Beldaren Kelme taldean dopina nagusi zela azaldu du Manzanok
Dopina nagusi zela azaldu du gaur Jesus Manzano Kelme taldeko txirrindulari ohiak Puerto Operazioaren auziko epaiketan. Eufemiano Fuentes medikuak eta Yolandak, haren arrebak, taldeko dopina antolatzen zutela adierazi du Manzanok. Gainera, Vicente Belda eta Jose Ignacio Labarta taldeko zuzendariek dopin sarean laguntzen zutela salatu du.
Manzano Espainiako txirrindularitzan dopin praktikak salatzen aurrenekoa izan zen 2004an. Txirrindulariei odol-transfusioak egiten eta botikak sistematikoki ematen zizkietela salatu du Manzanok. Txirrindulari ohiak lekuko gisa deklaratu du epaiketan.
Manzanoren arabera, Fuentes taldearen denboraldiko egitasmo medikoa egiteko arduraduna zen, eta ondoren Beldak txirrindulari bakoitzaren egutegia ezartzen zuen. Bien bitartean, Labartak entrenamenduak antolatzen zituen. Bestalde, Alfredo Cordova eta Walter Viru medikuak dopin sarean inplikatu ditu Manzanok.
Txirrindulari bati odola ateratzen ziotenean (litro bat ateratzen zioten 500 mililitroko bi poltsatan) Labartak entrenamendu gozoak antolatzen zizkion, 60 edo 80 kilometrokoak, erritmo geldoan eta taupada kopuru mugatu batzuen barruan.
Taldearen funtzionamendua
Belda Kelmeko zuzendariak txirrindulariak Fuentesengana bidaltzen zituen, Manzanoren esanetan. Medikuak lasterketetan botikak ematen zizkien. Hematokritoa estaltzeko albumina eta seruma erabiltzen zituzten, eta bi substantzia horiek gernutik eta izerditik desagertzeko beste pilula batzuk, 'cuadriculadas' izenekoak.
Hematokritoa edo odolaren likatasuna (zenbat eta likatasun handiagoa gorputzaldi hobeagoa) EPOren bidez areagotzen zuten. Horretarako txertoak erabiltzen zituzten txirrindulariek. Tratamenduek hilabete bateko iraupena zuten, eta ondoren 12 egun geldi ematen zituzten hondarrak desagertzeko.
Prozesuaren amaieran odola ateratzen zieten, gerora odol-transfusioak egiteko.
Batzuetan, EPO lasterketetan zehar ematen zizkieten. Dopin substantzia gernutik desagertzeko 'hauts zuria' hartzen zuten txirrindulariek. Horrela, UCIren kontrolek EPOa atzematea saihesten zuten. Gernutik proteinak ezabatzen zituzten mekanismoaren bidez.
UCIk hematokrito mailak zaintzen zituenez, arazorik ez zuten txirrindulariak kontrolak igarotzen lehenak izaten ziren.
"Hematokrito baxuko txirrindulariak lehenengoak ziren, bien bitartean gainerakoei albumina eta seruma ematen zizkiguten (odolaren jarioa areagotzeko). Esker besoan injekzioa jartzen baziguten, kontrolerako eskuin besoa jartzen genuen", azaldu du Manzanok.
Manzano 2000tik 2003ra egon zen Kelme taldean eta taldekide guztiek, batek izan ezik, hanketako zainetan arazoak zituelako, dopina erabiltzen zutela adierazi du lekukoak.
Konortea galduta
2003ko Tourrean Manzanok konortea galdu zuen eta ospitalera eraman behar izan zuten: "Hartutakoaren berri ez emateko eta azterketarik egiten ez uzteko esan zidaten, kartzelara joan gintezkelako", esan du txirrindulari ohiak.
"Produktuak hartzeri uko egin ezkero, baja zinen berehala", erantsi du lekukoak. Arazo horien inguruko bilera bat egin zuten txirrindulariek, baina ez dopina saihesteko, "kontrol gehiago eta botika hobeagoak" eskatzeko baizik.
Zure interesekoa izan daiteke
Mikel Landaren garaipenaren azken metroak Espainiako Vueltako 20. etapan
Mikel Landak 2026ko Espainiako Itzuliko 20. eta azken-aurreko etapa irabazi du larunbat honetan, Calahorra eta El Collado del Alguacil arteko 186,8 kilometroko etapa gogorra. Ikusi hemen lasterketako azken metroak.
Mikel Landa: “Neukan guztia eman dut"
Arabarrak garaipen handia lortu du Espainiako Itzuliko 20. etapan gailenduta ia bost urte garaipenik lortu gabe igaro ostean. Landa malko artean helmugaratu da.
Ion Izagirre nagusitu da Marco Pantani Memorialean
Izagirrek Miguel Indurain Sari Nagusia irabazi zuen apirilean, hiru urteko lehortearen ondoren, eta guztira 20 garaipen lortu ditu profesionaletan.
Mikel Landak ‘landismoa’ berpiztu du Alguacil mendatean
Murgiako txirrindulariak 2026ko Espainiako Vueltako 20. eta azken-aurreko etapa irabazi du larunbat honetan, Calahorra eta Collado del Alguacil artean 186,8 kilometroko ibilbidea izan duena.
Evenepoel nagusitu da Quebecen, esprintean Ciccone garaituta
Belgikarrak italiarra menderatu du azken esprintean. Juan Ayusok, bere aldetik, eroriko gogorra izan du helmugatik gertu.
Eddie Dunbar gailendu da Peñas Blancas mendatean, eta Enric Masek erraz eutsi die aurkariei
Txirrindulari irlandarra bakarka helmugaratu da, Santiago Buitrago bukaerarako 500 metroren faltan gainditu eta gero. Primoz Roglic saiatu da Enric Mas atzean uzten, baina liderrak ondo eutsi die eraso saiakera guztiei, eta eskura dauka Vuelta.
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Küngek irabazi du erlojupekoa eta Masek lidergoa mantendu du
Enric Masek maillot gorria mantendu du El Puerto de Santa María eta Jerez de la Frontera arteko erlojupekoan. Primoz Roglicek aldea murriztu du, baina ez lidergoa arriskuan jartzeko adina. Stefan Küngek irabazi du etapa denborarik onena eginda.
Neurozirujau batek ebakuntza egin dio Jaume Guardeño Caja Rural-Seguros RGA taldeko txirrindulariari
Alacanteko ziklistak, apirilean, istripu larria izan zuen, entrenatzen ari zela, ibilgailu baten kontra talka egin baitzuen. Nafarroako taldeak iragarri duenez, sendatze prozesuan jarraitzen du.
Matthew Brennanek ez du huts egin Sevillan, eta bosgarren aldiz gailendu da Espainiako Vueltan
Aurreikusita zegoenez, lasterketaren 81. ekitaldiko hamazortzigarren etapa esprintean erabaki da, eta Brennan, beste behin, onena izan da. Espainiako Vueltak, orain, osteguneko erlojupekoa du jomugan; izan ere, azken sailkapen nagusirako oso garrantzitsua izan liteke.