Baskoniak galdu egin du Anadolu Efesen aurka
Bitci Baskoniak galdu egin du Anadolu Efesen aurka (87-72) astearte honetan Turkian jokatu duen Euroligako 15. jardunaldiko partida. Lehen hiru laurdenetan eutsi egin dio aurkariari Arabako taldeak, baina azken laurdenean nagusi izan da etxeko taldea.
Nagusi izan da Baskonia lehen laurdenean, eta azkar lortu du markagailuan zuloa irekitzea (2-8 eta 4-10). Arabako taldeak asmatu egin du erasoan, defentsa sendoa eginda aurkariari saskiratzeak sartzea zail jarri diolarik. Lehen hamar minutu onak jokatu ditu Baskoniak eta zortzi puntuko errenta eskuratu du (13-21).
Bigarren laurdenaren hasieran desabantaila murriztea lortu du Anadolu Efesek (18-21), eta neurketa parekatu egin da. Bitci Baskonia aurretik ibili da markagailuan ia laurden guztian zehar, baina atsedenaldira iristeko bi minutu falta zirenean Efes jarri da aurretik (35-34), eta Turkiako taldea puntu bateko abantailarekin joan da atsedenaldira (43-42).
Atsedenaldiaren ostean, hobeto kantxaratu da etxeko taldea. Anadolu Efesek ondo ekin dio hirugarren laurdenari, lehen minutuetan zortzi puntuko abantaila erdietsita (51-43). Baskoniak, ordea, azkar erantzun du, ez dio utzi aurkariari ihes egiten, eta aurretik jartzea ere lortu du (53-54). Laurdenaren azken txanpan berriro errenta polita eskuratu du Efesek (63-56), baina Spahijak zuzentzen duen taldeak lau puntura murriztu du desabantaila (66-62).
Azken laurdenaren hasiera oso txarra izan da Gasteizko taldearentzat. Anadolu Efesek Baskoniaren defentsako lana apurtzen jakin du, eta mota guztietako saskiratzeak sartuta, hamaika puntuko abantaila erdietsi du (77-66) amaierarako bost minutu falta zirenean. Oso maldan gora jarri zaio neurketa Baskoniari, saiatu da aldeak murrizten, baina erasoan ez da fin ibili, aurkariak ez dio erraztasunik eman, eta galtzaile atera da (87-72).
Fitxa teknikoa:
Anadolu Efes: Larkin (16), Beaubois (7), Bryant (2), Moerman (15) eta Dunston (-) --hasierako taldea--; Simon (-), Pleiss (17), Micic (24), Anderson (-), Singleton (-) eta Petrusev (6).
Bitci Baskonia: Granger (17), Baldwin IV (10), Sedekerskis (8), Giedraitis (5) eta Enoch (5) --hasierako taldea--; Peters (9), Fontecchio (17), Costello (-), Nnoko (1) eta Kurucs (-).
Parctzialak: 13-21, 30-21, 23-20, 21-10.
Epaileak: Pukl, Panther eta Kowalski. Kanporaturik gabe.
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", berretsi du Galbiatik.
Tadas Sedekerskisek Kosner Baskoniako zaleekin abestu du "Ikusi Mendizaleak"
Lituaniako jokalaria euskararekin animatu da, eta euskal kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Hau izan da Kosner Baskoniaren omenezko aurreskua
Kosner Baskoniak Errege Kopan lortutako garaipenaren ospakizunean, aurreskua dantzatu da txapeldunen omenez; Algara Dantza Taldea, bere 25. urteurrenean, horretaz arduratu da.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.
Baskoniaren zazpigarren Kopak utzitako hainbat bitxikeria: hamar jokalarik egin dute debuta, eta horietako bat, Forrest, MVP
Baskoniak 2009tik ez zuen Kopako finalik jokatzen, eta orduan ere gailendu zen; 73 urtean, soilik Unicajak eta Gasteizko taldeak menderatu dituzte Bartzelona eta Real Madril Kopa batean. Trent Forrestek bereganatu du MVP saria; duela 17 urte lortu zuen hori azkenekoz Baskoniako jokalari batek, Teletovicek, hain zuzen.