FITXAKETA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Kirolak atariko abantailak aprobetxatzeko.

Regimantas Miniotas hegal-pibot lituaniarra fitxatu du Bilbao Basketek

Lituaniako Vytautas Prienu taldean aritu da orain arte, eta bertan 18,5 puntu, 10,5 errebote eta 2,8 asistentzia lortu ditu batez beste partida bakoitzean.
Regimantas Miniotas, Bilbao Basketen fitxaketa berria.
Regimantas Miniotas, Bilbao Basketen fitxaketa berria. Argazkia: @bilbaobasket
KIROLAK EITB LOGO

AGENTZIAK | ERREDAKZIOA

Azken eguneratzea

RETAbet Bilbao Basketek Regimantas Miniotas Lituaniako hegal-pibota fitxatu du denboraldi amaierara arte, Bilboko taldeak igande honetan jakinarazi duenez.

Miniotas (Kedainiai, 24 urte; 2,08ko garaiera) Vytautas Prienu taldetik heldu da Bilbao Basketera, eta denboraldi honetan 18,5 puntu, 10,5 errebote eta 2,8 asistentzia lortu ditu batez beste Lituaniako LKL ligan.

Lituaniako selekzioarekin jokatu ohi du, eta une honetan hurrengo Eurobasketerako sailkatze-faseko partidak ari da lehiatzen. Hala, Danimarkaren aurkako lehendabiziko norgehiagokan Miniotasek 8 puntu eta 5 errebote lortu zituen 15 minututan. Alabaina, Baltikoko selekzioak galdu egin zuen (76-80).

Rafa Pueyo Bilbao Basketeko kirol zuzendariaren ustez, fitxaketa berria "sasoi onean dago, Lituaniako ligan egindako agerraldiek eta selekzio absolutuaren deialdian sartu izanak erakusten duten bezala".

Pueyok espero du Miniotasek, Arnoldas Kulboka herrikidearekin batera arituko denak, taldeari ekarpena egingo diola "errebotean, kanpoko jaurtiketan, beheko zutoineko jokoan eta pasean".
Bilbao Basketek abenduaren 28an egingo du Akziodunen Batzarra
Bilbao Basketek denboraldiko bigarren garaipena lortu du (89-96)
Aaron Jonesek Bilbao Basket utzi eta Frantziako Cholet taldean jokatuko du
Bilbao Basket Fitxaketak

Zure interesekoa izan daiteke

Gehiago ikusi
Publizitatea
X
Publizitatea
X