Eibarrek puntu bat eskuratu du Valladoliden, eta zortzi partida jarraian daramatza galdu gabe (0-0)
Beñat San Joseren taldeak berdinketa lortu du Jose Zorrillan, eta, hala, zortzigarren postuan amaitu du Hypermotion Ligako 35. jardunaldia; hala, play-offetako postuak hiru puntu ditu. Jokoan izandako azken hogeita lau puntuetatik, euskal taldeak hogei bereganatu ditu.
Jon Guruzeta titular aritu da, Zorrillan. Argazkia: Europa Press.
Eibarrek berdindu egin du, 0-0, Valladolid aurkari, 2025-2026 denboraldiko Hypermotion Ligako 35. jardunaldian, Jose Zorrilla estadioan, Valladoliden, astelehen gauean. Hala, Beñat San Joseren taldeak zortzi partida jarraian daramatza galdu gabe; jokoan izan diren azken hogeita lau puntuetatik, hogei lortu ditu. Eibar, sailkapenean, zortzigarren postuan dabil, 55 puntu dituela, eta play-offetako postuak hiru puntura dauzka.
Valladolid vs Eibar (0-0): partidako laburpena
Norgehiagoka oso parekatua izan da. Eibar bigarren zatian aritu da hobeto, lehenenean baino. Talde armagina ez da aurreko partidetan bezain ondo aritu, baina, nolanahi ere, sendo ibili da, eta puntu bat urratu du; hori garrantzitsua izan liteke, txapelketaren amaieran.
Bigarren zatian, epaileak, De Enak, Eibarren aldeko penaltia adierazi du, Adu Aresen jokaldi batean; dena den, VARean ikusita, epaileak erabaki du hasierako erabaki hori bertan behera uztea, eta, gainera, txartel horia atera dio jokalari bilbotarrari.
Hurrengo jardunaldian, Eibarrek Huescaren aurka jokatuko du, Ipuruan, igandean, 18:30etik aurrera.
Fitxa teknikoa
0 - Real Valladolid: Aceves; Ivan Alejo, Tomeo, David Torres, Clerc; Ponceau, Juric; Meseguer (Latasa, 65. min), Chuki (Sanseviero, 86. min), Biuk (Peter, 75. min); Marcos Andre.
0 - Eibar: Magunagoitia; Cubero, Nolaskoain, Jair Jr., Arbilla; Sergio Alvarez, Javi Martinez (Olaetxea, 74. min); Adu Ares (Alvaro Rodriguez, 88. min), Ander Madariaga (Marton, 69. min), Guruzeta (Bautista, 88. min); Corpas.
Epailea: Alonso de Ena Wolf (Aragoi). Valladolideko Ivan Alejo, Fran Escriba entrenatzailea eta Peter, eta Eibarreko Ander Madariaga, Adu Ares, Jair Jr., Arbilla eta Olaetxea zigortu ditu, txartel horia aterata.
Nabarmentzekoa: 15.314 zale izan dira Jose Zorrillan.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.