tourrean etapa bat irabazita, lasterketa utzi behar izan zuen, ukondoan arazoak zituelako; lesio horrengatik ezingo da Bartzelonan uztailaren 4an hasiko den Frantziako Tourrean aritu.
Mikel Landa Suitzako Itzulian izango da, asteazkenean
Lasterketa asteazkenean hasiko da, hilaren 17an, eta igandean amaitu. Soudal Quick-Step taldeko txirrindulariak erorikoa izan zuen Euskal Herriko Itzulian, eta ordutik ezin izan da lehiatu. Besteak beste, Tadej Pogacar, Mathieu van der Poel, Primoz Roglic eta Richard Carapaz izango ditu aurkari.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Isaac Del Torok irabazi du Auvernia-Rodano-Alpeetako Tourra
Isaac Del Toro mexikarrak, Luke Tuckwell australiarrak eta Juan Ayuso espainiarrak osatu dute azken podiuma. Hala, Del Torok Tadej Pogacar esloveniaren tokia hartu du.
Del Toro nagusitu da Grand Colombierren, eta Tuckwellek lider jarraitzen du
Del Toro ihes eginda helmugaratu da, eta 25 segundo atera dizkio Juan Ayuso espainiarrari eta 39 Tobias Halland Johannessen norvegiarrari.
Van Gils nagusitu da 6. etapako esprintean, eta Truckwell da lider berria
Tobias Halland Johannessenek erasoa jo du azken esprintean, baina Maxim Van Gilsek indartsuago eragin die pedalei helmuga lehen postuan zeharkatzeko.