Bilbao Basketek garaipen garrantzitsua lortu du Unicajaren aurka
RETAbet Bilbao Basketek 70-67 irabazi dio Unicajari Bilbao Arenan eta garaipen bateko abantaila mantentzen du jaitsiera postuekiko. Denboraldiko bosgarren garaipena eskuratu du Bilbao Basketek Endesa Ligan.
Partida parekatuta hasi da, eta bi taldeei kosta egin zaie markagailuan zuloa irekitzea. Hala ere, minutuak aurrera joan ahala Bilbao Basket nagusitzen hasi da, eta lau puntuko abantiala lortu du lehen hamar minutuen amaieran (21-17). Bigarren laurdena ere parekatuta hasi den arren, talde bisitaria hobea izan da atsedenaldira iritsi orduko minutuetan eta bost puntuko errentarekin heldu da atsedenaldira Unicaja (30-35).
Atsedenaldiaren ostean, bigarren laurdeneko dinamika nagusitu da; hau da, Unicaja sendo mantendu da, eta Bilbao Basketi kosta egin zaio aurkariari min egitea. Ondorioz, Unicajak 9 puntuko abantailarekin (45-54) ekin dio azken laurdenari. Maldan gora jarri zaio neurketa RETAbet Bilbao Basketi, baina Mrsicek zuzentzen duen taldeak ez du etsi azken minutura arte. Lan onaren ondorioz, aldeak murriztea lortu du talde bizkaitarrak eta aurrea hartu du partida amaitzeko 3 minutu falta izan direnean (63-62). Azken minutura, berdinduta iritsi da partida (66-66), baina Bilbao Basketek hobeto defendatu du azken segundoetan eta garaipen handia eskuratu du (70-67).
Fitxa teknikoa:
70.- RETAbet Bilbao Basket (21+9+15+25): Tabu (7), Hammink (8), Todorovic (-), Mumbrú (15), Gladness (6) -hasierako bostekoa- Thomas (8), Redivo (14), Salgado (5), Hervelle (3) eta Pere Tomas (4).
67.- Unicaja (17+18+19+13): Alberto Diaz (-), Nedovic (7), Dani Diez (-), Brooks (8), Augustine (8) -hasierako bostekoa- McCallum (3), Salin (8), Shermadini (19), Waczynski (12) eta Suarez (2).
Partzialak: 21-17, 30-35 (atsedenaldia), 45-54 eta 70-67 (amaiera).
Epaileak: Carlos Cortes, Jacobo Rial eta Esperanza Mendoza.
Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.