Azken mugimenduak
Gorde
Kendu nire zerrendatik

Mumbruk kontratua luzatu du, eta Alex Suarez utzita dator Bilbora

Kapitainak urtebete luzatu du Bilbao Basketekin duen kontratua. Suarezi dagokionez, urtebeterako dator Bilbora, baina utzita.
Alex Mumbrú, Unicajaren aurkako partida batean. Argazkia: Efe.

Alex Mumbruk Dominion Bilbao Basketeko kapitain izaten jarraituko du datorren denboraldian, klubarekin akordioa egin eta bere kontratua urtebete luzatzea adostu ostean. Ondorioz, jokalaria 2017ko udara arte egongo da Bilbon.

"Oso pozik eta harro nago Miribilla bi urte gehiago sentitzen jarraitzeagatik", esan du Mumbruk Twitterren duen kontuan, akordioa iragarri eta gutxira.

Mumbruk 36 urte ditu eta aurreko denboraldiko Endesa Ligan Bilbao Basketen minutu gehien jokatu eta puntu gehien lortu dituen jokalaria da. Horrez gain, ligako sailkapen historikoetan sartu da, 6.000 puntu baino gehiago eginda, eta historiako hiruko saskiratzaile onenen artean sartuta (10 onenetako bat da).

Alex Suarez, utzita

Bestalde, Alex Suarezek Bilbon urtebete utzita jokatzea adostu dute Real Madrilek eta Dominion Bilbao Basketek, ACBk bere atari ofizialean iragarri duenez.

Hegaleko pibota Mahonen (Menorca) jaio zen duela 21 urte, eta juniorra zela egin zuen debuta Endesa Ligan 2011-2012 denboraldian. Iaz 34 partida jokatu zituen Joventutekin Ligan, Errege Kopan eta play-offetan. Batez beste, 4,8 puntu egin eta 1,9 errebote hartu zituen neurketa bakoitzeko.

eko.

Zure interesekoa izan daiteke

LÉRIDA, 10/05/2026.- El alero de Hiopos Lleida, Oriol Paulí, entra a canasta ante el pívot del Surne Bilbao, Tryggvi Hlinason, durante el encuentro correspondiente a la fase regular de la Liga Endesa que disputan hoy en el pabellón Barris Nord de Lleida. EFE/Álex López
18:00 - 20:00
ZUZENEAN
Duela  min.

Azken laurdenean egindako hutsek garaipenik gabe utzi dute Surne Bilbao Lleida aldean (90-81)

Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.

Gehiago ikusi
Publizitatea
X
Publizitatea
X