Imanol Lopez, Erkiaga lagun, txapeldun izan da bere agurrean
Erkiagak eta Lopezek bi jokotan (15-12 eta 15-10) irabazi diete finala Olharani eta Lekerikari, atzelari zumaiar handiaren azken neurketan. Emakumezkoen finalean, Elaia eta Frida nagusitu dira, hiru jokotan (15-9, 11-15 eta 5-2).
Lekerika, Olharan, Lopez eta Erkiaga, Zumaia Jai Alai Master Serieseko podiumean. Irudia: ERAMAN!
Aritz Erkiagak eta Imanol Lopezek Zumaia Master Seriesko finalean garaipena lortu dute, Jean Olharani eta Unai Lekerikari partida bi jokotan irabazita (15-12 eta 15-10). Horrenbestez, Lopezek ametsetako amaiera eman dio bere ibilbide oparoari, bere herrian, Zumaian, San Telmo egunean, azken txapela bereganatuz.
Erkiagak eta Lopezek hasiera ezin hobea eman diote finalari, 10-0eko partzialarekin. Bikote beteranoaren erauntsia izugarria izan da, baina, halako batean, Olharanek bolada on hori etenarazi du, lehendabiziko tantoa eginda. Zuzenean saskira joan dira Paueko aurrelaria eta atzelari gernikarra, beste pilota baten bila.
Ondoren, markagailua itxuratzea baino gehiago lortu dute, ispastertarra eta zumaiarra estutu baitituzte ezinezkoa zirudienean. 14-5ekoarekin jokoa galduta ematen zuen, baina 14-12ra hurbildu dira. Hala ere, Olharanek eta Lekerikak ezin izan dute oso maldan gora jarritako jokoa irauli, eta Erkiagak eta Lopezek poltsikoratu dute (15-12).
Bigarren jokoa oso bestelakoa izan da, oso parekatua hasieratik. Erkiaga deserosoago egon da kantxan, eta Lopezek ezin izan du agindu. Gauzak horrela, Olharan eta Erkiaga markagailuan aurretik joan dira etenaldira (6-8). Hala ere, atsedenaldiaren ostean jokoa berdintzea eta aurretik jartzea lortu dute ispastertarrak eta zumaiarrak (11-8). Paueko aurrelariak eta Gernikako atzelariak ez dute etsi, eta borrokan jarraitu dute. Baina Erkiaga eta Lopez ez zebiltzan barkatzeko moduan, eta azken tantoak serio jokatuta txapela bereganatzea lortu dute (15-10).
Elaia eta Frida, txapeldunak
Emakumezkoen finalean, Elaia Gogenolak eta Frida Watkinsek irabazi dute hiru jokotan (15-9, 11-15 eta 5-2), Ihart Arakistain eta Maialen Aldazabal mendean hartuta. Ondorioz, aurrelari berriatuarrak eta atzelari zumaiarrak bereganatu dute txapela San Telmo egunean.
Elaia eta Frida ez dira ondo kantxaratu, eta txarto hasi dute neurketa. Ihartek eta Maialenek ederki aprobetxatu dute aurkarien hasiera kaskarra, eta 0-4ko emaitza jarri dute markagailuan. Hala ere, aurrelari berriatuarrak eta atzelari zumaiarrak erreakzionatu eta lehenengo seinako berdinketa lortu dute, eta atsedenaldira markagailuan aurretik joan dira (8-6). Atsedenalditik bueltan, andre eta jabe ibili dira kantxan, eta jokoa aise irabazi dute azkenean (15-9).
Bigarren jokoan, lehen laurdenean lau berdinketa izan dira markagailuan, baina Elaiak eta Fridak aginte makila hartu eta etenaldira aurretik joatea lortu dute berriro (8-5). Atsedenaldiaren ondotik finala bi jokotan irabazi behar zutela zirudienean, aurrelari sopelarra eta atzelari berriatuarra suspertu egin dira. 9-7tik 10-14ra joan dira zuzenean, eta jokoan gailentzea lortu dute (11-15), eta hirugarren jokoa behartu dute. Ihart askoz gehiago sartu da jokoan setaren bigarren erdian, eta asko nabaritu da.
Azken joko erabakigarrian, hasierako banakoaren ostean, Elaiak eta Fridak 4-1ekoa jarri dute azkar batean. Ihartek eta Maialenek tanto bat gehiago egitea lortu dute, baina ez aurkarien garaipena eragotzi (5-2).
Zure interesekoa izan daiteke
Barandika eta Manci, Gernikako Grand Slameko lehen finalistak
Barandika eta Manci dira Gernikako Grand Slameko lehen finalistak, Goitia eta Basque garaituta (14-15, 15-12 eta 5-1). Bigarren finalerdia hurrengo larunbatean jokatuko da, abuztuaren 8an, eta finala, berriz, San Roke egunean, abuztuaren 16an.
