Baskoniak ezin izan dio Anadolu Efesi irabazi (84-89), eta aurrenekoz galdu du Buesa Arenan aurtengo Euroligan
Baskoniak galdu egin du, 84-89, Anadolu Efesen aurka, 2024-25 denboraldiko Euroligako bederatzigarren jardunaldian, Buesa Arenan, Gasteizen, astearte gauean. Hala, aurtengo Euroligan etxeko talde gisa lehenengo aldiz galtzaile irtenda, Pablo Lasoren taldeak, txapelketan bederatzi partida jokatuta, lau garaipen daramatza; Euskal Herriko taldea, behin-behinean, sailkapeneko hamaikagarren postuan dabil.
Baskonia ez da eroso ibili lehen laurdenean; hori amaitu denean, Anadolu Efes 21-24 ari zen gailentzen. Beauboisek 13 puntu sartu ditu lehenengo hamar minutu horietan, Turkiako taldearen alde. Tomislav Mijatovicen jokalariek 13 puntuko aldea ere izan dute bigarren laurdenean, 26-39koan, Baskonia ezinean zebilen tarte batean. Etxekoek, baina, bidea aurkitu dute lehen zatiko azken minutuetan, eta, Rogkavopoulosek azken jokaldian hiruko bikaina sartuta, zazpi puntura murriztu dute desabantaila, atsedenaldian. Anadolu Efes 39-46 ari zen gailentzen.
12-0eko partziala erdietsita, Baskoniak bikain ekin dio hirugarren laurdenari; Gasteizko taldea 51-46 ari zen irabazten, ondorioz. Partida zeharo aldatuta zegoen. Chima Monekek gidatu du Baskonia kantxan, baina talde osoa zebilen oso ondo, defentsan zein erasoan. Anadolu Efes suspertu egin da, dena den, eta hirugarren laurdeneko amaieran berriro ere berdindu du markagailua.
Azken laurdena hasi denean, emaitza 63-65koa zen. Anadolu Efes hobeto hasi da, Baskonia baino gehiagotan asmatuz, eta, egia esan, Mijatovicek entrenatutako taldeak hobeto jokatu du une erabakigarrietan. Diop ederto aritu da, bizi-bizi errebotean, baina haren lanak eta Baskoniaren ahaleginak ez dute garaipena etxean utzi. Ostegunean, Buesa Arenan berriro ere, Baskonia-Monako partida jokatuko dute.
Fitxa teknikoa
84 - Baskonia: Baldwin (5), Forrest (8), Sedekerskis (9), Moneke (22) y Hall (8) —hasierako bostekoa—; Howard (-), Luwawu-Cabarrot (5), Jaramaz (-), Rogkavopoulos (8), Diop (13) eta N'Diaye (6).
89 – Anadolu Efes: Beaubois (16), Thompson (18), Nwora (5), Osmani (2) y Oturu (2) —hasierako bostekoa—; Bryant (20), Beaubois (), Smits (), Johnson (5), Ozdemiroglu (2), Hollatz (-), Poirier (11) eta Willis (3).
Partzialak: 21-24, 18-22, 22-17 eta 21-24.
Epaileak: Radovic, Foufis eta Laurinavicius.
Gertakizunak: giro bikaina, Buesa Arenan.
Zure interesekoa izan daiteke
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.