Bilbao Basket finalerdietan dago, Bartzelona kanporatu ostean (72-73)
Dominion Bilbao Basketek Errege Kopako finalerdiak jokatzeko lehen txartela lortu du, Bartzelona Lassari ezustean irabazita.
Bilbotarrak Bartzelona baino gehiago izan dira neurketa osoan. Kataluniarrek, berriz, huts asko egin dituzte, eta beltzezko gizonei aurre egiteko beharrezko tentsioa falta izan zaie.
Lehen 20 minutuek kolore zuria izan dute, bilbotarrena, eta Xavi Pascualen taldeak ia eskerrak eman behar izan ditu atzetik hiru puntuz bakarrik heldu direlako atsedenaldira: 37-40.
Hirugarren laurdena hasi eta berehala, Bartzelonak berdinketa lortu du Satoranskyren hirukoari esker (40-40), eta, jarraian, Perperoglouren beste batek aurretik jarri ditu kataluniarrak (43-42), lehen aldiz.
Hortik aurrera, bi taldeak txandakatu egin dira markagailuan. Bizkaitarrek, baina, gogoari eta itxaropenari eutsi diete, kementsu, eta aurkaria baino gehiago izan dira, defentsan zirrikiturik utzi gabe. Bartzelonakoei tentsioa eta ideiak falta izan zaizkie.
Markagailua moteldu egin da amaierarako hiru minuturen faltan, eta Bilbao Basketek aurrea hartu du berriro (66-67).
Tentsioa azken segundora arte
Denbora agortzen ari zela ikusita, Bartzelona estu eta larri jarri da. Tomicek aukera izan du kirolez kontrako falta zorrotz batean, baina jaurtiketetako batean huts egin du, eta partida amaitzeko 3,2 segundoren faltan saskira jaurtitzeko gai ere ez da izan.
Sito Alonsoren gizonek larunbatean jokatuko dute finalerdia, 19:00etan, Herbaliferen aurka. Kanaria Handiko taldeak ere ezustekoa eman du, Valentzia Basketi 78-83 irabazita.
Fitxa teknikoa:
72 - Bartzelona Lassa (18+19+18+17): Doellman (11), Navarro (6), Satoransky (5), Perperoglou (6) eta Tomic (8) -hasierako boskotea-, Ribas (9), Abrines (2), Vezenkov (2), Samuels (5), Oleson (14) eta Arroyo (4).
73 - Dominion Bilbao Basket (20+20+15+18): Bertans (3), Hannah (6), Bogris (8), Mumbrú (12) eta Hervelle (15) -hasierako boskotea-, Todorovic (5), Slezas, Ruoff (18), Mendía, López (3) eta Suárez (3).
Partzialak: 18-20, 37-40 (atsedenaldia), 55-55, 72-72 (amaiera).
2-72 (amaiera).Zure interesekoa izan daiteke
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.
Surne Bilbaok Txapeldunen Liga jokatuko du hiru urte geroago
Talde bilbotarra urriaren 6an hasiko den lehiaketan parte hartuko duten 32 taldeetako bat da. Dagoeneko 30 talderi baieztatu diete tokia, eta Surne da horietako bat. Talde bizkaitarrak 2020-21 denboraldian Txapeldunen Ligan parte hartu zuen, eta 2022-23an errepikatu zuen.
Hlinasonek, Freyk eta Fontek Surne Bilbaorekin zituzten kontratuak luzatu dituzte, 2029ra arte
2025-2026 denboraldian Bilboko taldean izandako jokalariei erreparatuta, zortzi gizon izango dira, berriro, hurrengo denboraldian; hori bai, Bassala Bagayokok 2028ra arteko kontratua badu ere, baliteke ez jarraitzea klubean.
Surne Bilbaok Nate Darling sinatu du 2026-2027 denboraldirako
Talde bizkaitarraren hirugarren eransketa izanen da eskolta kanadiarra, Adam Somogyiren eta Dan Duscaken sinaketen ondoren.
Bilbao Basketek iragarri du Jaworskik ez duela klubean jarraituko
Eskolta estatubatuarra funtsezkoa izan da bilbotarren denboraldi arrakastatsuan.
Surne Bilbao Basketek Stefan Lazarevicek eta Amar Syllak ez dutela klubean jarraituko iragarri du
Serbiarrak klubean urtebetez jokadu du. Senegaldarrak, berriz, bi urte eman ditu Bilbon.
