Baskoniak Euroligako bolada txarra moztu du, Olympiakosi 80 eta 69 irabazita
Baskoniak garaipena bereganatu du Olympiakosen kontra, 80-69ko emaitzarekin, urtarrilaren 12an Buesa Arenan jokatutako Euroligako 21. jardunaldiko partidan. Hala, bada, Gasteizko taldeak amaiera eman dio txapelketa honetan zeraman bolada txarrari, hiru porrot jarraian baitzeramatzan.
Ondo ekin dio neurketari etxeko taldeak, eta lehen abantailak erdietsi ditu. Hala ere, pixkanaka-pixkanaka, Olympiakos nagusitzen hasi da, eta Greziako taldeak hiru puntuko errenta lortu du (14-17) lehen hamar minutuen amaieran.
Bigarren laurdenean, Baskoniak hobetu egin du defentsan, eta gehiago asmatu du erasoan. Horrenbestez, Ivanovicek zuzendutako mutilek aurrea hartu dute markagailuan (25-21). Laurdeneko azken txanpan, ordea, Olympiakosek estutu egin du, eta etxeko taldea puntu bakarreko errentarekin (33-32) heldu da atsedenaldira.
Aldageletatik bueltan, bi taldeek erasora jo dute. Hirugarren laurdenean, gehiago asmatu du Baskoniak aurkariaren saski aurrean, eta 10 puntuko abantaila lortu du azken laurdenari ekiteko (59-49).
Azken laurdenean, kontrolpean izan du lehia Gasteizko taldeak. Baskoniak ondo kudeatu du aurreko 30 minutuetan eskuratutako abantaila, ez dio utzi Olympiakosi emaitza estutzen, eta garaipena bereganatu du (80-69).
Fitxa teknikoa:
80 - Baskonia (14+19+26+21): Chiozza (-), Marinkovic (4), Sedekerskis (10) eta Kotsar (8) ¿hasierako taldea¿; Miller-McIntyre (2), Howard (21), Raieste (-), Diez (11), Rogkavopoulos (5), Costello (6) eta Moneke (13).
69 – Olympiakos (17+15+17+20): Walkup (3), Canaan (19), Papanikolaou (-), Peters (2) eta Fall (6) ¿hasierako taldea¿; Williams-Goss (12), Petrusev (14), Larentzakis (1), Brazdeikis (-), Milutinov (12) eta McKissic (-).
Epaileak: Fernando Rocha (Portugal), Piotr Pastusiak (Polonia), Kristaps Konstantinovs (Letonia). Ez dute inor kanporatu. Kirolez kontrako falta adierazi diote Brazdeikisi (14. min).
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.