Kosner Baskoniak Valentzia mendean hartuz nahi dio jarraipena eman Kopako tituluari

Kosner Baskoniak Valentzia Basketen aurka jokatuko du 2025-2026 denboraldiko Euroligako hogeita bederatzigarren jardunaldian, ostegun honetan, Buesa Arenan, 20:30etik aurrera. Taldeak Errege Kopako finala irabazi ondoren jokatuko duen lehenengo partida izanen da, eta gainera etxean jokatuko du, beraz, giro izugarria egotea espero da. Horrela, Paolo Galbiatiren taldeak arrakasta handi horri beste garaipen batekin jarraipena ematea bilatuko du.

Rodions Kurucs baja izanen da, taldekideei Kopan lagundu ahal izateko orkatileko bihurduraren ondoren ez baita erabat osatu; Khalifa Diop eta Tadas Sedekerskis baja izanen dira, lesionaturik dabiltza eta. Markquis Nowell eta Kobi Simmons, berriz, jokatzeko moduan egonen dira, Kopan parte hartu ezin izan ondoren.

Baskoniaren aurkariari dagokionez, Isaac Noguesek eta Kameron Taylorrek ezingo diote Pedro Martinezen taldeari lagundu. Valentzia sailkapenaren goialdean dabil, 18 garaipen lortu ditu eta zortzi porrot izan ditu Euroligan denboraldi honetan, eta horrek sailkapenaren hirugarren postuan dauka Valentzia, Fenerbahçe liderrak baino bi garaipen gutxiago eskuratuta.

Valentzia Euroligan punturik gehien egiten dituen bigarren taldea da, eta erasoan erreboterik gehien lortzen dituen hirugarrena. Jaurtiketa libreetan dabil eskasen, izan ere, txapelketako taldeetan eskasena da horretan.