Kirolbet Baskonia, txapeldun!!!
Kirol Baskonia 2019/2020ko Endesa Ligako txapeldun bihurtu da Bartzelonari bi puntugatik irabazi ostean (67-69), partida amaitzeko hiru segundo besterik falta ez zirela Luca Vildoza joko-antolatzaile argentinarrak, neurketako jokalari baliotsuenak, lortutako saskiratze erabakigarriari esker. Horrenbestez, gasteiztarrek euren laugarren liga garaikurra irabazi dute hamar urte eta gero.
Bartzelonak jaurtiketa libre bat sartuta lortu du neurketako lehen puntua, eta Baskoniak biko saskiratze batekin erantzun du (1-2). Ondoren, parekotasuna izan da nagusi, eta bi taldeetako bat ere ez da gai izan zuloa irekitzeko. Hala ere, lehen laurdenaren erdialdetik aurrera Baskonia nagusi izan da, eta sei puntuko abantaila (9-15) eskuratu du. Bartzelonak, ordea, aldeak murriztu ditu, eta aurrea ere hartu du (16-15), baina Diopen saskiratze baten eraginez, Arabako taldeak puntu bateko errentarekin amaitu ditu lehen hamar minutuak (16-17).
Bigarren laurdenari oso hasiera txarra eman dio talde gasteiztarrak, eta Bartzelona horretaz baliatu da bederatzi puntuko errenta hartzeko (29-18). Asko kosta zaio Baskoniari Bartzelonaren defentsa gainditzea, eta ia laurden guztian zehar zazpi puntuko desabantailarekin ibili da. Atsedenaldira, sei puntu azpitik (39-33) heldu da Arabako taldea.
Shengelia Oriolaren defentsa gainditu nahian. Argazkia: EFE
Atsedenalditik itzuli ostean, saskiratu ezinda ibili dira bi taldeak, eta ia bi minuturen ondoren Baskonia izan da saskiratzea lortu duena. Pixkanaka, nagusitzen hasi da Arabako taldea, eta desabantaila murriztean gain, aurrea hartu du, lau puntuko errenta eskuratuta (43-47). Jarraian, Bartzelonaren erantzuna etorri da, lehia berdintzea lortu duelarik (47-47). Parekotasuna izan da nagusi ondoren, eta hirugarren laurdena berdinduta amaitu da (51-51).
Azken laurdenaren hasieran, Baskoniak bi saskiratze jarraian lortu ditu (51-55). Ondoren, Bartzelona izan da aldeak murriztu dituena (57-58). Hasierako minutuetako zoramenaren ostean, indarrak parekatu egin dira, eta berdinketak bata bestearen ostean eman dira (62-62 eta 64-64). Gainera, norgehiagoka berdinduta (67-67) heldu da azken segundoetara. Luca Vildoza finaleko jokalari onenak aurretik jarri du Arabako taldea. Azken jabetza Barçak izan du, partida irabazten saiatu da hiruko jaurtiketa baten bidez, baina ez du asmatu, eta Kirolbet Baskoniak garaipena (67-69) eta titulua eskuratu ditu.
Fitxa teknikoa:
67 - Bartzelona (16+23+12+16): Hanga (3), Higgins (14), Claver (4), Mirotic (8), Tomic (2) -hasierako bostekoa- Davies (4), Heurtel (21), Oriola (3), Abrines (-) eta Kuric (8).
69 - Kirolbet Baskonia (17+16+18+18): Henry (2), Vildoza (17), Shields (9), Shengelia (14), Eric (2) -hasierako bostekoa- Jannings (8), Diop (10), Granger (-), Dragic (3) eta Polonara (4).
Epaileak: Peruga, Hierrezuelo eta Conde. Mirotic (Bartzelona) kanporatu dute bost faltarekin.
Zure interesekoa izan daiteke
Kosner Baskoniak Jesse Edwards fitxatu du denboraldi amaierara arte
Trent Forrest, Endesa Ligako 21. jardunaldiko jokalari onena
Estatubatuarrak 18 puntu lortu, lau asistentzia eman eta bost errebote harrapatu zituen Buesa Arenan jokatutako azken partidan, Força Lleidaren aurka.
Kosner Baskonia garaiz esnatu da Lleidaren nagusitasunari buelta emateko (93-90)
Kosner Baskonia, Eugene Omoruyiren gidaritzapean, garaiz suspertu da Buesa Arenan, nagusi izaten ari zen Hiopos Lleidari aurre egiteko. Partidaren zati handi batean oso nabaria izan da aldea, baina azkenean 93-90 gailendu da Baskonia.
Kosner Baskoniak argi galdu du Parisen aurka (81-97), eta bolada txarrean jarraitzen du Euroligan
Euskal taldeak bost partida daramatza garaipenik lortu ezinik nazioarteko txapelketan. Paris Basketballen kontrakoan, Galbiatiren gizonak lehen laurdenetik izan dira atzetik markagailuan, eta Frantziako taldeak bigarren laurdenean hautsi du neurketa.
Kosner Baskoniak sailkapenaren azken postuetatik ateratzea bilatuko du ostiral honetan Parisen aurka
Arabarrak lesioen ondorioz ahuldutako talde batekin ailegatzen dira neurketara, aurretik ezagututako hutsunei, iparramerikar jokalariena, Rodion Kurucsena eta Matteo Spagnolorena gehitu dira.
Sedekerskisi eskuineko orkatilan ebakuntza egin diote berriro, eta denboraldi honetan ez du gehiago jokatuko
Bigarrenez egin diote horrelako ebakuntza bat. Lehenengoa abenduaren 11n egin zioten. Lituaniarra Eurobasketen min hartu zuen. Soilik 20 partida jokatu ahal izan ditu denboraldi honetan.
Galbiati: "Sedekerskisek ezingo du denboraldi honetan gehiago jokatu"
Lituaniarraren bigarren ebakuntza izango da, urtarrilean egindakoa kontuan hartuta. Udan, bere selekzioarekin Eurobasket txapelketa jokatzen ari zela, orkatilean egin zuen min.
Kosner Baskoniak Kopako ajea ordaindu du Buesa Arenan Valentziaren aurka jipoia jasota (79-108)
Partida hasi aurretik Baskoniak Valentzian irabazitako Errege Kopa eskaini die zaleei kantxa erditik. Norgehiagoka lehen minutuetan hautsi da, eta Arabako taldea atzetik joan da neurketa osoan zehar.
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.