Lointek Gernikak galdu egin du Hungarian eta zaildu egin zaio sailkapena (79-61)
Lointek Gernika Bizkaiak galdu egin du asteazken honetan Uni Gyor talde hungariarren aurka (79-61), Eurokopako ligaxkako 5. jardunaldiari zegokion partidan. Lehia galtzeaz gain, Mario Lopezen taldeak ezin izan dio eutsi talde hungariarren aurka Malosten lortu zuen 12 puntuko aldeko averageari.
Ligaxka amaitzeko norgehiagoka baten faltan, bizkaitarrek zein hungariarrek emaitza berak lortu dituzte orain arte, hau da, bi partida irabazi eta hiru galdu. Ondorioz, hurrengo kanporaketan egon nahi badute, gernikarrek Uniao Sportiva talde portugaldarrari irabazi behar diote etxean, eta, aldi berean, Uni Gyorrek Gironaren aurka gal dezala itxaron behar dute.
Partidan zehar beti joan dira aurretik etxekoak, nahiz eta lehen laurdena parekatuta amaitu den (20-16). Hortik aurrera, baina, Gyorreko neskek beste abiadura bat ezarri eta tarte handia zabaldu dute markagailuan. Hartara, 16 puntuko aldea zegoen bi taldeen artean bigarren laurdenaren bukaeran (43-27).
Atsedenaldiaren ostean, ez da neurketako gidoia aldatu, eta Hungariakoek zuloa areagotzen jarraitu dute (57-33, 26. minutuan). Gernikarren erreakzioak markagailua estutu badu ere (67-56, 34. minutuan), Dia Ligan lider den taldeak (Perfumerias Avenidasekin berdinduta) ezin izan dio alde horri eutsi, gutxienez averagea salbatze aldera, eta azkenerako 18 puntugatik galdu du.
Blake Dietrick (22 puntu) eta Rachael Vanderwal (11) izan dira hamar puntutik gora sartzeko gai izan diren jokalari bakarrak.
Zure interesekoa izan daiteke
Lointek Gernikak agur esan dio Europari Villeneuven, partida estu baten ostean (83-81)
Lointek Gernika Bizkaia emakumezkoen Eurokopatik at geratu da final-zortzirenetako itzulerako partidan Villeneuve-d'Ascqen, egungo txapeldunaren pistan 83-81 galdu ostean.
Villeneuve d 'Ascqek nagusitasunez irabazi dio Lointek Gernikari (62-85)
Lointek Gernika Bizkaiak Emakumezkoen egungo txapeldunaren aurka jokatu du Eurokopako partida gogor batean. Joaneko partidan kanporaketa oso aldapa gora jarri zaio talde bizkaitarrari.
Aaronette Vonleh pibotak Lointek Gernikaren barneko jokoa indartuko du
Estatu Batuetako jokalaria Hozono Global Jairis taldetik dator, denboraldia amaitu arte.
Lointek Gernika nagusitu da 2025eko azken euskal derbian, IDK Euskotren 80-75 garaituta
Bizkaiko taldeak, atzetik aurrera eginda, partida irauli, eta mendean hartu du Gipuzkoakoa, Endesa Ligako 13. jardunaldiko partidan.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Lointek Gernikak Universitas Pecsen aurka jokatuko du Eurokopako play-offeko lehen kanporaketan
Lucas Fernandezen taldeak etxean jokatuko du joaneko partida, Malosten, abenduaren 11n, eta itzuliko neurketa, Pecsen, abenduaren 18an izango da. Lointek Gernikak eta Universitas Pecs bi aldiz aritu dira nor baino nor gehiago, fase erregularrean.
Lointek Gernikak sufritu eta galdu egin du Ramlaren aurka, baina averageari eutsi dio eta bigarren sailkatu da
Lucas Fernandezek zuzentzen duen taldea atzetik izan da markagailuan ia norgehiagoka osoan zehar eta une batzuetan abantaila galtzetik gertu egon da, baina azkenean bere sailkapena ziurtatzeko adina hurbildu da.
Lointek Gernikak aurreneko kolpea eman du Sofian eta Elitzur Ramlari irabazi dio lehen neurketan (65-81)
Talde bizkaitarra atzetik joan da markagailuan lehen laurdenaren amaieran, baina gainerako partzialetan nagusi izan da sailkapenaren helburuan lehen urratsa emateko.