Bilbao Basketek kale egin du Dinamo Sassariren aurka
Bilbao Basketek 91-93 galdu du Dinamo Sassariren aurka Bilbao Arenan. Talde bizkaitarrak bideratuta zuen 'Top 32'rako sailkapena, baina porrot honekin zaildu egin zaio hurrengo faserako txartela lortzea.
Rafa Pueyok zuzentzen duen taldeak ondo eki dio partidari, 9-0eko partzialarekin. Dinamo Sassariri, ordea, kosta egin zaio partidan sartzea, baina pixkanaka aldeak murriztea lortu du. Italiarrak 9-0 eta 11-5 galtzen ibili dira, baina hobeto jokatzen hasi eta puntu bakarrera jarri dira (14-15). Dena den, lehen laurdena etxeko taldearen aldeko emaitzarekin bukatu da (18-14).
Bigarren laurdenean, norgehiagoka asko parekatu da. Hasieran Bilbao Basketek abantaila polita lortu du (30-22), baina Dinamo Sassarik ez du etsi, eta berriro desabantaila murriztu du (31-29). Lehia gogortu egin da atsedenaldira iristeko hiru minutu falta izan direnean, eta Bilbao Basket puntu bakarreko aldearekin iritsi da atsedenaldira (38-37).
Talde italiarra izan da hirugarren laurdenari hasiera bikaina eman diona. Dinamo Sassarik indartsu ekin dio laurdenari, eta hamar puntuko abantaila lortu du (43-53). Bilbao Basketek ez du maila ona eman atsedenalditik itzuli ostean, baina garaiz erantzuten jakin du, eta 11-0eko partzialarekin aurrea hartu du markagailuan (54-53). Hirugarren laurdenaren amaiera oso parekatua izan da, eta honen irudi argia laurdenaren amaieran eman den emaitza izan da, 60-60.
Azken laurdena ere ez da makala izan. Bi taldeetako bat ere ez da abantaila handirik lortzeko gai izan, eta laugarren laurdena berdinduta bukatu da (80-80). Ondorioz, partida luzapenean erabaki behar izan da. Bilbao Basketek eta Dinamo Sassarik lehia estua eskaini dute, eta azkenean, italiarrek lortu dute garaipena (91-93).
Fitxa teknikoa:
91 - Bilbao Basket (18+20+22+20+11): Raul Lopez (8), Pilepic (12), Mumbrú (11), Hervelle (8) eta Gabriel (20) -hasierako bostekoa-; Bertans (7), Grimau (4), Vrkic (5), Markota (8) eta Kavaliuskas (8).
93 - Dinamo Sassari (14+23+23+20+13): Marques Green (10), Drake Diener (14), Omar Thomas (21), Caleb Greeen (20) eta Linton Johnson (10) -hasierako bostekoa-; Travis Diener (5), Devecchi, Sacchetti (8), Vanuzzo (5) eta Juan Fernandez.
Partzialak: 18-14, 38-37 (atsedenaldia); 60-60, 80-80 (luzapena) eta 91-93 (amaiera).
Epailea: Luis Lopes (POR), Olegs Latisevs (LET) eta Marek Cmikiewicz (POL).
Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.