Bilbao Basketek garaipena lortu du Joventuten aurka
Dominion Bilbao Basketek garaipena lortu du FIATC Joventuten aurka (85-77) igande honetan, Bilbao Arenan. Garaipen honek Errege Kopara sailkatzeko aukerekin mantentzen du talde bizkaitarra.
Ondo ekin dio etxeko taldeak norgehiagokari (7-3), baina Joventutek ondo eutsi dio Bilbao Basketen hasierari, Malleten hirukoei esker (10-8). Lehen laurdeneko azken txanpan Todorovicen lan onak abantaila polita eman dio Dominioni (18-12). FIATC Joventuten erantzuna bigarren laurdenean etorri da, 2-9ko partzialarekin eta talde katalanak aurrea hartu du markagailuan (20-21). Bilbao Basket une txarrak pasatzen ibili da, baina orduan Borgisek hartu du erantzunkizuna eta bere taldea berriro aurretik jarri du markagailuan (25-21). Ondoren, Bertrans eta Mumbru jokalariak puntuak sartzen hasi dira (32-24, 36-26, 41-29), eta Dominion Bilbao Basketek alde polita lortu du atsedenaldira iristean (44-31).
Hirugarren laurdenaren hasieran, Badalonako taldeak aldeak murriztea lortu du (44-36), baina Mumbruren, Bertansen eta Suarezen puntuek berriro abantaila eman diote etxeko taldeari, 16 puntuko aldea lortuta (65-49). Laurdenaren azken zatian Joventutek desabantaila murriztea lortu du (65-55). Hirugarren laurdenak iragan igandean Estudiantesen aurka gertatu zena gogorarazten izan die Bilbao Arenan bildu diren zaleei; gainera, Joventutek aldeak murriztuz ekin dio azken laurdenari eta bi punturaino gerturatu da (75-73) amaierarako bi minutu falta izan direnean. Azken minutuetan Alex Mumbru kapitainak hartu du erantzunkizuna, eta zortzi puntu jarraian lortuta, Bilbao Basketek garaipena eskuratu du (85-77).
Fitxa teknikoa:
85 - Dominion Bilbao Basket (18+26+21+20): Hannah, Bertans (19), Mumbru (21), Alex Suarez (15) eta Bogris (8) -hasierako bostekoa-; Raul Lopez (9), Ruoff (2), Todorovic (2), Hervelle eta Begic (9).
77 - FIATC Joventut (12+19+24+22): Mallet (14), Vidal (10), Abalde (11), Suton (7) eta Drame (7) -hasierako bostekoa-; Sabat (13), Ventura, Paul (8), Llovet (3) eta Miralles (4).
Partzialak: 18-12, 44-31 (atsedenaldia); 65-55 eta 85-77 (amaiera).
Epaileak: Miguel Angel Perez Perez, Miguel Angel Perez Niz eta Andres Fernandez Sanchez.
Zure interesekoa izan daiteke
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.
Surne Bilbaok Txapeldunen Liga jokatuko du hiru urte geroago
Talde bilbotarra urriaren 6an hasiko den lehiaketan parte hartuko duten 32 taldeetako bat da. Dagoeneko 30 talderi baieztatu diete tokia, eta Surne da horietako bat. Talde bizkaitarrak 2020-21 denboraldian Txapeldunen Ligan parte hartu zuen, eta 2022-23an errepikatu zuen.