Bilbao Basketek Badalonan galdu du (85-79)
Joventuten aurkako partida galdu du Bilbao Basketek (85-79). Badalonakoak hasieratik joan dira aurretik, alde erosoekin, eta bosgarren garaipena jarraian eskuratu dute. Bilbao Basket 8 punturekin dago, Endesa Ligako bosgarren postuan, aurkaria baino bat gutxiago, hain zuzen.
Hobeto hasi du neurketa Bilbao Basketek. Alex Mumbru oso zuzen aritu da, baina Albert Mirallesek gidoia aldatu du, Joventuten alde. 9-4ko partzialaren ostean, aurretik jarri dira Badalonakoak. Partida bukatu arte mantendu dute aldea, bigarren laurdeneko momentu batean izan ezik, Bilbao Basketek 5 puntuko aldea izan duenean.
Alex Suarezek estekan lortutako zazpi puntuak mingarriak izan dira Sito Alonsoren taldearentzat. Markagailua 51-40 heldu da atsedenaldira.
3. laurdenean, aldea handitu du Joventutek. Hervelle eta Marko Todorovic hiru falta pertsonalekin aritu dira.
Azkenean, etxeko taldea erlaxatu da, eta Bilbao Basket hurbildu egin da markagailuan (80-76), minutu bakarra falta zela. Baina Tarik Kirksayk garaipena eman dio Joventuti, eta Errege Kopatik hurbilago daude kataluniarrak.
FITXA TEKNIKOA
Joventut: Mallet (8), Ventura (4), Kirksay (16), Suton (8), Savane (8) -hasierako boskotea-, Miralles (8), Vidal (14), Hannah (7), Abalde (-), Suarez (10) eta Llovet (2)
Bilbao Basket: Colom (15), Borg (2), Mumbru (16), Hervelle (7), Marko Todorovic (11) -hasierako boskotea-, Dejan Todorovic (5), Williams (-), Lopez (14), Andusic (6) eta Wragge (3).
Partzialak: 20-22, 31-18, 19-19 eta 15-20.
9-19 eta 15-20.Zure interesekoa izan daiteke
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.
Surne Bilbaok Txapeldunen Liga jokatuko du hiru urte geroago
Talde bilbotarra urriaren 6an hasiko den lehiaketan parte hartuko duten 32 taldeetako bat da. Dagoeneko 30 talderi baieztatu diete tokia, eta Surne da horietako bat. Talde bizkaitarrak 2020-21 denboraldian Txapeldunen Ligan parte hartu zuen, eta 2022-23an errepikatu zuen.