Mikel Landak Euskadi Fundazioa berpizteko ardura hartu du
Mikel Landa euskal txirrindularia da Euskadi Fundazioko Patronatoaren presidente berria. Ofizial egin dute bi aldeek astelehen honetan, prentsaurreko baten bitartez. Ondorioz, Miguel Madariaga ordezkatuko du karguan Landak.
Oraindik ez dakite taldea Kontinental mailan edo Amateur mailan lehiatuko den. Jasoko duten babesaren arabera hartu beharreko erabakia dela jakinarazi dute. Hala ere, helburua da, urte batzuen buruan taldeak Pro Tour maila lortzea.
"Euskal txirrindulariek eta gure lurretan hazitakoek osatuko dute taldea", adierazi dute Madariagak eta Landak. Euskadi Fundazioak 280.000€ aurrekontua izan du aurten eta prentsaurrekoan gogoratu duetenez, bazkideen laguntzari esker eutsi da proiektua azken urteetan.
Mikel Landak pazientzia eskatu die zaleei eta bazkideei: "Oraindik gauza asko daude airean eta pazientzia eskatu behar dizuet, baina lehen helburua Fundazioa salbatzea zen, eta hori da momentuz lortu duguna".
Landak Fundazioko bazkideei bidalitako oharra:
Fundazioko bazkideei bidalitako ohar batean, honakoa adierazi zuen Mikel Landak: "Fundazioak ahalik eta babes handiena behar izan duen une hauetan, proiektuari bultzada bat emateko laguntza aurkeztu dut Patronatoko kide izanda. Ilusio eta gogo handiarekin batzen naiz proiektura. Fundazioak euskal txirrindularitza bultzatu du 1993. urtetik eta horretan jarraitzeko ahalegin guztiak egingo ditut. Umiltasun osoz batu nahi naiz proiektu honetara. Ezin dut ahaztu urte hauetan guztietan Miguel Madariagak egin duen lana eta eskerrak eman nahi dizkiot nigan konfiantza izateagatik. Gustatuko litzaidake gai izatea berak euskal txirrindularitzagatik egin duen lanaren parean egon ahal izatea".
Madariagak Fundazioko bazkideei bidalitako oharra:
Euskadi Fundazioko presidentea izan den Miguel Madariagak idatzi hau bidali die bazkideei: "2018an Fundazioak 25. urteurrena beteko du. Urte hauetan guztietan 'Euskadi'ren izena eraman dugu munduko errepideetatik eta ohore bat izan da guztiontzat. Azken urte hauek, ordea, oso txarrak izan dira Fundazioarentzat eta egitura horretan aldaketak egin beharra izan dugu. Arrazoi horiek direla medio eta neke pertsonalaren ondorioz, alde batera egitea erabaki dut. Izen eta aurpegi berriak behar genituen eta orduan azaldu da Mikel Landa. Gure harrobian hazitako txirrindularia da, eta nor hobeto proiektu berri hau bideratzeko. Baliabide materialak eta pertsonalak jarri ditu Fundazioaren eskuetan. Ondorioz, inor hoberik ez dago proiektu honen buruan egoteko".
Zure interesekoa izan daiteke
Txirrindulari gazteen bilakaera: adinean gora, garaipenetan behera
Txirrindulari gazteen bilakaera aztertu du Xabier Usabiagak “Ez da Giro” saioan. Azken urteetan joera aldatu egin da: adinean gora egiten duten heinean, lorpenetan behera. Juan Ayuso, Joshua Tarling eta beste askori gertatu zaien moduan.
Igor Arrietaren ahalegin handia, eta Michael Valgrenen erasoa eta garaipena, Giroko 17. etapako azken kilometroetan
UAEko txirrindulari nafarrak lasterketa buruan zihoazen ziklistak harrapatu ditu, alegia, Valgren eta Einer Rubio; gerora, atzetik zetozen gizonek aurreko hirurekin bat egin dute; azkenean, Valgrenek garaipen bikaina eskuratu du.
Igor Arrieta: “Bagenekien ihesaldia helmugara irits zitekeela; saiatu naiz”
Igor Arrieta seigarren postuan hlmugaratu da Italiako Giroko 17.etapan. Ihesaldiko protagonistetako bat izan da, horretarako “egun gogorra” izan den arren.
Michael Valgren danimarkarrak irabazi du Andalon, Igor Arrieta berriro protagonista izan den etapan
Azkenenean Uharte Arakileko txirrindularia seigarren helmugaratu da. Hogeita hamar bat txirrindularik, tartean, Giro honetan etapa irabazi duen nafarrak eta Jhonatan Narvaez ekuadortarrak, osatu dute eguneko ihesaldia. Errepidea bustita edo heze izan dute ziklistek gaurkoan.
Zenbat balio du UCI World Tourreko lasterketa bat antolatzeak?
Ikuskizuna bai, baina UCI World Tourreko lasterketa bat antolatzea garestia ere bada. Xabier Usabiagak kostuak zeintzuk eta zenbatekoak diren azaldu dizkigu, Itzulia eta Danilith Nokere Koerse adibidetzat jarrita.
Vingegaardek erakustaldia eman du Carì mendatean: lau etapa garaipen daramatza, eta aurkariak bigarren postuaren bila dabiltza
Jonas Vingegaardek 2026ko Italiako Giroko maglia arrosa du aldean, eta hamaseigarren etapan are gehiago sendotu du lehen postu hori; eguna Carì lehen mailako mendatean amaitu da, eta danimarkarrak erabat kontrolpean izan ditu aurkariak. Hala, azken horiek podiumeko beste bi postuak ari dira jokatzen.
Visma taldea nagusi izan da Cariko igoeran, eta Vingegaardek Giroa erabakita utzi du
Tropelak eguneko ihesaldia azken igoerako lehen aldapetan harrapatu du, eta, Team Visma-Lease taldeak gidatuta, erritmo gogorra ezarri du Cariko aldapa gogorretan (11,6 km % 8ra). Vingegaardek erasoa jo du helmugatik 6 kilometrora, eta bere laugarren etapa garaipena lortu du.
2026ko Italiako Giroko 20. etaparen ibilbidea, profila eta ordutegia: Gemona del Friuli-Piancavallo (200 km)
109. Italiako Giroaren azken-aurreko etapako azken hirurogeita hamar kilometroetan, txirrindulariek bi aldiz igo beharko dute Piancavallo lehen mailako mendate gogorra. Hor, Piancavallon, eguna amaituko da, eta ziklistei soilik beste etapa bat geldituko zaie, Erromakoa; hortaz, ia-ia dena erabakiko da 20. etapa honetan.
2026ko Italiako Giroko 19. etaparen ibilbidea, profila eta ordutegia: Feltre-Alleghe (151 km)
Dolomita Alpeetan jokatuko den etapa ikaragarri gogorra da. Txirrindulariek ibilbidean sei mendate jarraian eta, gutxi gorabehera, 5.000 metroko desnibela gainditu beharko dituzte.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.