?fmt=webp-alpha&qlt=80)
Urreistik zuntz haustura du eskuin besoan eta bizpahiru aste emango ditu pilotalekuetatik at
Mutrikuko puntistak min hartu zuen iragan larunbatean Gernikako Grand Slameko lehen jardunaldian, eta abuztuaren hasieran berriz kantxaratzea espero da.
Erkiaga eta Atain gailendu dira Markinako Grand Slamaren finalean
Txapeldunek finalerako txartela ezusten lortu zuten Txanika eta Salegi garaitzeko lana erruz egin behar izan dute. Bi joko estuetan lortu dute garaipena (15-12 eta -15-14).
Elaiak eta Araik erraz hartu dituzte mendean Lur eta Alize Markinako Grand Slamaren finalean
Lejardi ahizpak etxean aritu dira. Arai atera da garaile, lan txukuna eginda, baina zoragarri aritu den Elaia nabarmenduz. Elaia eta Arai bi jokotan gailendu dira (15-6 eta 15-3). Hasieratik izan dira aurretik. Arriskatzen hasi direnean ere, asmatu dute.
Gernikako Grand Slama kiniela formatuan abiatuko da
Uztailaren 18tik abuztuaren 16ra jokatuko da. Finalerdietatik aurrera, partidak ohiko formatuan jokatuko dira. Jardunaldi guztiak larunbat gauez jokatuko dira, 21:00etan, San Roke eguneko finala izan ezik, igandean izango baita, 18:00etan.
Lur-Alize eta Txanika-Salegi, Markina-Xemeingo finaletara
Txanikak eta Salegik ezustekoa eman eta Markina-Xemeingo Grand Slameko finalerako txartela eskuratu dute. Kitarako jokoan gailendu zaizkie Urreisti eta Gorkari. Lehen jokoan 15-12 nagusi; bigarrenean 14-15 galdu eta azkenekoan 5-3. Lurrek eta Alizek ere hirugarren seta behar izan dute Helena eta Maiari irabazteko. Lehen seta 15-14 galdu dute, bigarrena 15-14 irabazi eta azkenekoan, 5-1 jaun eta jabe izan dira.
Elaia-Arai eta Erkiaga-Atain bikoteak Markinako Grand Slameko finalera sailkatu dira
Markinako Grand Slameko finalerdietan, Erkiagak eta Atainek kitarakoan hartu dituzte mendean Goitia eta Basque. 15-12, 14-15 eta 5-3 nagusitu dira. Finala, Urreisti-Gorka edo Txanika-Salegi bikotearen aurka jokatuko dute. Emakumezkoetan, berriz, Elaiak eta Araik, Erika eta Frida menderatu dituzte bi setetan. 15-11 eta 15-12 nagusitu dira. Lur-Alize edo Helena-Maia bikotea izango dute aurkari finalean.
Goitia-Basque eta Txanika-Salegi, finalerdietara
Grand Slam-Jai Alai Leagueko hirugarren jardunaldian, Txanikak eta Salegik bi set behar izan dituzte Urreisti eta Gorka mendean hartzeko (8-15 eta 14-15). Goitia eta Basque ere bi setetan nagusitu zaizkie Javierri eta Zabalari (15-9 eta 15-9). Bigarren eta azken setean, markagailuan 2-1ekoa zegoela, Goitiak min hartu du ezker orkatilan, eta ordutik Basquek hartu du bikotearen jokoaren ardura. Hala ere, mina gorabehera, Goitiak tanto ikusgarri batekin itxi du partida, bigarren seta irabazita garaipena eskuratuz.
Goixerrik eta Lekerikak jantzi dute txapela Mungian, final zirraragarrian Erkiaga eta Gorka garaituta
Goixerrik Jai Alai Leaguen irabazten duen aurreneko txapela da. Lehen jokoan markagailuan agindu dute irabazleek, baina azken txanpan asko estutu dituzte Erkiagak eta Gorkak (13-15). Bigarren jokoan, galtzaileak izan dira aurretik, baina azkenean azken tantoak erabaki du (14-15).
Maite eta Maia, Mungia Master Serieseko txapeldunak, finalean Elaia eta Oaia bi jokotan jipoituta
Maite Ortiz de Mendibil arabarra eta Maia Goikoetxea bizkaitarra aise nagusitu dira bi jokotan (5-15 eta 5-15), eta txapela bereganatu dute. Elaia Gojenola aurrelari berriatuarrak eta Oaia Otaño atzelari mutrikuarrak ez dute inolako aukerarik izan.