Kirolbet Baskoniak amore eman behar izan du azken laurdenean, Milanen (81-74)
Kirolbet Baskoniak galdu egin du ostegun honetan Armani Milanen aurka (81-74), Euroligako zazpigarren jardunaldiari zegokion neurketan, azken laurdenean 17-0eko partzialari erantzun ezinda geratu eta gero.
Vladimir Micov (12 puntu) Baskoniako jokalari ohia, lehen zatian, eta Sergio Rodriguez (13) eta Amedeo Della Valle (15), bigarrenean, izan dira arabarraren borrero nagusiak. Dena dela, Ettore Messinak entrenatzen duen Milango taldean bost jokalarik saskiratu dituzte hamar puntutik gora.
Tornike Shengeliaren (12) eta Luis Scolaren (6) artean aurreikusten zen norgehiagoka ikusgarriari dagokionez, ez da halakorik izan, bata zein bestea ohikoa duten jardun oparotik aldenduta ibili baitira.
Baskoniaren aldetik, Nik Stauskas izan da jokalaririk azpimarragarriena (15 puntu). Hartara, jaurtitzaile kanadarrak denboraldi honetan bere taldeari egin diezaiokeen ekarpenaren berri eman du lehen aldiz.
Fall eta Henry saiatu dira Stauskasi laguntzen (13na puntu). Azken horrek, gainera, min hartu du orkatilan, bigarren laurdena jokatzen ari zela, eta ez da kantxara bueltatu bigarren zatira arte.
Porrot horrekin, Gasteizko taldeak lehen zortzi sailkatuen artean egoteari utzi dio, hiru neurketa irabazi eta lau galdu ostean. Armani Milan, berriz, sailkapenaren buruan kokatu da (6-1), Bartzelonak eta CSKA Moskuk ostiralean egingo dutenaren zain.
Italian jokatu ondoren, etxean hiru norgehiagoka kateatzea egokituko zaio Baskoniari, Makabi, CSKA eta Zenit taldeen aurka, hain zuzen ere.
Fitxa teknikoa:
81 - Armani Milan (14+26+16+25): Rodriguez (13), Roll (12), Micov (12), Scola (6) eta Tarczewski (6) –hasierako bostekoa–, Gudaitis (2), Mack (10), Biligha (-), Brooks (3), Della Valle (15) eta Cinciarini (-).
74 - Kirolbet Baskonia (19+15+19+21): Vildoza (6), Janning (5), Shields (2), Shengelia (12) eta Eric (6) –hasierako bostekoa–, Henry (13), Diop (-), Fall (13), Stauskas (15), Garino (2) eta Polonara (-).
Epaileak: Robert Lottermoser (Alemania), Matej Boltauzer (Eslovenia) eta Hugues Thepenier (Frantzia). Garino kanporatu dute, bost falta pertsonal egiteagatik (37. min).
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.