2024-25 denboraldiko Euroligako Lauko Finala Abu Dhabin jokatuko dute
2024-25 denboraldiko Euroligako Lauko Finala Abu Dhabin jokatuko dute, Arabiar Emirerri Batuetako hiriburuan dagoen Etihad Arena pabiloian. Hain zuzen ere, Baskonia eta beste hamabi klub dira Euroligaren jabeak, eta, hamahiru horietatik, hamaikak eman dute erabakiaren aldeko botoa, Baskoniak tartean. 2025eko Lauko Finala maiatzaren 23tik 25era bitartean jokatuko dute.
Hortaz, Euroligako Lauko Finaka aurrenekoz jokatuko dute Europatik kanpo, 2025ean. Klub hauek egin dute bat erabakiarekin: Baskoniak, Anadolu Efesek, CSKA Moskuk, Armani Milanek, Bartzelonak, Bayern Munichek, Fenerbahçek, ASVEL Villeurbannek, Makabi Tel Avivek, Panathinaikosek eta Zalgiris Kaunasek. IMGk aurkeztu du proposamena, alegia, Euroligako bazkide komertzial nagusietako batek; Olympiakosek eta Real Madrilek eman dute kontrako botoa.
Proposamenak jasota du erabakiak lehenengo urtean izandako garapena aztertuta, aukera egon litekeela Abu Dhabi bi urte gehiagoz Lauko Finalaren egoitza izateko, alegia, 2027ra arte.
2025eko Lauko Finala jokatuko duten Etihad Arenan 18.000 zale sartu ahal dira; NBAko denboraldiaurreko partida batzuk jokatu dituzte bertan.
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.