Baskoniak Monakon izandako erreakzioak ez dio garaipenaren saria eman (92-85)
Baskoniak Monakoren aurka galdu du, 92-85, 2024-25 denboraldiko Euroligako hogeita bosgarren jardunaldian, Salle Gaston Medecin pabiloian, Monakon, asteazken gauean. Hala, Arabako taldeak, txapelketan 25 partida jokatuta, hamar garaipen ditu, eta, behin-behinean, sailkapeneko hamabosgarren postuan dabil.
Baskoniak ezin izan du ondo aritu lehen zatian. Monako gehiago izan da, eta, bereziki erasoan, Pablo Lasoren gizonak baino sendoago ibili dira. Gasteizko taldean, Luka Samanic izan da onena; kroaziarrak hamar puntu sartu ditu aurreneko hogei minutuetan, eta bera izan da Baskoniaren baliabide indartsuena, partidari eusten jarraitzeko. Arabako taldea hamasei puntuz ari zen galtzen atsedenaldira joan denean, 51-35 hain zuzen ere.
Baskoniak suspertzeko beharra zuen, eta hirugarren laurdenean egin du. Pablo Lasoren taldea bikain aritu da orduan. Chima Moneke oso ondo ibili da, batez ere errebotean, eta berak gidatu du taldea; Baskoniak Monakoren abantaila murriztu du pixkanaka, eta 63-63ko berdinketa ere erdietsi du. Amaierarako hamar minutu gelditzen zirela, Monako lau puntuz ari zen gailentzen, 67-63, eta Baskoniak bazuen aukera garaipena bereganatzeko.
Azken laurdenean, Baskonia markagailuan aurretik ere izan da, 73-74koan eta 79-80koan, baina atsedenaldiaren ostean emandako erantzun onak ez dio saririk eman. Monakok, berriro ere, estutu egin du defentsan, hirugarren laurdenean baino gehiago, eta garaipena eskuratu du. Baskoniak, hortaz, hamar partida irabazi dituela jarraitzen du Europa mailako txapelketa nagusian. Ostiralean, beste jardunaldi batean, Baskoniak Makabi Tel Aviv jasoko du Gasteizen, Buesa Arenan.
Fitxa teknikoa
92 - Monako (23+28+16+25): Calathes (8), Mike James (19), Diallo (15), Cornelie (5) eta Papagiannis (12) -hasierako bostekoa-, Strazel (12), Blossongame (4), Jaiteh (10), Tarpey (3), Begarin (-) eta Motiejunas (4).
85 - Baskonia (18+17+28+22): Forrest (-), Baldwin (6), Luwawu-Cabarrot (10), Moneke (12) eta Samanic (12) - hasierako bostekoa -, Jaramaz (-), Rogkavopoulos (10), Sedekerskis (4), Howard (3) eta Hall (13).
Epaileak: Sasa Pukl (Eslovenia), Milos Koljensic (Montenegro) eta Mario Majkic (Eslovenia).
Nabarmentzekoa: giro ona, Monakoko Salle Gaston Medecinen.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.