Bilbao Basketek multzoko lehen postua ziurtatu du
Montenegroko taldeak ondo hasi du partida erasoan, baina Mumbruk ederki gidatu du Bilbao Basket, eta Fotis Katsikarisen mutilek 10-10ekoa jarri dute. Rakovicek markagailuan goitik jarri du Bilboko taldea (18-19), eta aurreneko laurdena 23-24koarekin bukatu da.
Bigarren laurdenean, Bilbao Basketek erasoan gehiago sakatu du, eta Buducnostek ezin izan du erritmoa jarraitu (27-33). Bizkaiko taldea jaun eta jabe izan da kantxan, baina Montenegroko kluba markagailuan gertu mantendu da (32-37). Etxeko taldeak ondo defendatu du, eta 39-39koa jarri du. Hala ere, Mumbruk eta Zisisek saskiratze garrantzitsuak gauzatu dituzte, eta atsedenaldian, 39-43 markagailuan goitik izan da talde beltza.
Buducnost bigarren zatian indartsu kantxaratu da, eta Bostek markagailua irauli du, hiruko ikusgarri batekin (48-46). Bi taldeek akast gehiegi egin dituzte erasoan, eta saskiratze erraz asko huts egin dituzte. Hala ere, Montenegroko taldeak errebotea ondo kontrolatu du, eta hirugarren laurdena 57-52koarekin bukatu da.
Azkenengo laurdenean Fotis Katsikarisen mutilek puntuak lortzeko asko sufritu dute (61-56), eta Hamiltonek eta Mumbruk erasoan pisu guztia hartu behar izan dute. Zisisek partida berdindu egin du (64-64) saskiratze ikusgarri batekin, eta Grimauk 64-65ekoa lortu du. Milosevicek jaurtiketa libreak sartu ditu (66-65), baina amaieratik bost segundora Hamiltonek 2+1eko garrantzitsua lortu du (66-68).
- Fitxa teknikoa:
66 - Buducnost KK (23+16+18+9): Ivanovic (11), Aleksa Popovic (6), Vitkovac (15), Strahinja Milosevic (5) eta Lee (6) -hasierako bostekoa-; Bost (4), Mihailovic (-), Ivanov (5), Milan Milosevic (-), Marko Popovic (-) eta Bunic (14).
68 - Bilbao Basket (24+19+9+16): Zisis (14), Pilepic (-), Mumbru (12), Hervelle (9) eta Hamilton (14) -hasierako bostekoa-; Raul Lopez (3), Grimau (3), Moerman (5) eta Rakovic (8).
Zure interesekoa izan daiteke
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Surne Bilbaok Bosnia-Herzegovinan emango dio hasiera 2026-2027ko Txapeldunen Ligari, Igokearen aurka, urriaren 6an
Bilboko taldea, azken hiru denboraldietan FIBA Europa Kopan aritu eta gero, Txapeldunen Ligan ibiliko da, eta asteartean zehaztu dute txapelketako multzo faseko egutegia. Surne Bilbao G multzoan izango da, talde hauekin: Igokea, ALBA Berlin eta Slavia Praga.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.
Surne Bilbaok Bastien Vautier pibot frantsesa fitxatu du hurrengo denboraldirako
27 urteko pibotak denboraldi baterako sinatu du, eta ASVEL Lyon-Villeurbanne taldetik dator. Klub horretan, batez beste 5,7 puntu eta 2,8 errebote lortu ditu partidako Euroligan.