Baskoniak errekorra eta garaipena lortu ditu Maccabiren aurka (116-87)
Cazoo Baskoniak bere historiako saskiratze handiena lortu zuen Euroligan, Maccabi Tel-Aviv 116-87 mendean hartuta. Gasteiztarrek, 35-20ko markagailuari esker, partida bideratzea lortu dute.
Gasteizko taldeak garaipenaren bidea berreskuratu du Europan, Darius Thompson, Markus Howard eta Maik Kotsar buru izan dituen talde lanari esker.
Hasierako kolpe-trukea etxeko taldetik etorri da. Talde horia Baskonia oztopatzen saiatu da pista osoan aurrez aurreko defentsa eginez, baina arabarrek ondo aukeratu dituzte erasorako uneak.
Arabarren kanpoko jaurtiketak talde hebrearraren erasoko erreboteak baino pisu handiagoa izan dute, eta partidako lehen aldea 17-8 izan da bost minuturen buruan.
Markus Howard eta Pierria Henry pistan sartu dira, eta Rokas Giedraitis lituaniarrak bederatzi puntu lortu ditu. Hala, partida bideratu dute 35-20ra arte.
Joan Peñarroyaren taldeak aldea 22 puntura igo du 9-3ko emaitzarekin hasteko bigarren laurdena.
Euskaldunen akats batzuek Maccabi partidan sartu dute. Oded Kattashen mutilek uztai gainetik jokatu dute, eta markagailuak 46-36koa erakutsi du.
Etxekoek hirunaka itzali dute israeldar sua, eta atsedenaldira joan dira 63-42koarekin.
Nebo eta Brown saiatu dira gidoia aldatzen atsedenaldiaren ostean, baina baskoniarrek ez diote utzi euren jokoa egiteari.
Maccabik defentsak txandakatu ditu, zonakako defentsarekin probatu du, eta Wade Baldwinek 11 puntu lortu ditu ia jarraian Maccabi berriro partidan sartzen saiatzeko. Baina Howard, Thompson eta Kotsarren txinpartek abantaila mantendu dute 90-67ko eroso batean.
Saskiratzeko erritmoak behera egin du azken laurdenean, eta horrek mesede egin dio Baskoniari. Azken txanpan, Baskoniak partidaz disfrutatu du, eta beste marka historiko bat ezarri du Euroligan, 116 puntu saskiratuta eta 87 jasota.
Fitxa teknikoa
116 - Cazoo Baskonia (35+28+27+26): Thompson (15), Raieste (7), Giedraitis (13), Hommes (8) y Kotsar (18) -hasierako bostak-, Howard (23), Marinkovic (14), Henry (2), Sedekerskis (5), Diez (-) Kurucs (2) eta Costello (9).
87 - Maccabi Tel-Aviv (20+22+25+20): Brown (20), Baldwin (13), Hollins (-), Poythress (8) y Nebo (16) -hasierako bostak-, Adams (8), Menco (-), Sorkin (2), Dibartolomeo (5), Hilliard (3), Cohen (2) eta Colson (9).
Epaileak: Robert Lottermoser (Alemania), Milan Nedovic (Eslovenia) eta Hugues Thepenier (Frantzia). Kanporaturik ez.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.