Saganek irabazi du etapa, eta Nibali da lider berria

Ihes eginda iritsi dira Joaquim rodriguezekin batera, eta 44 segundo atera dizkiote Samuel Sanchezi, Contadorri eta Hornerri. Froomek lidergoa galdu du, 50 segundora iritsita.

Vincenzo Nibali. Argazkia: EiTB — Vincenzo Nibali da Tirrenoko lider berria. Argazkia: EiTB

ERREDAKZIOA

2013/03/11 - 09:07

Azken eguneratzea

2013/03/11 - 19:39

Vincenzo Nibalik (Astana) Tirreno Adriatikoa irabazteko aurrerapausoa eman du astelehen honetan. Peter Saganek (Cannondale) irabazi du seigarren etapa, baina Liquigaseko txirrindulari italiarrak lidergoa eskuratu du, eta 34 segundoko abantaila du sailkapen nagusian bigarren postuan dagoen Chris Froomerekiko (Sky). Tirreno Adriatikoa astearte honetan amaitzen da, eta azken etapa 9,2 kilometroko erlojupekoa izango da. Horrek, garaipena eskuratzeko aukera handia emanten dio Nibaliri. Joaquim Rodriguez (Katusha) da hirugarren liderrarengandik 37 segundora, eta Alberto Contador (Saxo Tinkoff) dago laugarren postuan, Nibalirengandik 40 segundora.

Seigarren etapa Porto Sant'Elpidion hasi eta bukatu da, eta 209 kilometroko ibilbidea gainditu behar izan dute txirrindulariek. Etaparen profila gorabeheratsua izan da. Fabian Cancellarak, Damiano Cunegok, Angel Viciosok, eta Beñat Intxausti (Movistar) eta Egoi Martinez (Euskaltel) euskal txirrindulariek osatu dute eguneko ihesaldia. Bost txirrindulari hauek osatutako ihesaldia helmugarako 14 kilometro falta zirenean bukatu da.

Azken hamabi kilometroen profila oso gorabeheratsua izan da, eta errepidea bustita egon da euriagatik. Vincenzo Nibali sailkapen nagusiko hirugarren sailkatua zen etapa bukatu aurretik, eta maldan behera eradoa jo zuen. Peter Saganek eta Joaquim Rodriguezek eman zioten erantzuna Nibaliren erasoari. Chris Froome liderrak denbora galdu zuen malda igoeran, eta atzeratuta geratu zen.

Azken kilometora ihes eginda iritsi dira Sagan, Nibali eta Joaquim Rodriguez, eta Saganek aise irabazi du esprinta. Nibali bigarren izan da, eta Joaquim Rodriguez hirugarren. Bigarren multzoan Mauro Santambrogio (Vini Fantini), Samuel Sanchez (Euskaltel), Christopher Horner (RadioShack) eta Alberto Contador sartu dira, irabazlearengandik 44 segundora. Ondoren, hirugarren multzoan Chris Froome sartu zen Nibalirengandik 50 segundora.

Seigarren etapako sailkapena:

.1. Peter Sagan (SVK) Cannondale 5.46.17

.2. Vincenzo Nibali (ITA) Astana + 02

.3. Joaquim Rodriguez (ESP) Katusha d.b.

.4. Mauro Santambrogio (ITA) Vini Fantini + 44

.5. Samuel Sánchez (ESP) Euskaltel-Euskadi d.b.

.6. Christopher Horner (USA) RadioShack d.b.

.7. Alberto Contador (ESP) Saxo-Tinkoff d.b.

.8. Jurgen Roelandts (BEL) Lotto + 50

.9. Thor Hushovd (NOR) BMC d.b.

10. Simon Geschke (ALE) Argos-Shimano d.b.

Sailkapen nagusia:

.1. Vincenzo Nibali (ITA) Astana 27.57.26

.2. Chris Froome (GBR) Sky + 34

.3. Joaquin Rodriguez (ESP) Katusha + 37

.4. Alberto Contador (ESP) Saxo-Tinkoff + 48

.5. Michal Kwiatkowski (POL) Omega Pharma + 58

.6. Christopher Horner (USA) RadioShack + 1.05

.7. Mauro Santambrogio (ITA) Vini Fantini + 1.20

.8. Pryzemyslaw Niemiec (POL) Lampre + 2.54

.9. Andrey Amador (CRC) Movistar + 2.58

10. Wout Poels (HOL) Vacansoleil + 3.08

Zure interesekoa izan daiteke

Italiako Giroa, maiatzaren 8tik 31ra, EITBn

2026ko Italiako Giroak maiatzaren 8an, ostirala, ekingo dio edizio berriari. Aurten ere, lasterketa EITBn jarraitu ahal izango da zuzenean.

Gizonezkoen eta emakumezkoen 2026ko UCI World Tourreko egutegia

Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.

Huyko harresirako igoera Flèche Wallonneko azken kilometroan; Paul Seixas gailendu da

Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.

Paul-Seixas-Demi-Vollering-Flecha-Valona

Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne

Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.

Itzulia Women lasterketaren ibilbidea aurkeztu dute

Maiatzaren 15etik 17ra egingo da 2026ko Itzulia Women Lasterketa. 3 etapa izango ditu, lehenengoa Zarautzen hasi eta amaituko da; bigarrena Abadiño eta Amorebieta artean; hirugarrena, berriz, Donostian egingo da. Datozen egunetan emangio dute taldeen berri.

2026ko Itzulia Women lasterketan hamalau mendate puntuagarri izango dira, hiru etapatan, maiatzaren 15etik 17ra bitartean

Lasterketako bosgarren ekitaldia Zarautzen hasiko da, maiatzaren 15ean, ostiralez, eta Donostian amaitu, hilaren 17an, igandez. Hiru etapa izango ditu probak: Zarautz-Zarautz (121,3 kilometro), Abadiño-Zornotza (138 kilometro), eta Donostia-Donostia (113,1 kilometro).

Lieja–Bastogne–Lieja 2026 Klasikoaren ibilbidea eta profila

Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.

Usoa Ostolaza gailendu da Eibarko Hiria Sari Nagusian

Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.

Pinarellori O Gran Camiñoko bosgarren etapan garaipena eman dizkioten azken metroak

Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.

Adam Yates gailendu da Cabeza de Meda mendatean, eta lidertza bereganatu du O Gran Camiñon

UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.