Gorka Izagirrek lider jarraitzen du, Gilbertek etapa garaipena lortu ostean

Philippe Gilbert belgikarra gailendu da Provenzako Tourreko hirugarren etapan. Guztira, 181,1 kilometro egin dituzte Aubagne eta Le Castelleteko Paul Ricard zirkuituan. Gorka izagirrek sailkapen nagusiko lehen postuan jarraitzen du, lasterketa amaitzeko etapa bakarra falta denean.

Gilbert esprintean nagusitu da, Toms Skujins letoniarraren eta Tony Gallopin frantziarraren aurretik.

Izagirrek bosgarren egin du, eta ostiralean jantzitako liderraren jertseari eutsi dio.

Gipuzkoarrak laugarren eta azken etapari aurre egingo dio igandean, Avignon eta Aix-en Provence artean, Thibaut Pinot eta Tony Gallopin frantziarrekin bi segundoko aldea duela.