Baskoniak irabazteko aukera galdu du azken laurdenean Monakoren aurka (79-74)
Cazoo Baskonia ideiarik gabe geratu da Monakoren aurkako neurketako azken txanpan eta 79-74 galdu du.
Gasteiztarren hirugarren porrota izan da jarraian. Hirugarren laurdenean partidaren norabidea zuzendu dute eta azken hamar minutuetan abantailarekin sartu dira, baina ezin izan diote abantailari eutsi.
Lehia erritmo biziarekin hasi da eta bi taldeek defentsan aldaketa asko egin dituzte. Etxekoak gasteiztarrak zigortzen hasi dira erasoko errebotetik eta lehen abantaila lortu dute saskiratze askoko norgehiagokan.
Faltak Baskonia kaltetzen hasi dira, hainbat pertsonalekin zigortuz taldea. Baloi-galerak ere garrantzi handikoak izan dira gasteiztarrentzat, baina aurretik bukatu dute lehen zatia 20-24ko emaitzarekin, 0-10eko partzial baten ondoren.
Baskoniak hobera egin du Pierrià Henry agintean zela, baina berriz ere falta pertsonalek bigarren zatia markatu dute.
Donatas Montiejunas lituaniarrak bi-bikoa menderatu du eta Monakok gusturago jokatu du zelaian, ordurarteko alderik handiena lortzeko, 43-36.
Jaurtiketa libreak puntu gehiago lortzea eragotzi die baskoniarrei eta norgehiagoka 48-45ekoarekin iritsi da atsedenaldira.
Pierrià Henry izan da berriz ere gasteiztarren motorra aldageletatik igaro ondoren, eta euskal taldeak 0-8ko partzialarekin berreskuratu du agintea.
Dani Díez Joan Peñarroyaren mutilen jokoan funtsezko faktorea izan da baloi lapurretekin eta kanpoko saskiraketekin, bere taldea aurretik mantentzeko. Erreboteko borrokari esker, gasteiztarrak 58-63ko abantailarekin sartu dira azken laurdenera.
Defentsak gogortu egin dira eta bi taldeei kosta egiten zitzaien saskiratzea. Elie Okoboren bost puntuk buelta eman diote markagailuari 73-71ko emaitzarekin, Baskoniak zenbait akats egin ondoren. Baskoniak ez ditu ideiak argi izan une garrantzitsuenetan, eta azken hiru minutuetan saskiratzerik lortu gabe bukatu du (79-74).
Fitxa teknikoa
79 - Monaco (20+28+10+21): James (10), Loyd (12), Ouattara (9), Brown III (2) eta Motiejunas (11) -hasierako bostekoa- Okobo (22), Strazel (-), Diallo (4), Moerman (2) eta Hall (7).
74 - Cazoo Baskonia (24+21+18+11): Thompson (13), Marinkovic (-), Giedraitis (-), Díez (12) eta Kotsar (11) -hasierako bostekoa-, Raieste (-), Howard (3), Henry (17), Sedekerskis (6), Kurucs (-) eta Costello (12).
Epaileak: Ilija Belosevic (SRB), Igor Dragojevic (POL) eta Tomasz Trawicki (MNE). Darius Thompson kanporatu dute falta pertsonalengatik (40. min).
Zure interesekoa izan daiteke
Kosner Baskoniaren lanak ez du saririk izan Real Madrilen aurka (94-87)
Howard inspiratu batek zuriak estutasunetan jarri ditu azken laurdenean, baina ez da nahikoa izan etxetik kanpo arabarren beste porrot bat saihesteko.
Kosner Baskoniak Eugene Omoruyi nigeriarra fitxatu du bi hilabeterako, denboraldia bukatu arte taldean geratzeko aukerarekin
Jokalaria Dubaiko Al Nasr taldetik dator, eta datozen orduetan Madrilera iritsiko da Baskoniako taldekide berriekin elkartzeko.
Kosner Baskoniak Real Madril bisitatuko du, ostegunean, Euroligako seigarren garaipenaren bila
Partida 21:00etan hasiko da, Movistar Arenan. Gainera, Paolo Galbiatiren taldeak kanpoko lehen garaipena lortu nahi du etxetik kanpo, Europa mailako goreneko txapelketaren jardunaldi honetan.
Tadas Sedekerskisi artroskopia egingo diote eskuineko orkatilan, eta gutxienez hilabete eta erdi egon liteke jokatu ezinik
Kosner Baskoniako jokalaria ostegunean egingo diote artroskopia hori; Eurobasketen, Lituaniako selekzioarekin ari zela, lesioa izan zuen, eta helburua da guztiz sendatzea.
Gytis Radzevicius: "Nire energia transmititzera nator, nire jokoa horretan oinarritzen da"
Gytis Radzevicius talde gasteiztarrera iritsi berri da, Hamidou Diallok joan den astean Baskonia utzi eta gero. Bere jokoa nolakoa den azaldu du. (Jatorrizko adierazpenak, ingelesez).
Kosner Baskoniak luzapenean galdu du Valentziaren aurka (89-91)
Kosner Baskoniak 89-91 galdu du Buesa Arenan Valentziaren aurka Endesa Ligako 9. jardunaldian. Lehen zati bikaina egin du, baina partida luzapeneraino joan da eta Valentziak irabazi du.
Hirugarren laurden onak garaipena eman dio Kosner Baskoniari Milanen aurka (88-78)
Howardek eta Brooksek hirukoak trukatu dituzte eta denborak aurrera egin du Baskoniaren beste garaipen bat ziurtatzeko, 88-78.
Hamidou Diallok ez du Baskonian jarraituko; Gytis Radzevicius lituaniarrak ordezkatuko du
30 urteko jokalari lituaniarra Rytas Vilnius taldetik dator. Azken urteotan, lan garrantzitsua egin du han.
Kosner Baskoniak galdu egin du Zalgirisen aurka, laugarren laurdenean gainbehera joan ostean
Etxeko taldeak partida irauli zuen azken zatian bikain jokatuta, eta Sylvain Francisco jokalari frantziarraren lan apartari esker.
Kosner Bakoniak Zalgirisen aurka bilatuko du, asteartean, Euroligako lehenengo garaipena bisitari moduan
Euskal taldea Kaunaseko partidara 12 partidetatik lau garaipen lortuta ailegatzen da; Zalgirisek, berriz, zazpi lortu ditu. Partida 19:00etan hasiko da.