Surne Bilbaok aise menderatu du Prievidza (93-51), eta Salonikan izango du jokoan multzoko lehen postua
Jaume Ponsarnauren taldeak azken zortzi partidak irabazi ditu, FIBA Europa Kopa eta Endesa Liga kontuan izanik. Eslovakiako taldearen aurka, Surne Bilbaok ez du arazorik izan garaipena eskuratzeko.
Justin Jaworskik 19 puntu sartu ditu. Argazkia: EFE.
Surne Bilbaok Prievidza menderatu du, 93-51, Miribillan, 2025-2026 denboraldiko FIBA Europa Kopako bigarren faseko bosgarren jardunaldian, M multzoan, asteartean. Horrenbestez, Jaume Ponsarnauren taldeak, bigarren fase horretan jokatutako bost partidak irabazita, multzoko lehen postuan dabiltza, eta gertu dute lehen postu hori bermatzea; horretarako, Salonikan, PAOK aurkari, datorren asteazkenean, Bilbon lortutako 22 puntuko aldea berretsi beharko dute, ziurrenik.
Surne Bilbao oso ondo dabil; izan ere, kontuan izanik FIBA Europa Kopa eta Endesa Liga, azken zortzi partidak irabazoi ditu. Asteartean, ez diote aurkariari inolako aukerarik eman; euskal taldea 12-0 aurreratu da, lehen minutuetan, eta Prievidzak, hortik aurrera, soilik egin ahal izan du saihestea Surne Bilbaoren aldea azkarregi haztea.
Ez du lortu, baina. Atsedenaldian, Bizkaiko taldeak 28 puntuko abantaila zuen, 47-19; neurketako bigarren zatian, dena erabakita zegoela, Surne Bilbaori puntu gehiago sartu dizkiote, baina oso sendo jarraitu du erasoan, eta, azkenean, etxeko taldeak 42 puntuko aldea erdietsi du, 93-51.
Fitxa teknikoa
93 - Surne Bilbao (24+23+25+21): Pantzar (5), Jaworski (19), Font (11), Petrasek (13) eta Bagayoko (7) -hasierako bostekoa- Frey (-), Normantas (7), Krampelj (16), Hilliard (4), Hlinason (2), Errasti (5) eta Madariaga (4).
51 - BC Prievidza (8+11+12+20): Bishop (2), Thomas (6), Tolbert (9), Toussaint (1) eta Zeliznak (4) -hasierako bostekoa- Reynolds (5), Jass (1), Hlivak (2), Smith (17) eta Alihodzic (4).
Epaileak: Blaz Zupancic (Eslovenia), Tolga Edis (Turkia) eta Valerio Grigioni (Italia).
Nabarmentzekoa: 3.114 zale izan dira Miribilla.
Zure interesekoa izan daiteke
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.
?fmt=webp-alpha&qlt=80)
Kosner Baskoniak Belgraden, Partizanen aurka, emango dio buru 2025-2026 Euroligako bere ibilbideari
Paolo Galbiatiren taldeak ezin izan du Euroligara eraman beste txapelketetan egiten ari den denboraldi bikaina. Gasteizko taldeak aldi bakarrean garaipena lortu duen kantxa batean (2002) irabaztea bilatuko du.
Forresten jokaldi batek garaipena eman dio Kosner Baskoniari etxean, Dreamland Kanaria Handiaren aurka (88-86)
Trent Forrestek amaierarako zazpi segundoren faltan egindako magia trikimailu batek garaipena eman dio Kosner Baskoniari, 88-86, Dreamland Kanaria Handiaren aurka Buesa Arenan jokatutako partidan.
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.