Bilbao Basketek zailtasunetan jarri du Herbalife, baina galdu egin du
RETAbet Bilbao Basketek 90-85 galdu du Herbalife Gran Canaria taldearen aurka Endesa Ligako 15. jardunaldiko partida. Joko ona azaldu eta itxura ona eman du Bilboko taldeak, baina sentsazio onak ezin izan ditu garaipen batekin biribildu.
Ondo ekin dio partidari Bilbao Basketek 0-4ko partzialarekin eta ondoren, abantaila politak lortu ditu; 6-11, 9-16 eta 10-19. Lehen laurdeneko azken minutuetan bolada on bat izan du Herbalife Gran Canaria taldeak, baina talde bizkaitarrak ondo eutsi dio, eta 8 puntuko abantaila lortu du (16-24) lehen hamar minutuen amaieran.
Bigarren laurdenaren hasieran ondo eutsi dio RETAbet taldeak aurretik lortu duen abantailari, baina laurdenaren erdialdetik aurrera talde kanariarra hasi da nagusitzen. Horrela, aldeak murrizten hasi da Herbalife eta atsedenaldira iristeko bi minuturen faltan, neurketa berdindu du etxeko taldeak (33-33). Laurdenaren azken bi minutu horietan Herbalife hobea izan da, eta etxeko taldea bi puntuko abantailarekin joan da atsedenaldira (40-38).
Atsedenaldiaren ostean ere ondo ekin dio lehiari Bilbao Basketek. Aurretik ibili da talde bizkaitarra hirugarren laurdenaren lehen txanpan, baina neurketa asko parekatu da minutu horietan. Bi taldeetako batek ere ez du lortu markagailuan zuloa irekitzea eta berdinketak sarritan errepikatu dira (49-49, 54-54, 56-56 eta 58-58). Laurdenaren azken segundoan Herbalifek 2+1eko jokaldia saskiratu eta aurretik iritsi da (63-62) azken laurdenera.
Amaierako laurdenaren hasieran aurrea hartu du Bilbao Basketek (63-64 eta 65-66), baina Herbalifek bolada ona izan, eta sei puntuko errenta eskuratu du (72-66). RETAbet taldea, ordea, ez da kokildu, azkar lortu du desabantaila murriztea eta aurrea ere hartu du (74-75). Etxeko taldeak sei puntuko aldea eskuratu du (88-82) azken minutuetan, Bilbao Basket hiru puntura hurbildu da (88-85), baina Herbalifek ez du huts egin azken jabetzetan eta garaipena eskuratu du (90-85).
Fitxa teknikoa:
90-Herbalife Gran Canaria (16+24+23+27): Eriksson (14), Mekel (7), Pasecniks (12), Rabaseda (4), Baez (12) –hasierako bostekoa-, Oliver (11), Brussino (-), Seeley (17), Balvin (7), Paulí (4), Aguilar (2) eta Fischer (-).
85-RETAbet Bilbao Basket (24+14+24+23): Mumbru (10), Tabu (8), Todorovic (14), Hammink (7), D. Thomas (19) –hasierako bostekoa-, Gladness (4), Fischer (-), Salgado (2), Hervelle (3), Pere Tomas (2), Redivo (16) eta Vucetic (-).
Epaileak: Carlos Peruga, Andres Fernandez, Ruben Sanchez Mohedas.
anchez Mohedas.Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.