Real Madril finalean da, Bilbao Basket jipoitu ostean
Real Madrilek 2013ko Superkopako finalerako txartela lortu du, Bilbao Basket erraz mendean hartuta, 100 eta 61.
Lehen laurdenean, berdintasuna izan da nagusi bi taldeen artean, nekez lortu dute bi puntutik gorako aldea zabaltzea. Carollen hirukoek (hirutik hiru sartu ditu) madrildarrak bilbotarren parean mantendu dituzte eta lehen laurdenaren amaieran puntu bat goitik ziren zuriak, 25 eta 24, Miroticek azken segundoan sartutako hirukoari esker.
Bigarren laurdenean gauzak goitik behera aldatu dira, Real Madril jaun eta jabe izan baita. Pablo Lasoren mutilek 28 eta 11ko partziala lortu dute eta atsedenaldira abantaila zabalarekin iritsi dira: 53 eta 25.
Lehen zatian Jaycee Carroll eta Alex Mumbrú izan dira saskiratzailerik onenak. Bakoitzak 12 puntu egin ditu.
Real Madril, oso indartsu
Hirugarren laurdenean gauzek bere horretan jarraitu dute; Real Madril jaun eta jabe izan da eta bilbotarrek ez dute aldea murrizteko ahalmenik agertu. Gauzak horrela, azken 10 minutuen atarian, Lasoren jokalariak 73 eta 51 ziren aurretik.
Azken laurdenean, bizkaitarrek amore eman dute, 10 puntu bakarrik egin dituzte, eta madrildarrek markagailuko aldea handitu baino ez dute egin. Amaieran 100 eta 61 gailendu dira. Talde zuriak iaz lortutako tituluari eusten saiatuko da larunbatean jokatuko den final handian (19:00etan).
Fitxa teknikoa:
100 - Real Madril (25+28+20+27): Llull (14), Rudy (11), Darden (3), Mirotic (18), Bourousis (2) -hasierako boskotea-, Díez (7), Carroll (18), Rodríguez (14), Slaughter (6), Reyes (5), Mejri (2), Draper.
61 - Bilbao Basket (24+11+16+10): López (3), Bertans (-), Mumbru (16), Hervelle (7), Kavaliauskas (9) -hasierako boskotea-, Grimau (4), Pilepic (5), Gabriel (13), Carmichael (4), Vrkic (-).
Epaileak: Martín Bertrán, Pérez Pérez, Cortés. Kanporaturik gabe.
Zure interesekoa izan daiteke
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.