Surne Bilbao Basketek Peristeriren aurka irabazi du eta multzoko liderra da FIBA Europako Kopan
Surne Bilbao Basketek garaipen sendoa lortu du Grezian, Peristeri BC 64-86ko emaitzarekin mendean hartuta. Garaipen honekin, Jaume Ponsarnauren taldeak beste pauso bat eman du FIBA Europe Cupeko bigarren txandarako sailkapena lortzeko, Justin Jaworski eta Harald Freyren jardun sendoaren ondoren.
Peristeri ondo hasi da, Ty Nichollsek bultzatuta, baina Surne Bilbao Basketek azkar erreakzionatu du. Defentsa biziago batekin eta Font eta Freyren hirukoei esker, beltzezko taldeak aurretik itxi du lehen laurdena (19-21) eta bere erritmoa ezartzen hasi da.
Bigarren laurdenean, Bilboko defentsaren sendotasunari eta Jaworskik egindako ekarpenei esker aldeko koska horri eutsi diote, nahiz eta etxekoen bultzada nabaria izan. Atsedenaldian, markagailuak 37-44koa zekarren, kanpokoen kontrolaren isla. Aldageletara joan ondoren, Jaworskik eta Pantzarrek gidatu dute Bilbao Basket nagusi izan den tartea, kantxako bi muturretan.
Azken laurdenean, Frey eta Normantasen hirukoek partida erabakita utzi dute. Peristerik ez du Bilboko taldearen jokoa geldiaraztea lortu, partidua 64-86ko emaitzarekin itxi eta multzoko lider jarri dira. Greaziako taldearen estreinako porrota izan da Europan.
Zure interesekoa izan daiteke
?fmt=webp-alpha&qlt=80)
Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelkeko final laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.
Jaume Ponsarnau Surne Bilbaoren historian partidarik gehien zuzendu duen bigarren entrenatzailea izango da larunbatean
San Pablo Burgosen aurka, entrenatzaileak bere 184. partida ofiziala zuzenduko du. Hala, Fotis Katsikaris aurreratuko du, eta zerrendan soilik Txus Vidorreta izanen du aurretik; azkeneko horrek 331 partidatan zuzendu zuen euskal taldea.
Surne Bilbaok luzapenean irauli du Kanaria Handiaren aurkako partida (97-98)
Surne Bilbao Basketek Kanaria Handiari irabazi zion Endesa Ligako 19. jardunaldiari zegokion atzeratutako partidan (97-98), luzapeneko minutuetan partida iraulita.
Surne Bilbaok PAOK menderatu du, lehen postuan sailkatu da, eta Turkiako Petkim Spor izango du aurkari final-laurdenetan
Beltzezko gizonak Salonikara itzuli dira, duela hamar hilabete txapela ekarri zien Greziako hirira, eta puntu bakarreko aldearekin lortu dute garaipena (87-88) azken laurdenean, ia partida osoa markagailuan atzetik egon ondoren.
Surne Bilbaok multzoko lehenengo postua ziurtatu nahi du FIBA Europa Kopan, asteazkenean, Salonikan, PAOKen aurka
Partida 16:30ean hasiko da, eta kirolakeitb.eus-en eta ETB4ren bitartez emanen da, zuzenean. Euskal taldeak garaipena edo 22 puntu baino gutxiagoko aldez galtzea lortzen badu, multzoko lehenengo sailkatua izanen da txapelketaren bigarren fasean.
Surne Bilbao Basketek seigarren garaipena jarraian lortu du Zaragozan 82-84 irabazita
Surne Bilbao Baskete Casademont Zaragozari gailendu zaio larunbat honetan (82-84) eta seigarren partida jarraian irabazi du Endesa Ligan. Partida orekatua jokatu dute bi taldeek eta etxekoek irabazteko aukera izan dute azken momentura arte.
Surne Bilbaok aise menderatu du Prievidza (93-51), eta Salonikan izango du jokoan multzoko lehen postua
Jaume Ponsarnauren taldeak azken zortzi partidak irabazi ditu, FIBA Europa Kopa eta Endesa Liga kontuan izanik. Eslovakiako taldearen aurka, Surne Bilbaok ez du arazorik izan garaipena eskuratzeko.
Surne Bilbaok bolada onari eutsi dio Joventut garaituta (80-76)
Surne Bilbaok Joventut garaitu du Miribillan (80-76), hasieratik amaierara mendean izan duen partidan, eta zazpigarren garaipena jarraian eskuratu du horrela; horietako bost, Endesa Ligan.