RETAbet Bilbao Basketek garaipen erosoa lortu du Manresaren aurka
RETAbet Bilbao Basketek garaipen erosoa lortu du ICL Manresaren aurka (91-76) Bilbao Arenan eta bolada txarrari amaiera eman dio. Bosgarren garaipena lortu du Bilboko taldeak Endesa Ligan.
Partida parekatuta hasi da, baina lehen laurdeneko azken minutuetan Bilbao Basketek zortzi punturainoko abantaila lortu du (21-13). Jarraian, ordea, ICL Manresaren erantzuna etorri da. Kataluniako taldeak desabantaila murriztu du, baina talde bizkaitarraren aldeko 24-17ko emaitzarekin amaitu dira lehen hamar minutuak.
Bigarren laurdenean etorri da Bilbao Basketen nagusitasuna. Etxeko taldea nagusi izan da erasoko eta defentsako jokoan. Ondorioz, zuloa ireki du RETAbet Bilbao Basketek markagailuan eta 12 puntuko abantailarekin iritsi da atsedenaldira (48-36).
Atsedenaldiaren ostean indarberrituta kantxaratu da RETAbet Bilbao Basket eta garaipena erabat bideratuta utzi du. Aurkaria baino askoz hobeto jokatu du hirugarren laurdena talde bizkaitarrak eta 19 puntuko abantailarekin ekin dio azken laurdenari (74-55). Amaierako hamar minuetarako partida erabakita egon da Bilbao Basketen alde eta garaipenak ez dio ihes egin RETAbet Bilbao Basketi (91-76).
Fitxa teknikoa:
91 - RETAbet Bilbao Basket (24+24+26+17): Borg (10), Bamforth (15), Mumbrú (22), Hervelle (1) eta Eric (19) -hasierako bostekoa-; Tabu (1), Salgado (4), Lapornik (5), Todorovic (2), Nikolic (6), Eric (6) eta Mendia.
76 - ICL Manresa (17+19+19+21): Cvetkovic (8), Aranitovic (9), Tomas (9), Trapani (12) eta Cakarun (8) -hasierako bostekoa- Rush (5), Suggs (4), Montañez (4), Auda (13), Andric (4), Belemene eta Sakho.
Partzialak: 24-17, 48-36 (atsedenaldia); 74-55 eta 91-76 (amaiera).
Epaileak: Garcia Gonzalez, Cortes eta Sanchez Mohedas.
anchez Mohedas.Zure interesekoa izan daiteke
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.
Surne Bilbaok Txapeldunen Liga jokatuko du hiru urte geroago
Talde bilbotarra urriaren 6an hasiko den lehiaketan parte hartuko duten 32 taldeetako bat da. Dagoeneko 30 talderi baieztatu diete tokia, eta Surne da horietako bat. Talde bizkaitarrak 2020-21 denboraldian Txapeldunen Ligan parte hartu zuen, eta 2022-23an errepikatu zuen.
Hlinasonek, Freyk eta Fontek Surne Bilbaorekin zituzten kontratuak luzatu dituzte, 2029ra arte
2025-2026 denboraldian Bilboko taldean izandako jokalariei erreparatuta, zortzi gizon izango dira, berriro, hurrengo denboraldian; hori bai, Bassala Bagayokok 2028ra arteko kontratua badu ere, baliteke ez jarraitzea klubean.
Surne Bilbaok Nate Darling sinatu du 2026-2027 denboraldirako
Talde bizkaitarraren hirugarren eransketa izanen da eskolta kanadiarra, Adam Somogyiren eta Dan Duscaken sinaketen ondoren.
Bilbao Basketek iragarri du Jaworskik ez duela klubean jarraituko
Eskolta estatubatuarra funtsezkoa izan da bilbotarren denboraldi arrakastatsuan.
Surne Bilbao Basketek Stefan Lazarevicek eta Amar Syllak ez dutela klubean jarraituko iragarri du
Serbiarrak klubean urtebetez jokadu du. Senegaldarrak, berriz, bi urte eman ditu Bilbon.
