Baskoniak berandu erreakzionatu du Monakon eta porrot egin du (93-83)
Baskoniak porrota jaso du Monakoren aurka astearte honetan, une garrantzitsuenean, Euroligako partidan (93-83).
Duelua oso parekatua hasi da. Pixkanaka-pixkanaka bi taldeen erreferenteak sartu dira kantxara eta Baskonia izan da lehen hamar minutuen ostean alde txikiarekin aurreratu dena, 21-22.
Baskoniak Monakoren despisteak zigortu ditu eta aurretik mantendu da. Baina Markus Howarden bi hirukok ireki dute euskaldunen lehen aldea.
Dusko Ivanovicen mutilek hainbat akats kateatu dituzte jarraian eta zenbait ekintza alferrik galdu dituzte. Behin eta berriz gainditu ditu Monakok, 43-39 aurretik joan dena atsedenaldira.
Jaurtiketa librea izan da baskoniarren abantaila, eta euskal defentsak aurrerapausoa eman du, 48nako berdinketa lortuz. Baskoniak hiruko jaurtiketatik heldu dio partidari, baina aldea zabaltzen joan da Monako, 71-59.
Markus Howardek bere taldea partidan sartu du, baina etxekoen kanpoaldeko kanastek ondo mantendu dute euskaldunak. Baskoniak ez du azken erasoei aurre egiteko behar izan duen pazientzia izan eta Monakok 93-83 irabazi du.
Fitxa teknikoa:
93 - Monako (21+22+28+22): Mike James (26), Loyd (2), Ouattara (12), Cornelie (3) y Motiejunas (13) -hasierako bostekoa-, Blossongame (8), Walker (5), J.Brown (4), Jaiteh (8), Diallo (12) y Strazel (-).
83 - Baskonia (22+17+20+24): Miller-McIntyre (2), Marinkovic (6), Raieste (2), Sedekerskis (11) y Kotsar (11) -hasierako bostekoa-, Howard (33), Díez (-), Chiozza (7), Costello (5) y Moneke (6).
Epaileak: Robert Lottermoser (Alemania), Uros Nikolic (Serbia), Arturas Sukys (Lituania). Kanporaturik ez. Falta teknikoa ezarri diote Mike Jamesi.
Zure interesekoa izan daiteke
Baskoniak Chris Duarte saskiratzailea sinatu du hurrengo bi denboraldietarako
Talde gasteiztarrak ere agur esan dio ostiral honetan Tim Luwawu-Cabarroti, eta horrek esan nahi du ez duela tanteo eskubidea baliatuko, jokalariak Real Madrilekin akordioa lortu ostean.
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.